Realak markagailua irauli du Osasunaren aurka, derbian, eta penaltietan sailkatu da Kopako final-laurdenetarako
Nafarroako taldea 0-2 aurreratu da, Moncayolak eta Oyarzabalek bere atean sartutako golen bidez, baina Turrientesek eta Zubeldiak berdindu egin dute, azken minutuetan; luzapenean, Aitor Fernandezek penalti bat gelditu du, eta penalti jaurtiketetan Unai Marrerok bi gelditu ditu.
Reala 2025-2026 denboraldiko Errege Kopako final-laurdenetarako sailkatu da, astearte gauean, Anoetan, eta Osasuna, ordea, txapelketatik at gelditu da, bi taldeek jokatutako kanporaketan. Gipuzkoako taldeak penalti-jaurtiketetan lortu du sailkatzea. Partida 2-2 amaitu da: Jon Moncayolak, laugarren minutuan, aurretik jarri du Osasuna; Mikel Oyarzabalek, 17.ean, bere atean, 0-2koa egin du; Beñat Turrientesek, 75. minutuan, 1-2koa sartu du; eta Igor Zubeldiak, 93.ean, binakoa egin du. Luzapenean, Aitor Fernandezek Oyarzabalen penalti bat gelditu du, eta penalti-jaurtiketetan Reala 4-3 gailendu da.
Testuinguru horretan, Realak ondo ekin dio partidari, eta Mikel Oyarzabalek gertu izan du gola, hasi eta berehala; Osasunak, baina, segituan erantzun du, ezin hobeto gainera: laugarren minutuan, Jon Moncayolak bikain jaurti du, areaz kanpotik, oso zaila izan den erremate batean. Gol ederra sartu du, eta Alessio Lisciren taldea aurretik jarri.
Golak konfiantza eman dio Osasunari, eta Nafarroako taldeak, gainera, abantaila handitu du. Korner batean, Mikel Oyarzabal, lehen zutoinean, aldentzen ahalegindu da, baina baloia Unai Marreroren aterantz joan da, eta Realeko atezainak ezin izan du gorritxoen gola saihestu. Osasunak, derbiko aurreneko minutuetan, alde oso esanguratsua eskuratu du, horrenbestez.
Reala ez zebilen eroso, eta ez zuen topatzen biderik Aitorren atera iristeko; Osasuna, aldiz, sendo zebilen, eta ondo eusten ari zitzaien txuri-urdinen erasoei. Lehenengo zatiko luzapenean izan ditu Matarazzoren taldeak gol aukerarik argienak; Caleta-Car eta Oyarzabal oso gutxigatik ez dira iritsi Susicek oso ondo orraztu duen baloira, eta, ia-ia jarraian, Carlos Solerri zutoinaren ondoan joan zaio kanpora jaurtiketa bat, atsedenaldira joan aurretik.
Marrerok geldiketa ederra egin dio Raul Garcia de Harori, bigarren zatia hasi eta segituan, eta Solerrek, beste arean, ezin izan du errematatu, atetik gertu zegoela. Realak azkar nahi zuen heldu Osasunaren atera, bizi-bizi, bigarren zati horretako lehen minutuetan. Tentsio handia zegoen Anoetan; izan ere, Alessio Lisciren taldeak abantaila ona zuen, baina Pellegrino Matarazzoren gizonak gogor ari ziren presionatzen.
73. minutuan, Jon Mikel Aramburuk kanpora bota du, buruz. Bi minuturen buruan, Beñat Turrientesek, jaurtiketa oso on baten bidez, areaz kanpotik, gola sartu du Realarentzat. Anoetak eztanda egin du, beasaindarraren golaren ondorioz; minutu asko gelditzen ziren kanporaketan oraindik.
Caleta-Carrek baloia sareetara bidaltzea lortu du, baina jokoz kanpo zegoen. Reala etengabe ibili da erasoan, eta Osasuna ondo aritu da atzealdean. Zakharyani geldiketa ikusgarria egin dio Aitorrek, oso argia izan den aukeran, baina Gipuzkoako taldeak orduan ere ez du amore eman; hala, luzapenean, Igor Zubeldiak berdinketako gola sartu du.
Oskarssonek, berdegunean zazpi minutuz izan eta gero, zelaia utzi du, eta Jon Martinek ordezkatu du, luzapenerako. Realak eta Osasunak, ziurrenik oso nekatuta, ez dute horren bizi jokatu luzapen horretan, hasieran behintzat. 102. minutuan, Ante Budimirrek, buruz, langara errematatu du; hurrengo jokaldian, Javi Galanek, area barruan, eskuz ukitu du baloia, eta epaileak penaltia adierazi du. Aitor Fernandezek, baina, geldiketa bikaina eginda, baloia aldendu du.
Tentsio eta emozio handia zegoen derbian. Azken minutuetan, Aitor Fernandez izan da heroia, Osasunarentzat; arrasatearrak bi geldiketa ikaragarri egin ditu.
Hala, penaltiek zehaztu dute nork egingo zuen aurrera. Oyarzabalek, Guedesek, Solerrek eta Sergio Gomezek gola sartu dute, Unai Marrerok Moncayolaren eta Catenaren jaurtiketak gelditu ditu, eta Reala Kopako final-laurdenetan da.
Fitxa teknikoa
2 - Reala: Marrero; Aramburu (Odriozola, 73. min), Zubeldia, Caleta-Car (Oskarsson, 89. min) (Jon Martin, 91. min), Sergio Gomez; Barrenetxea (Zakharyan, 53. min), Gorrotxategi (Turrientes, 53. min), Soler, Kubo; Sucic (Guedes, 73. min) eta Oyarzabal.
2 - Osasuna: Aitor Fernandez; Cruz (Catena, 82. min), Herrando, Boyomo, Arguibide (Rosier, 62. min); Barja (Javi Galan, 62. min), Moncayola, Muñoz (Torro, 82. min), Bretones; Moi Gomez (Ruben Garcia, 71. min), Raul Garcia (Budimir, 98. min).
Epailea: Cesar Soto Grado (Errioxa). Take Kubo, Moncayola, Herrando, Raul Garcia, Budimir eta Bretones zigortu ditu, txartel horia aterata.
Golak: 0-1, 4. min, Moncayola. 0-2, 17. Min, Oyarzabal (b. a.). 1-2, 75. min, Turrientes. 2-2, 90+2. min, Zubeldia.
Nabarmentzekoa: 30.147 zale, Anoetan.
Zure interesekoa izan daiteke
Atletico eta PSG, finalerdietara Bartzelona eta Liverpool kanporatuta, hurrenez hurren
Koltxoneroek 1-2 galdu dute Metropolitanon jokatu den final-laurdenetako itzulerako partidan, baina kanporaketa 3-2 irabazi dute. Bestalde, paristarrek talde ingelesa 0-2 hartu dute mendean, Anfielden, eta Luis Enriqueren jokalariek, egungo txapeldunek, hirugarren urtez jarraian jokatuko dituzte finalerdiak.
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).
Real Madrilek, Bodo/Glimtek eta PSGk final-zortzirenetako kanporaketak bideratu dituzte
Madrilgo eta Norvegiako taldeek Manchester City eta Sporting Portugal 3-0 jipoitu dituzte, hurrenez hurren, eta egungo txapeldunak 5-2 irabazi dio Chelseari, Parisen. Bayer Leverkusenek eta Arsenalek, aldiz, bana berdindu dute.