Atalantak eta Atleticok aise irabazi dute Txapeldunen Ligako 5. jardunaldian; Cityri garaipenak ihes egin dio
Manchester Cityk ezin izan zion Feyenoordi irabazi asteartean (3-3), Txapeldunen Ligako liga faseko bosgarren jardunaldiko partidan. Erling Haalandek sartutako bi golak eta Ilkay Gündoganek sartutakoa ez ziren nahikoak izan azken 15 minutuetan Ingalaterrako taldearen defentsek egindako opariei aurre egiteko; izan ere, Hadj Moussak, Santiago Gimenezek eta David Hanckok markagailua berdintzea lortu zuten. Pep Guardiolaren gizonak zur eta lur geratu ziren, eta 15. daude sailkapenean, zortzi punturekin, Feyenoord baino bat gehiagorekin.
Galdu gabe jarraitzen du Atalantak, 11 puntu eskuratuta, Young Boys 1-6 mendean hartu ostean. Xabi Alonsoren Bayer Leverkusen ere fin ibili zen, Salzburgo 5-1 garaitu baitzuen, Alejandro Grimaldoren eta Aleix Garciaren golei esker. Bestetik, Milanek hirugarren garaipena segidan lortu zuen, Slovan Bratislavari 2-3 irabazita, eta bederatzi puntu pilatu ditu orain arte.
Atletico Madrilek ere erraz menderatu zuen Sparta Praga, 0-6, Julian Alvarezek eta Angel Correak bina gol sartuta. Madrileko jokalariek bederatzi puntu dituzte Txapeldunen Ligako sailkapenean; Sparta, berriz, atzeko postuetan dago, lau puntu besterik ez ditu eta.
Bartzelona izan zen nagusi Bresten aurrean, Lluis Companys Estadio Olinpikoan jokatutako norgehiagokan, LaLiga EA Sportsen azken bi jardunaldietako sentsazio txarrak alde batera utzita. Horrenbestez, zuzenean final zortzirenetarako sailkatzeko helburua dute. Bigarren daude orain, Robert Lewandowskiren bi golek erraztutako garaipenarekin.
Astearteko emaitzen errepasoarekin jarraituz, nabarmentzekoa da Paris Saint-Germain ez dela bolada ona izaten ari Europan, Bayern Munichen aurka 1-0 galdu eta gero. Jokatutako 15 puntuetatik lau baino ez ditu poltsikoratu. Alemaniako taldeak, ostera, Allianz Arenan jokatutako bigarren jardunaldia aprobetxatu zuen 9 puntura heldu eta ondorengo faserako txartela irabaztetik hurbilago kokatzeko.
Bost jardunaldi jokatuta, Inter Milan dago lehen tokian, 13 punturekin, asteartean RB Leipzig 1-0 menderatuta. Castello Lukebak bere atean egin zuen partidako gol bakarra, lehen zatiaren 30. minutuan, gutxi gorabehera. Simone Inzaguiren taldea azkarregi erlaxatu zen arren, Leipzigek ez zion etekinik atera.
Hobeto aritu zen Mikel Artetaren Arsenal: gol-zaparrada sartu zion Sporting Portugali: Gabriel Martinelli, Kai Havertz, Gabriel, Bukayo Saka eta Leandro Trossard izan ziren golegileak. Hala, lehen zortzi sailkatuen artean kokatu da Arsenal, asteazkeneko partiden faltan. Bederatzi puntu ditu, eta lehen porrota jasan zuen Sporting Portugalekin dago berdinduta.
Zure interesekoa izan daiteke
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).
Real Madrilek, Bodo/Glimtek eta PSGk final-zortzirenetako kanporaketak bideratu dituzte
Madrilgo eta Norvegiako taldeek Manchester City eta Sporting Portugal 3-0 jipoitu dituzte, hurrenez hurren, eta egungo txapeldunak 5-2 irabazi dio Chelseari, Parisen. Bayer Leverkusenek eta Arsenalek, aldiz, bana berdindu dute.
Bayernek eta Atleticok kanporaketa bideratu dute, eta Galatasarayk aurrea hartu du
Turkiako taldeak ezustean harrapatu du Liverpool (1-0) kanporaketaren hasieran, Alemaniako taldeak Atalanta jipoitu dute Bergamon (1-6), koltxoneroek 5-2 irabazi diote Tottenhami eta Bartzelonak azken hatsean berdinketa (1-1) lortu du Newcastlen.