Bayern Munichen aurrerapauso garrantzitsua Txapeldunen Ligako final-laurdenetara, Leverkuseni 3-0 irabazita
Bayern Munichek ia erabakita dauka Txapeldunen Ligako final-zortzirenetarako kanporaketa, asteazken honetan Xabi Alonsoren Bayer Leverkusen joanekoan 3-0 menderatuta. Inter Milan ere Feyenoordi nagusitu zitzaion (0-2), eta hurrengo faserako txartela bideratu du. Halaber, Bartzelonak 0-1 irabazi zion Benficari, nahiz eta 22. minutuaz gero jokalari bat gutxiagorekin jokatu, Pau Cubarsik Plavidisi egindako sarrera baten ondorioz txartel gorria ikusi baitzuen.
Alemaniako derbian, Bayernek berehala hartu zuen abantaila, 9. minutuan Harry Kanek buruz egindako errematea, Michael Olisek eskuin hegaletik erdiratuta, sare barrura joan baitzen. Hala, Bayern Munichek hasieratik argi utzi zuen partida menderatuko zuela. 54. minutuan, Musialak egin zuen bigarrena; ondoren, Kanen bigarrena iritsi zen, penaltiz. Beraz, markagailuko azken emaitza hiru eta hutsekoa izan zen.
Bestetik, Marcus Thuramek eta Lautaro Martinezek sinatutako bi golak nahikoak izan zituen Inter Milanek Feyenoordi irabazi eta hurrengo errondarako txartela ia eskuratuta edukitzeko. Kanporaketa horretako irabazleak Bayern Munich ala Bayer Leverkusen izango du aurkari final-laurdenetan.
Gaueko beste lehietako batean, Bartzelona izan zen nagusi Estadio da Luz futbol-zelaian, Benfica 0-1 mendean hartuta. Norgehiagoka hasi eta 22. minutura, Kataluniako taldea bat gutxiagorekin geratu zen, Pau Cubarsik txartel gorria ikusi zuelako. Dena den, Wojciech Szczesny atezainaren geldiketa bikainek eta Raphina golegilearen lanak egoera zailari aurre egiteko aukera eman zieten. Horrenbestez, Bartzelonak apur bat hurbilago ditu final-laurdenak.
Azkenik, Harvey Elliotek azken txanpan sartutako golari eta Alisson atezainari esker, Liverpool bizirik atera zen Parisko Printzeen Parketik, Paris Saint-Germain ez baitzen gai izan neurketan izan zituen gol-aukerei eta nagusitasunari etekina ateratzeko.
Itzuliko hitzorduak martxoaren 11n eta 12an izango dira.
Zure interesekoa izan daiteke
Atletico, Leverkusen, Bodø/Glimt eta Newcastle, Txapeldunen Ligako final-zortzirenetara
Emaitza altuko markagailuek, Milaneko ezustekoak eta nagusitasunez ebatzitako kanporaketek erabaki dituzte final-zortzirenetarako sailkapenak.
Newcastlek ia erabakita utzi du kanporaketa eta Bodok eta Leverkusenek bereak bideratu dituzte
Ingalaterrako taldeak Qarabag gainditu du etxetik kanpo (1-6), norvegiarrek 3-1 irabazi diote Interri eta talde alemaniarrak 0-2 gainditu du Olinpiakos Grezian. Aitzitik, Brujasek eta Atletico Madrilek 3-3 berdindu dute Belgikan.
Errege Kopako finala apirilaren 18an jokatuko dute, larunbatez, 21:00etan, Cartujan
Espainiako Federazioak iragarri du txapelketako final handia apirilaren 18an jokatuko dutela, eta 21:00etan hasiko dela. Reala edo Athletic final horretan izango dira, eta sailkatzea lortzen duen euskal taldeak Bartzelona edo Atletico Madril izango du aurkari.
?fmt=webp-alpha&qlt=80)
Real Madrilek, Borussiak, PSGk eta Galatasarayk play offeko lehen neurketan garaipena lortu dute
Zuriek 0-1 irabazi diote Benficari Portugalen, talde alemaniarrak 2-0 gainditu du Atalanta etxean, Pariseko taldeak Monako menderatu du etxetik kanpo (2-3) eta turkiarrek Juventusen aurkako kanporaketa bideratu dute (5-2).
Atletico Madrilek Bartzelona jipoitu du Kopako finalerdietako joanekoan (4-0), eta oso gertu du finalera sailkatzea
Epaileak baliorik gabe utzi zuen Kataluniako taldeak bigarren zatian egindako gol bat, eta, partida amaitzeko minutu gutxiren faltan, txartel gorria atera zion Eric Garciari, Bartzelonako jokalariak Baenari sarrera gogorra egin ostean.
Athletic eta Realaren arteko Errege Kopako finalerdietako partidaren laburpena
Athleticek eta Realak Errege Kopako finalerdietako joaneko partida jokatu dute San Mamesen (0-1). Hemen laburpena.
Padilla: “Aurpegia eman dugu; seguru nago bueltako partida aurrera aterako dugula”
Athleticek galdu egin du Realaren aurka, San Mamesen jokatu den Kopako finalerdietarako joaneko partidan. Behin norgehiagoka amaituta, Padillarekin izan gara, eta azaldu digunez, bueltako partidan egoera irauli eta aukera aprobetxatuko dutelakoan daude jokalariak.
Reala nagusi izan da, eta lehen kolpea eman du San Mamesen (0-1)
Talde txuri-urdinak aurrea hartzeko aukera dezente izan dituu lehen zatian, baina ez du asmatu Padilla Athleticeko jokalari onenaren aurrean. Bigarren zatian, Turrientesek egin du Realaren gola, 62. minutuan.
Horrelakoa izan da Realari garaipena eman dion Turrientesen gola
Errege Kopako joaneko finalerdia jokatu da Athleticen eta Realaren artean, San Mamesen. Gol bat besterik ez dugu ikusi partidan, eta Turrientes izan da protagonista, Realari garaipena eman eta martxoaren 4an Donostian jokatuko den partidarako abantaila lortu baitu.
Zaleek harrera ezin hobea egin diete Athletic eta Realari, San Mamesera bidean zihoazela
Bi taldeetako zaleek azken unea ere baliatu dute jokalariak bultzatzeko; Athleticen autobusak harrera izan du San Mamesen, eta Realarenak hotelean hartu dute.