Frantzia Austriari gailendu zaio, Woberrek bere atean egindako golari esker (0-1)
Frantziak garaipen batekin eman dio hasiera 2024ko Eurokopari, Kylian Mbapperen jokaldi baten ondorioz, eta zortea alde izanda, 38.minutuan lortutako golarekin.
Izar frantziarrak egindako erdiraketa Maximilian Woberrek buruarekin jo du, pasea aldentzeko asmoarekin, baina baloia bere atean sartu du jokalari austriarrak. Horrela, frantziarrak nagusi izan dira D multzoko lehen jardunaldian Austriaren aurka jokatutako neurketan.
Azken minutuan Christoph Baumgartnerrek banakoa egiteko aukera argia izan du, baina Mike Maignanek gola saihestu du.
Azken minutuetan, Mbappek kolpe bat hartu du aurpegian eta zelaia utzi behar izan du, odoletan.
Lehenengo jardunaldia amaituta, Frantzia eta Herbehereak nagusi dira D multzoan, eta hiru puntuko aldea dute Austria eta Poloniarekiko.
Fitxa teknikoa
0 - Austria: Pentz; Posch, Danso, Wober (Trauner, 60. min), Mwene (Prass, m.) ; Seiwald, Sabitzer; Laimer, Baumgartner, Grillitsch (Wimmer, 60. min); Gregoritsch (Arnautovic, 60. min).
1 - Frantzia: Maignan; Kounde, Upamecano, Saliba, Theo Hernandez; Kante, Rabiot (Camavinga, 71. min); Griezmann (Fofana, m.) ; Dembele (Kolo Muani, 71. min), Marcus Thuram, Mbappe.
Gola: 0-1, 38. min: Wober, en propia puerta.
Epailea: Gil Manzano (Espainia). Txartel horia atera die Austriako Wober (16. min), Mweme (34. min) eta Laimer (84. min) jokalariei, eta Frantziako Dembele (56. min) eta Mbappe (90. min) jokalariei
Zure interesekoa izan daiteke
Euskal taldeen norgehiagoken ordutegiak Kopako final-hamaseirenetan
Eibarrek eta Realak abenduaren 16an, asteartean, jokatuko dute, Alavesek eta Osasunak 17an, asteazkenean, eta Athleticek 18an, ostegunean.
Espainiak Uruguai, Saudi Arabia eta Cabo Verde izango ditu aurkari 2026ko Munduko Txapelketako H multzoan
H Multzoak Miami, Atlanta eta Houstonen (AEB) eta Guadalajaran (Mexiko) jokatuko ditu bere partidak.
48 selekzio, 4 ontzi eta Trump, 2026ko Munduko Txapelketaren zozketaren ikuskizuna
Lau ontzitan banatutako 48 selekziok ezagutuko dute bihar, abenduak 5, multzo fasean izango dituzten aurkariak, zozketa honetan Donald Trump, AEBko presidentea egonen da gonbidatu berezi moduan.
Iñaki Recio, Portugaleteko jokalaria: ''Pozik goaz, jendeak gozatu egin du eta guk ere bai''
Alavesek 0-3 irabazi du Portugaleteren aurka, eta Errege Kopako final-hamaseirenetara igaro da. Bi taldeetako protagonistekin egon gara lehen erreakzioak ikusteko. (Bideoa gazteleraz)
Egoitz Bilbao, Portugaleteko entrenatzailea: ''Biharko partida jokatzeko ilusioz gainezka eta irrikitan gaude''
"Partida oso zaila izango da, aurrean izango dugun taldea lehen mailakoa delako, baina seguru nago gauzak ondo egiten baldin baditugu neurketan zehar gure aukerak izango ditugula", onartu du Portugaleteko prestatzaileak.
Hauek dira 2026ko Munduko Txapelketako bigarren aukerako kanporaketak
Mexiko, Estatu Batuak eta Kanadan jokatuko den 2026ko Munduko Txapelketan sailkatzeko bigarren aukeraren kanporaketak martxoaren 26 eta 31ren artean jokatuko dira, Europakoak; beste kontinenteetakoak, 23 eta 31ren artean.
Hauek dira jada 2026ko Munduko futbol Txapelketarako sailkatu diren selekzioak
Guztira, 42 selekziok lortu dute 2026ko Munduko Txapelketarako sailkatzea. Oraindik, sei postu esleitu gabe daude.
Sevillako Cartujak Kopako finala hartuko du gutxienez beste hiru denboraldiz, 2026tik 2028ra
Hala erabaki du Sevillako hotel batean bildu den Espainiako Futbol Federazioko zuzendaritza batzordeak. Cartujak Kopako finala hartuko du apirilean, zazpigarren aldiz jarraian. 2017-2018 denboralditik finalaren egoitza da.
Honela jaso dute Portugaleteko jokalariek Errege Kopan Alavesen aurka jokatuko dutela
Portugaletek Alaves izango du aurkari Errege Kopako hurrengo kanporaketan, asteartean egindako zozketak zehaztu duenez. Taldeak zuzenean jarraitu du emanaldia, eta pozik azaldu da, emaitzaren berri izanda.
Eguesibarrek ezin izan du Andorraren aurka (1-5), eta Errege Kopatik kanpo gelditu da
Ibai Gomezek entrenatzen duen eta Hypermotion Ligan dabilen Andorrak bi gol sartu ditu lehen zatian, eta bigarren zatian aldea handitu du. Hasier Iriartek, penaltiz, 70. minutuan, Eguesibarren gola sartu du.