Kroazia Munduko Txapelketako finalerdietara sailkatu da, ezustekoa eman eta Brasil kanporatuta
Kroazia Qatarko Munduko Txapelketako finalerdietara sailkatu da ostiral honetan (abenduak 9) Brasil mendean hartuta final-laurdenetan. Golik gabe (0-0) amaitu dira 90 minutuak, eta luzapena bana berdinduta (1-1) bukatu da. Penalti jaurtiketetan Kroazia nagusitu da (4-2).
Lehen zatia kaskarra izan da bi taldeen aldetik, eta ez da abagune argirik egon. Bigarren zatian Brasil izan da nagusi, baina jokalari brasildarrak ez dira fin ibili aurkariaren ate aurrean. Gainera, gola sartzeko izan dituzten aukera argietan Lakovic atezainarekin egin dute topo. Kroaziak ez du abagunerik eduki. Hala ere, golik gabe amaitu da lehia, eta neurketak luzapena behar izan du.
Jaun eta jabe izan da Brasil luzapenean, eta gola sartzeko hainbat aukera alferrik galdu ostean, saria jaso du; Neymarrek 0-1ekoa jarri du markagailuan, brasildarren jokaldi ederrari amaiera bikaina emanda.
Luzapenaren bigarren zatian ere nagusi izan da Hego Amerikako taldea, baina gehiegi barkatu du aurkariaren ate aurrean. Horrela, Kroazia bizirik iritsi da azken minutuetara, eta, partidan izan duen gol aukera urrietako baten, emaitza berdindu du: Petkovicek gola sartu du (1-1) 117. minutuan, area kanpotik jaurtita. Baloiak aurkari batengan jo du, eta ate barruan sartu da.
Luzapena ere berdinduta amaitu denez, penalti jaurtiketen bidez erabaki da finalerdietarako sailkapena. Vlasicek gola sartu du Kroaziaren lehen penalti jaurtiketan, eta Lakovic atezainak gelditu egin du Rodrygo brasildarraren jaurtiketa. Majerrek eta Modricek Kroaziarentzat, eta, Casemirok eta Pderok Brasilentzat, ez dute kale egin. Orsicek (Kroazia) gola sartu du laugarren penaltian, eta zama guztia aurkariaren gain utzi du: Marquinhosek (Brasil) zutoinera bidali du jaurtiketa, eta, ondorioz, Kroaziak bereganatu du garaipena (4-2).
Fitxa teknikoa:
1 (4) - Kroazia: Livakovic; Sosa (Budimir, 110. min), Lovren, Gvardiol, Juranovic; Brozovic (Orsic, 114. min), Kovacic (Majer, 106. min); Pasalic (Vlasic, 72. min), Modric, Perisic eta Kramaric (Petkovic, 72. min).
1 (2) - Brasil: Alisson; Militao (Alex Sandro, 106. min), Marquinhos, Thiago Silva, Danilo; Casemiro; Paqueta (Fred, 106. min), Neymar; Raphinha (Antony, 55. min), Richarlison (Pedro, 83. min) eta Vinícius (Rodrygo, 63. min).
Golak: 0-1, 106. min: Neymar. 1-1, 117. min : Petkovic.
Penalti jaurtiketak: 1-0: Vlasic, gola. 1-0: Rodrygo, Livakovicek gelditu. 2-0: Majer, gola. 2-1: Casemiro, gola. 3-1: Modric, gola. 3-2: Pedro, gola. 4-2: Orsic, gola. 4-2: Marquinhos, zutoinera.
Epailea: Michael Oliver (Ingalaterra). Txartel horiak atera dizkie Brozovic (30. min) eta Petkovic (117. min) Kroaziako jokalariei, baita ere Danilo (25. min), Casemiro (67. min) eta Marquinhos (76. min) Brasilgo futbolariei.
Zure interesekoa izan daiteke
FIFAk 10 partidako zigorra jarri dio Paredes argentinarrari Munduko Txapelketako finalaren osteko istiluengatik
Futboleko erakunde goreneko Diziplina Batzordeak isunak eta zigorrak iragarri ditu liskarrean parte hartu zutenentzat. Paredes ez ezik, Nahuel Molina, Thiago Almada, Gavi, Roberto Ayala eta Argentinako Futbol Elkartea (AFA) ere zigortu dituzte.
Reala eta Athleticen arteko EH Kopako finaleko golak (3-1)
Realak 3-1 irabazi dio Athletici Irunen jokatu den Euskal Herria Kopako finalean. Iraiaren golarekin, talde zuri-gorriak ireki du markagailua. Txuri-urdinek, ordea, Chaconen golarekin lortu dute berdinketa. Bigarren zatian, Seleenfreundek buruz sartu, eta, Nereak Realaren garaipenaren azken kolpea eman du hirugarrenarekin.
Osasunak Racing Santanderren aurka neurtuko ditu indarrak Erreginaren Kopako lehen kanporaketan, eta Bizkerrek Burgosen kontra
Lehen kanporaketa irailaren 8, 9 eta 10ean jokatuko da partida bakarrera.
Reala EH Kopako finalera, Eibar penaltietan garaituta
Realak Euskal Herria Kopako bigarren finalerdia irabazi du Eibarren aurka. 90 minutuetan berdinduta maitu dute (1-1), hartara, penaltietan erabaki behar izan dute kanporaketako garailea. Azkenerako, txuri-urdinak nagusitu dira 4-1. Horrenbestez, Athletic izango du aurkari Donostiako taldeak datorren asteazkenean jokatuko den finalean.
Athletic EH Kopako finalera, Alavesi 3-0 irabazita
Athleticek 3-0 menderatu du Alaves Amurrion jokatu den Euskal Herria Kopako lehen finalerdian. Zugasti, Valero eta Benitoren golek finalean sartu dute talde zuri-gorria. Aurkaria Real Sociedad eta Eibarren artean erabakiko da, igandean, Azkoitian.
PSGk Europako bigarren Superkopa irabazi du erreskadan, Emeryren Aston Villa mendean hartuta (2-1)
Kvaratskheliak aurretik jarri ditu frantziarrak lehen zatian, baina Madjok berdinketa lortu du atsedenaldira heldu aurretik. Bigarren zatian, Douek berdinketa desegin du.
2026ko Euskal Herria Kopa aurkeztu dute: Moeve F Ligako lau taldeak arituko dira txapelketan
Hilaren 15ean, Amurrion, Alavesek eta Athleticek lehen finalerdia jokatuko dute, eta 16an, Azkoitian, Eibar eta Reala arituko dira nor baino nor gehiago, finalera sailkatzea lortzeko. Finala abuztuaren 19an izango da, Irunen.
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Munduko Txapelketako golegilerik onenen zerrenda historikoa eta 2026ko Munduko Txapelketako goleatzailerik onenak
Munduko Txapelketa 1930ean jokatu zuen aurrenekoz, Uruguain. Ordutik, hainbat jokalari bikainek lortu dute golen bat sartzea Munduko Txapelketaren batean; baina… nortzuek egin dituzte golik gehien? Munduko Txapelketako golegilerik onenen zerrenda historikoan jaso dugu hori, bai eta 2026ko ekitaldian nortzuek sartu dituzten golik gehien ere.
Lionel Scaloni, finalaren ostean: “Min ematen du gaur lehiatu ezin izanak”
Lionel Scaloni Argentinako hautatzaileak Munduko Kopako finalean Espainiaren aurka jasotako porrota aztertu du, eta bere etorkizunaz ere mintzatu da.