Argentinak 2-2 berdindu du Hegoafrikaren aurka
Argentinako selekzioak oso maldan goran zeukan neurketari buelta ematea lortu Hegoafrikaren aurka; izan ere, 2-0 galtzen zihoan partida berdintzea erdietsi du bigarren zatian, sei minuturen buruan, Australiako eta Zeelanda Berriko Emakumezkoen Munduko Txapelketako G multzoko bigarren jardunaldiko partida bizian.
Linda Motlhalok 30. minutuan eta Thembi Kgatlanak 66.ean Desiree Ellisek zuzentzen duen taldea aurretik jarri dute. Argentinarrek, German Portanovak zuzenduta, bestalde, norgehiagokaren historia aldatu dute 74. minututik aurrera, Sophie Braunen golari esker, eta berdinketa lortu dute 79. minutuan, Romina Nuñezi esker.
Afrikako txapeldunak arriskutsuagoak izan dira lehiaren hasieran, eta Hildah Magaiaren bitartez gola sartzeko aukera izan dute. Gero iritsi da Argentinaren lehen aukera, Mariana Larroquetteren burukada batekin.
Parekotasuna 30. minutuan hautsi da, Miriam Mayorgak jokaldiaren irakurketa okerra egin ondoren, Thembi Kgatlanak sakonera bidalitako baloia Linda Mothalok sareetara bidali duenean. Hasiera batean, gola baliogabetu egin dute Linda Mothaloren ustezko posizio aurreratuagatik, baina , gerora, ontzat eman dute VARaren berrikuspena eta gero.
Bigarren zatiaren hasieran, Portanovak erasorako ahalmen gehiago bilatu du Romina Nuñez eta Julieta Cruzen ordez Daiana Falfan eta Lorena Benitez zelairatuta. Hala ere, 66. minutuan, Aldana Comettik huts bat egin du baloiaren irteeran, eta, ondorioz, eta Thembi Kgatlanak 0-2koa egin du.
Aldeak laburtu egin dira 74. minutuan, Sophia Braunen area kanpotik egindako erremate ikusgarri baten bidez; Braunek Swarten atearen goiko ezkerreko angelutik bidali du baloia sareetara. Bost minutu geroago, Yamila Rodriguezek barneraldia egin du eskuin hegaletik, eta erdiraketa zehatza jarri du area barruan, Romina Nuñezek sare barrura bidali duena buruz.
Emaitza horrekin Argentinak puntu bakarra dauka, eta G Multzoko azken tokian dago. Suedia eta Italia dira liderrak hiru punturekin eta bigarren jardunaldi honetan elkarren aurka jokatuko dute. Hegoafrika ere puntu batekin dago. Multzo horretako azken jardunaldian, Argentinak Suedia izango du aurkari eta Italiak Hegoafrika.
Fitxa teknikoa:
2 - Argentina: Vanina Correa; Sophie Braun, Miriam Mayorga, Aldana Cometti, Eliana Stabile; Daiana Falfán (Romina Núñez, 45. min), Lorena Benítez (Julieta Cruz, 45. min); Paulina Gramaglia (Yamila Rodríguez, 58. min), Estefanía Banini, Florencia Bonsegundo; Mariana Larroquette (Érica Lonigro, 68. min).
Hautatzailea: Germán Portanova.
2 - Hegoafrika: Kaylin Swart; Lebohang Ramalepe, Bambanani Mbane, Bongeka Gamede, Noxolo Cesane (Sibulele Holweni, 53. min); Jermaine Seoposenwe, Refiloe Jane (Kholosa Biyana, 24. min) (Tiisetso Makhubela, 24. min), Karabo Dhlamini, Hildah Magaia; Linda Motlhalo (Nomvula Kgoale, 82. min), Thembi Kgatlana (Melinda Kgadietei, 82. min).
Hautatzailea: Desiree Ellis.
