Ingalaterra, Danimarka eta Eslovenia final-zortzirenetara igaro dira, golik gabe azken jardunaldian
Golik gabeko berdinketa batek, 2024ko Eurokopako C multzoko azken jardunaldian, final-zortzirenetara eraman du Ingalaterra multzoko lehen postuan, eta Esloveniaren sailkapena ziurtatu du.
Ingalaterrak ez du partida batere ondo hasi, akatsez gainezka eta eraso sendorik gabe. Hala ere, bere aurkariak, Benjamin Seskoren burukada ahul bat kenduta, ez dio arazo askorik sortu.
Talde ingelesak astiroegi jokatu du, eta ezkerreko hegalean bakarrik aurkitu du min egiteko modua. Jude Bellingham ez da ia agertu, eta gauza bera Harry Kanekin, esloveniar defentsak ongi eutsita egon baita. Hala ere, susto txiki bat hartu dute Ingalaterraren jokaldi hoberenean eta azkarrenean, Bukayo Sakaren gol polit batean amaitu dena, baina baliogabetu egin dute jokoz kanpokoagatik.
Esloveniarrak ez dira gai izan haien zelaitik irteteko, eta gero eta itxiago egon dira haien arean. Cerinen area kanpoko jaurtiketa izan da aukera bakarra.
Fitxa teknikoa:
0 - Ingalaterra: Pickford; Walker, Stones, Guehi, Trippier (Alexander-Arnold, 84. min); Rice, Gallagher; Saka (Palmer, 71. min), Bellingham, Foden (Gordon, 90. min); Kane.
0 - Eslovenia: Oblak; Karnicnik, Bijol, Drkusic, Janza (Balkovec, 91. min); Stojanovic, Adam Gnezda Cerin, Elsnik, Mlakar (Celar, 86. min); Sporar (G. Stankovic, 86. min), Sesko (Ilicic, 75. min).
Epailea: Clement Turpin (Frantzia). Txartel horia atera die Trippier (18. min), Guehi (68. min), Foden (77. min), Janza (22. min) eta Bijol (72. min) jokalariei.
Danimarka, final-zortzirenetara Serbiarekin hutsean berdindu ondoren
Danimarkak eta Serbiak 0-0 berdindu dute Allianz Arenan eta eskandinaviar taldea final-zortzirenetarako sailkatu da multzoko bigarren postua lortu ondoren, multzoen fasean hiru puntu batuta.
Danimarka denean nagusitu da: jabetzan eta aukeretan. Serbia ez da Schmeichelen atera hurbildu eta Rajkovicen geldiketekin biziraun du. Rajkovicek Eirksenen eta Hojlunden jaurtiketa pare bat gelditu ditu. Mallorcako atezainak bere taldeari eutsi dio, eta aldageletatik pasatzean erreakzionatzea espero zuen, aldaketekin eta jarrera hobearekin.
Tadicek eta Jovicek bultzada gehixeago eman diote Serbiari, hamar minutu eskas iraun duen dueluan. Denbora tarte horretan, Christensenek bere atean sartu du gola, baina VARak bertan behera utzi du.
Serbia guztiarekin atera da orduan. Hiru aurrelari pilatu ditu aurrean, baina, Mitrovicen erremate bat izan ezik, ez du ezer egiterik lortu.
Fitxa teknikoa:
0 - Danimarka: Schmeichel; Bah (Kristiansen, 77. min), Andersen, Christensen, Vestergaard, Maehle; Hjulmand (Delaney, 77. min), Hojbjerg, Eriksen (Poulsen, 88. min); Hojlund (Dolberg, 59. min) eta Wind (Skov Olsen, 46. min).
0 - Serbia: Rajkovic; Mijailovic (Mladenovic, 73. min), Veljkovic, Milenkovic, Pavlovic, Zivkovik; Gudelj (Tadic, 46. min), Ilic (Vlahovic, 68. min); Samardzic (Jovic, 46. min), Lukic (Milinkovic-Savic) eta Mitrovic.
