Mexiko sailkatu da, eta Kanadak historia egin du 2026ko Munduko Txapelketan
Mexiko final-hamaseirenetara iritsi den lehen selekzioa izan da, Hego Korea 1-0 gaindituta; Kanadak, berriz, bere lehen garaipena eskuratu du Munduko Kopan, Qatar 6-0 irabazita, Ismael Koneren lesioak gaua ilundu duen arren.
Mexikoko selekzioko jokalariak garaipena ospatzen. Argazkia: EFE
Mexikok eta Kanadak jardunaldi historikoa bizi izan dute 2026ko FIFAren Munduko Kopan. Mexikoko selekzioak final-hamaseirenetarako txartela lortu duen lehen taldea izan da Hego Korea 1-0 mendean hartuta Zapopango Akron estadioan. Bien bitartean, Kanadak bere lehen garaipena eskuratu du Munduko Kopan, Qatar 6-0 gaindituta Vancouverren.
Mexikoren eta Hego Korearen arteko lehia etxekoen nagusitasunarekin hasi zen. Roberto Alvaradok eta Brian Gutierrezek area kanpotik eman zuten abisua, baina Seung-gyu Kim atezain hegokorearraren erantzun bikaina izan zen. Koreak bere aukerarik onena izan zuen lehen zatian, Heung-min Sonen jaurtiketa batekin.
Bigarren zatiak norgehiagokako gol bakarra ekarri zuen. 50. minutuan, Julian Quiñonesen erdiraketa batek Hego Korearen akats bat eragin zuen defentsan, eta Luis Romok aldaratzea baliatu zuen baloia sare barrura bidaltzeko.
Garaipen honekin, Mexiko sei punturekin A multzoko iderra da; Hego Koreak, berriz, hiru puntu eskuratu ditu.
Vancouverren, Kanadak gau historikoa bizi izan zuen Qatarri 6-0 irabazita. Jesse Marschek zuzentzen duen taldeak erasoko presio handia erakutsi zuen hasieratik, eta laster aurkitu zuen golaren bidea. Cyle Larinek markagailua ireki zuen 15. minutuan, eta Jonathan Davidek aldea handitu zuen atsedenaldira iritsi aurretik bi tantorekin.
Bigarren zatian gol gehiago iritsi ziren: Nathan Salibak gola sartu zuen falta zuzen baten ostean, Mohammad Al Mannaik bere atean sartutako golak 5-0ekoa jarri zuen, eta Jonathan Davidek hirugarren gola egin zuen luzapenean.
Gaueko albiste txarrra Ismael Koneren lesioa izan zen, Madiboren sarrera gogor baten ondoren zelaia ohatilan utzi behar izan baitzuen. Erdilari kanadarra Vancouverreko ospitale batera eraman zuten lesioaren norainokoa aztertzeko.
Zure interesekoa izan daiteke
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Suitzak Bosniaren aurkako neurketa azken txanpan desorekatu du (4-1), eta Txekiar Errepublikak eta Hegoafrikak bana egin dute
Bosniak jokoaren kontrola galdu du bigarren zatian, eta Johan Mamzambi, Ruben Vargas eta Granit Xhakaren golek garaipena eman diote Suitzari. Txekiar Errepublikak aurrea hartu du, Michal Sadileken golari esker, baina Hegoafrikak banakoa egin du penaltiz. Teboho Mokoenak ez du barkatu hamaika metroetatik.
Ingalaterrak, Ghanak eta Kolonbiak garaipena lortu dute, Munduko Txapelketako multzo faseko lehen jardunaldiko azken partidetan
L multzoan, Ingalaterrak Kroazia menderatu du, 4-2, eta Ghana, Iñaki Williams aulkian izan dela, Panamari gailendu zaio, 1-0; K multzoan, Kolonbiak Uzbekistan hartu du mendean, 1-3. Ostegunean eta ostiral goizaldean, txapelketako bigarren jardunaldia hasiko da, A eta B multzoetako partidak jokatuko baitituzte.
Portugalek eta Cristianok ezin izan dute estreinakoan Kongoko ED sendoa menderatu (1-1)
Yoane Wissak Kongoko Errepublika Demokratikoaren gola buruz sartu du atsedenaldia baino lehen, eta Portugalgo selekzioak garaitzea eragotzi du. Portugalen gola Joao Nevesek egin du, Houstonen, neurketako 6. minutuan.
Leo Messik Miroslav Kloserekin berdindu du, Munduko Txapelketako historiako golegilerik onenetako lehen postuan
Argentinako selekzioko futbolariak, asteazkenean Aljeriaren aurka sartu dituen hiru golak zenbatuta, 16 daramatza, bere kirol-ibilbidean jokatu dituen sei Munduko Txapelketetan. Ekainaren 24an 39 urte beteko ditu, eta gutxienez beste bi partida ditu, Austria eta Jordania aurkari, Klose atzean uzteko.
Argentinak, Messik hiru gol sartuta, Aljeria menderatu du (3-0); Norvegia Iraki gailendu zaio (1-4), eta Austriak Jordania gainditu du (3-1), Munduko Txapelketan
Leo Messik historia egin du, indarreko txapeldunaren aurreneko partidan; izan ere, hiru gol eginda, Miroslav Klose alemaniarrarekin berdindu du, Munduko Txapelketako golegile historiko handienen lehenengo postuan. Irak-Norvegia neurketan, Erling Haalandek bi gol sartu ditu.
Mbapperen eta Barcolaren golek garaipena eman diote Frantziari Senegalen aurka (3-1)
94. minutuan, Ibrahim Mbayek sartu du Senegalen gol bakarra, 2-1ekoa orduan, baina Mbappek hurrengo jokaldian 3-1ekoa egin du, eta norgehiagoka erabakita utzi. Gainera, gol horrekin Frantziako historiako golegilerik onena da.
Saudi Arabiak eta Uruguaik (1-1) eta Iranek eta Zeelanda Berriak (2-2) berdinketa lortuta ekin diote Munduko Txapelketari
H eta G multzoetan, txapelketako aurreneko jardunaldia jokatuta, erabateko berdintasuna dago; izan ere, multzo horietan dauden selekzio guztiek puntu bana dute. Astearteko goizaldeko partidetan, Uruguaik norgehiagokako azken minutuetan berdindu du Saudi Arabiaren aurka, eta Iranek bi aldiz berdindu ditu Zeelanda Berriaren golak.
Espainiak Cabo Verderen defentsa bikainaren aurka talka egin du (0-0)
Unai Simonek, Laportek eta Oyarzabalek hasieratik jokatu dute, eta Merino eta Nico Williams bigarren zatian zelairatu dira. Bestalde, Belgikak eta Egiptok bana berdindu dute Seattleko Lumen estadioan.