Mendilibarrek Emery ezustean harrapatu du (2-4), eta Bayerrek Europa Ligako finala gertuago du
Jose Luis Mendilibarren Olinpiakosek, Ayoub El Kaabiren 'hat trick' ak barne, ezustean harrapatu eta jipoitu du Aston Villa Konferentzia Ligako finalerdietako joaneko partidan. Ondorioz, ingelesek markagailua irauli beharko dute Atenasen finalean egoteko (2-4).
Greziarrek, Europako finalerdietako debutean, ateari begira eraginkortasun izugarria erakutsi dute, eta zorte apur bat ere bai gaueko erabaki gris guztietan. Izan ere, euskal teknikarien arteko norgehiagokan, Jose Luis Mendilibarrek 2-4 irabazi dio Unai Emeryri Aston Villaren etxean.
Ingalaterrako taldea, Baileyren gol baliogabetuaren ostean, atsedenaldiaren aurretik suspertu da Watkinsen 1-2koarekin. Diabyk berdinketa lortu du bigarren zatian baina El Kaabik penaltiz eta Hezzek sartutako golek errenta ona eman diete greziarrei. Douglas Luizek, berriz, penalti bat huts egin du 84. minutuan.
Bestalde, maiatzaren 29an Atenasen jokatuko den AEK Arenako finalaren bila, Fiorentinak hiru aldiz hartu dio aurrea ordu erdian hamar jokalarirekin jokatu duen Brujasi; azkena, 3-2koa, 91. minutuan izan da.
Bien bitartean, Xabi Alonsoren Bayer Leverkusenek Erromari irabazi dio (0-2) ostegun honetan, Europa Ligako finalerdietako joaneko partidan. Bundesligako txapelduna ez da kikildu bengalekin eta Erromako Olinpikoko giro bikainarekin. Partidaren golegileak Wirtz eta Andrich izan dira.
Horrela, talde alemaniarrak hanka bat du maiatzaren 22ko finalean, Dublin Arenan. Aldiz, Marseillako Olympiquek eta Atalantak borroka estua izango dute datorren astean Bergamon, Frantzian 1-1 egin ondoren.
Zure interesekoa izan daiteke
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).
Real Madrilek, Bodo/Glimtek eta PSGk final-zortzirenetako kanporaketak bideratu dituzte
Madrilgo eta Norvegiako taldeek Manchester City eta Sporting Portugal 3-0 jipoitu dituzte, hurrenez hurren, eta egungo txapeldunak 5-2 irabazi dio Chelseari, Parisen. Bayer Leverkusenek eta Arsenalek, aldiz, bana berdindu dute.
Bayernek eta Atleticok kanporaketa bideratu dute, eta Galatasarayk aurrea hartu du
Turkiako taldeak ezustean harrapatu du Liverpool (1-0) kanporaketaren hasieran, Alemaniako taldeak Atalanta jipoitu dute Bergamon (1-6), koltxoneroek 5-2 irabazi diote Tottenhami eta Bartzelonak azken hatsean berdinketa (1-1) lortu du Newcastlen.