Danimarkak Qatarreko giza eskubideen egoeraren aurka protesta egiteko kamiseta berezia jantziko du Mundialean
Hummel kirol-markak asteazken honetan (irailak 28) aurkeztu ditu Danimarkako selekzioak 2022ko Qatarreko Munduko Txapelketan jantziko dituen elastikoak. Marka danimarkarrak diseinu bereziak prestatu ditu Qatarreko giza eskubideen egoeraren aurka protesta egiteko.
"Danimarkako selekzioaren elastiko berri hauekin mezu bikoitza bidali nahi dugu: 1992ko Eurokopan daude inspiratuta, Danimarkak futbolean lortu duen arrakasta handienaren omenez, baina protesta egin nahi dugu Qatarren aurka, herrialde horrek giza eskubideak urratzen dituelako", adierazi du Hummel markak sare sozialetan.
"Ikusezinak izan nahi dugu milaka pertsonen heriotza eragin duen txapelketa honetan. Selekzioari babesa eskaintzen diogu doan lekura doala, baina gure herrialdeko selekzioa babesteak ez du esan nahi Qatar anfitrioi bezala babesten dugunik. Kirolak jendea elkartu behar duela uste dugu, eta hori hala ez denean protesta egiten dugu", gaineratu du marka danimarkarrak.
Danimarkako selekzioak Frantzia, Tunisia eta Australia izango ditu aurkari Munduko Txapelketako multzoen fasean. Danimarkaren lehen ekipazioa gorria izango da, bigarrena zuria eta hirugarrena beltza. Elastiko beltza Danimarkaren hirugarren ekipaziorako oso egokia dela esan du Hummel markak, doluzko jantzien kolorea baita.
Amaitzeko, hauxe adierazi du: "Protesta egin nahi dugu Qatarrek giza eskubideak urratu dituelako, eta Munduko Txapelketako estadioak eraiki dituzten langile etorkinei eman dion tratua ere salatu gura dugu".
Zure interesekoa izan daiteke
Alavesek Sevilla hartuko du lehen mailako taldeen arteko lehia bakarrean, eta Osasunak Huescan lortu beharko du sailkapena
Babazorroek Sevilla hartuko dute Mendizorrotzan, Ligan Real Madril atakan jarri ostean. Bestalde, Osasuna Kopan aurrera egiteko ilusioarekin iritsiko da Huescara, nahiz eta Alavesen aurkako larunbateko derbiari begira egon.
Ansotegiren Real berriak Eldenseri egingo dio bisita eta Eibarrek Elx hartuko du Ipuruan
Talde txuri-urdina emaitza-krisialdian murgilduta iritsiko Eldara, eta Jon Ansotegik Sergio Franciscoren tokia hartu berritan. Bestalde, armaginek, jaitsiera postuetan, bi partida erabakigarri jokatuko dituzte aste honetan, etxean.
Euskal taldeen norgehiagoken ordutegiak Kopako final-hamaseirenetan
Eibarrek eta Realak abenduaren 16an, asteartean, jokatuko dute, Alavesek eta Osasunak 17an, asteazkenean, eta Athleticek 18an, ostegunean.
Espainiak Uruguai, Saudi Arabia eta Cabo Verde izango ditu aurkari 2026ko Munduko Txapelketako H multzoan
H Multzoak Miami, Atlanta eta Houstonen (AEB) eta Guadalajaran (Mexiko) jokatuko ditu bere partidak.
48 selekzio, 4 ontzi eta Trump, 2026ko Munduko Txapelketaren zozketaren ikuskizuna
Lau ontzitan banatutako 48 selekziok ezagutuko dute bihar, abenduak 5, multzo fasean izango dituzten aurkariak, zozketa honetan Donald Trump, AEBko presidentea egonen da gonbidatu berezi moduan.
Iñaki Recio, Portugaleteko jokalaria: ''Pozik goaz, jendeak gozatu egin du eta guk ere bai''
Alavesek 0-3 irabazi du Portugaleteren aurka, eta Errege Kopako final-hamaseirenetara igaro da. Bi taldeetako protagonistekin egon gara lehen erreakzioak ikusteko. (Bideoa gazteleraz)
Egoitz Bilbao, Portugaleteko entrenatzailea: ''Biharko partida jokatzeko ilusioz gainezka eta irrikitan gaude''
"Partida oso zaila izango da, aurrean izango dugun taldea lehen mailakoa delako, baina seguru nago gauzak ondo egiten baldin baditugu neurketan zehar gure aukerak izango ditugula", onartu du Portugaleteko prestatzaileak.
Hauek dira 2026ko Munduko Txapelketako bigarren aukerako kanporaketak
Mexiko, Estatu Batuak eta Kanadan jokatuko den 2026ko Munduko Txapelketan sailkatzeko bigarren aukeraren kanporaketak martxoaren 26 eta 31ren artean jokatuko dira, Europakoak; beste kontinenteetakoak, 23 eta 31ren artean.
Hauek dira jada 2026ko Munduko futbol Txapelketarako sailkatu diren selekzioak
Guztira, 42 selekziok lortu dute 2026ko Munduko Txapelketarako sailkatzea. Oraindik, sei postu esleitu gabe daude.
Sevillako Cartujak Kopako finala hartuko du gutxienez beste hiru denboraldiz, 2026tik 2028ra
Hala erabaki du Sevillako hotel batean bildu den Espainiako Futbol Federazioko zuzendaritza batzordeak. Cartujak Kopako finala hartuko du apirilean, zazpigarren aldiz jarraian. 2017-2018 denboralditik finalaren egoitza da.