Epailea: François Letexier (Frantzia). Txartel horia atera die Milenkovic (4. min), Wind (28. min), Hjulmand (30. min) eta Mitrovic (83. min) jokalariei.
Zure interesekoa izan daiteke
Real Madrilek, Bodo/Glimtek eta PSGk final-zortzirenetako kanporaketak bideratu dituzte
Madrildarrek eta norvegiarrek Manchester City eta Sporting Portugal 3-0 jipoitu dituzte, hurrenez hurren, eta egungo txapeldunak 5-2 irabazi dio Chelseari Parisen. Bayer Leverkusenek eta Arsenalek, aldiz, bana berdindu dute.
Bayernek eta Atleticok kanporaketa bideratu dute, eta Galatasarayk aurrea hartu du
Turkiako taldeak ezustean harrapatu du Liverpool (1-0) kanporaketaren hasieran, Alemaniako taldeak Atalanta jipoitu dute Bergamon (1-6), koltxoneroek 5-2 irabazi diote Tottenhami eta Bartzelonak azken hatsean berdinketa (1-1) lortu du Newcastlen.
Lau hamarkada, azken Atletico Madril - Reala Kopako finaletik
Hitzordu hura 1987ko ekainaren 27an jokatu zuten La Romaredan, eta John Toshacken Reala nagusitu zen penaltietan.
Real-Athletic Errege Kopako finalaurreko itzulerako partidaren laburpena
Realak 1-0 irabazi dio Athletici Errege Kopako finalaurreko itzulerako partidan. Joanekoan gol bateko abantaila hartua zuen talde txuri-urdinak, hortaz, 2-0arekin lortu dute Sevillarako txartela. Hemen norgehiagokaren laburpena.
Reala, finalera Anoetan Athletic kanporatuta, Kopako derbi zirraragarrian (1-0)
Realak Atletico Madrilen aurka neurtuko ditu indarrak apirilaren 18an Sevillako Cartuja futbol-zelaian jokatuko den finalean. Txuri-urdinek 1-0 mendean hartu dute talde zuri-gorria, Oyarzabalek azken minutuetan penaltiz sartutako gol bati esker.
ARGAZKI-GALERIA: Reala-Athletic Kopako finalerdiak utzitako irudirik onenak
Realak eta Athleticek 2025-2026 denboraldiko Errege Kopako finalaurrekoaren itzuliko neurketa jokatu dute. Hemen daude ikusgai Kopako euskal derbiak utzitako irudi ederrenetako zenbait.
Realaren eta Athleticen autobusek zaleen azken animoak jaso dituzte, giro ikusgarrian, Anoetara bidean
Errege Kopako finalerdietako derbia erabakigarria hasteko ordu eta erdi gelditzen zirela, zale txuri-urdinek eta zuri-gorriek babes ikaragarria eman diete jokalariei.
Realaren eta Athleticen zaleak gogotsu eta itxaropentsu daude, gaueko hitzorduaren atarian
Realak eta Athleticek Errege Kopako finalerdietako itzuliko partida jokatuko dute gaur gauean Anoetan. Giro ederra dago bi taldeen zaleen artean.
Realak abantailaz ekingo dio kopako derbiaren bigarren neurketari, eta Athleticek kemenez egingo dio aurre Anoetako norgehiagokari
Ruperez, Odriozola eta Kubo ez daude jokatzeko moduan, baina Oskarsson bueltan izango du Matarazzok. Joanekoarekin alderatuta, Valverdek lau jokalari garrantzitsu sartu ditu deialdian, Vivian, Yuri, Berenguer eta Sancet, eta orduan zigortuta zegoen Paredes ere bai.
Atletico Madril izango da Realaren edo Athleticen aurkaria Sevillako finalean
Bartzelonak joaneko partidako desabantaila murriztu du hiru golekin (3-0), baina luzapena behartzeko laugarrena falta izan zaio.