Golak: 0-1, 30. min: Linda Motlhalo. 0-2, 66. min: Thembi Kgatlana. 1-2, 74. min: Sophie Braun. 2-2, 79. min: Romina Núñez.
Epailea: Anna-Marie Keighley.
Zure interesekoa izan daiteke
Atletico, Leverkusen, Bodø/Glimt eta Newcastle, Txapeldunen Ligako final-zortzirenetara
Emaitza altuko markagailuek, Milaneko ezustekoak eta nagusitasunez ebatzitako kanporaketek erabaki dituzte final-zortzirenetarako sailkapenak.
Newcastlek ia erabakita utzi du kanporaketa eta Bodok eta Leverkusenek bereak bideratu dituzte
Ingalaterrako taldeak Qarabag gainditu du etxetik kanpo (1-6), norvegiarrek 3-1 irabazi diote Interri eta talde alemaniarrak 0-2 gainditu du Olinpiakos Grezian. Aitzitik, Brujasek eta Atletico Madrilek 3-3 berdindu dute Belgikan.
Errege Kopako finala apirilaren 18an jokatuko dute, larunbatez, 21:00etan, Cartujan
Espainiako Federazioak iragarri du txapelketako final handia apirilaren 18an jokatuko dutela, eta 21:00etan hasiko dela. Reala edo Athletic final horretan izango dira, eta sailkatzea lortzen duen euskal taldeak Bartzelona edo Atletico Madril izango du aurkari.
?fmt=webp-alpha&qlt=80)
Real Madrilek, Borussiak, PSGk eta Galatasarayk play offeko lehen neurketan garaipena lortu dute
Zuriek 0-1 irabazi diote Benficari Portugalen, talde alemaniarrak 2-0 gainditu du Atalanta etxean, Pariseko taldeak Monako menderatu du etxetik kanpo (2-3) eta turkiarrek Juventusen aurkako kanporaketa bideratu dute (5-2).
Atletico Madrilek Bartzelona jipoitu du Kopako finalerdietako joanekoan (4-0), eta oso gertu du finalera sailkatzea
Epaileak baliorik gabe utzi zuen Kataluniako taldeak bigarren zatian egindako gol bat, eta, partida amaitzeko minutu gutxiren faltan, txartel gorria atera zion Eric Garciari, Bartzelonako jokalariak Baenari sarrera gogorra egin ostean.
Athletic eta Realaren arteko Errege Kopako finalerdietako partidaren laburpena
Athleticek eta Realak Errege Kopako finalerdietako joaneko partida jokatu dute San Mamesen (0-1). Hemen laburpena.
Padilla: “Aurpegia eman dugu; seguru nago bueltako partida aurrera aterako dugula”
Athleticek galdu egin du Realaren aurka, San Mamesen jokatu den Kopako finalerdietarako joaneko partidan. Behin norgehiagoka amaituta, Padillarekin izan gara, eta azaldu digunez, bueltako partidan egoera irauli eta aukera aprobetxatuko dutelakoan daude jokalariak.
Reala nagusi izan da, eta lehen kolpea eman du San Mamesen (0-1)
Talde txuri-urdinak aurrea hartzeko aukera dezente izan dituu lehen zatian, baina ez du asmatu Padilla Athleticeko jokalari onenaren aurrean. Bigarren zatian, Turrientesek egin du Realaren gola, 62. minutuan.
Horrelakoa izan da Realari garaipena eman dion Turrientesen gola
Errege Kopako joaneko finalerdia jokatu da Athleticen eta Realaren artean, San Mamesen. Gol bat besterik ez dugu ikusi partidan, eta Turrientes izan da protagonista, Realari garaipena eman eta martxoaren 4an Donostian jokatuko den partidarako abantaila lortu baitu.
Zaleek harrera ezin hobea egin diete Athletic eta Realari, San Mamesera bidean zihoazela
Bi taldeetako zaleek azken unea ere baliatu dute jokalariak bultzatzeko; Athleticen autobusak harrera izan du San Mamesen, eta Realarenak hotelean hartu dute.