Xabi Alonsoren Bayer Leverkusenek galdu egin du Europa Ligako finala, Atalantaren aurka (3-0)
Xabi Alonsok entrenatzen duen Bayer Leverkusenek galdu egin du, 3-0, Atalantaren aurka, 2023-24 denboraldiko Europa Ligako finalean, asteazken gauean, Dublingo Aviva Stadiumen (Irlanda). Hala, Atalanta da txapelketako txapeldun berria, eta Italiako taldeak bere historian lehen aldiz irabazi du Europa mailako titulu bat. Bayer Leverkusenek, ordea, denboraldian aurrenekoz galdu du partida ofizial bat, 52. norgehiagokan; Ademola Lookman aurrelariak sartu ditu Bergamoko taldearen hiru golak, eta finaleko izar nagusia izan da.
Aurkaria biziki estutuz, eta Lookman aurrelariaren arriskua eta trebetasuna baliatuz, Atalantak, lehen zatian, Bayer Leverkusen baino hobeto jokatu du, argi. Partidako lehen ordu erdia bete aurretik, 12. eta 26. minutuetan, Italiako taldeak bi gol zituen alde, eta Alemaniako taldeak ez zuen topatzen erantzun egokirik emateko modua. Azken minutuetan, Xabi Alonsok zuzendutako jokalariek gehiago kontrolatu dute zelai erdia, baina ez da markagailuan beste aldaketarik izan.
Bigarren zatian, Bayer Leverkusen zelairatu da emaitza iraultzeko aukera eman ahal zion golaren bila, eta Gian Piero Gasperiniren taldea estutu du; baina, egia esan, Atalantak ez du oztopo handirik izan aldeari uzteko. Neurketako azken tartean, 75. minutuan, berriro ere Lookmanek egin du hirugarrena; ezkerrez egindako jaurtiketa eder baten bidez bidali du baloia Kovar atezainaren sareetara.
Xabi Alonsoren taldeak, Alemaniako Ligako txapelduna bera, Alemaniako Kopako finala ere jokatuko du, larunbatean, hilaren 25ean, Kaiserslautern aurkari; hortaz, denboraldiko bigarren titulua irabazi ahal du. Atalantak, aldiz, 61 urte zeramatzan titulurik eskuratu gabe; 1963an, Italiako Kopa erdietsi zuen.
Zure interesekoa izan daiteke
Bayernek Real Madril kanporatu du azken minutuetan, eta Arsenal distirarik gabe sailkatu da
Bavariako taldeak 6-4ko emaitza lortu du kanporaketan, Allianz Arenan jokatutako itzulerako partidan 4-3 irabazi ostean. Bestalde, Artetaren taldeak hutsean berdindu du, etxean, Sportingen aurka, eta joaneko partidan sartutako gol bakarrarekin nahikoa izan du sailkatzeko.
Atletico eta PSG, finalerdietara Bartzelona eta Liverpool kanporatuta, hurrenez hurren
Koltxoneroek 1-2 galdu dute Metropolitanon jokatu den final-laurdenetako itzulerako partidan, baina kanporaketa 3-2 irabazi dute. Bestalde, paristarrek talde ingelesa 0-2 hartu dute mendean, Anfielden, eta Luis Enriqueren jokalariek, egungo txapeldunek, hirugarren urtez jarraian jokatuko dituzte finalerdiak.
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).