Belgika eta Frantzia final-laurdenetan izango dira
Italia 0-1 Belgika
Belgikak 0-1 irabazi zion Italiari, eta final-laurdenetara sailkatzea lortu zuen. Suedia izango du aurkari hurrengo kanporaketan.
Lehen zatian, Belgika eta Italiaren arteko kolpe-trukea egon zen, baina jokoaren jabetza inorena izan gabe.
Behin betiko gola bigarren zatia hasi berritan iritsi zen, 49. minutuan, De Caignyk (Belgikako selekzioko onena lehen 45 minutuetan) ezkerkada bat jo zuenean area barrutik, hainbat aldaratze egon ondoren.
Italiak azkar erantzun ahal izan zuen, baina langak eragotzi egin zuen Girelik jaurtitako falta sare barrura joan zedin. Italiarrek erasora jo zuten indar guztiekin, eta hiru aukera oso argi izan zituzten, baina Belgika oldarraldietatik defendatu zen. Gainera, 91. Minutuan, kontraeraso batean, Wullaert neurketa erabakita uzteko zorian egon zen, baina zutoinera bidali zuen bere ahalegina. Azkenerako, 0-1 amaitu zen lehia.
Islandia 1-1 Frantzia
Frantziako selekzioak, hasierako hamaikakoan ohikoak ez diren jokalariekin, Islandiakoen ametsarekin amaitu zuen.
Malarden gol goiztiar batek erraztu zuen urdinen lehia. Islandiarrak ez ziren behera etorri, eta Jonsdottirrek langara bidalitako burukada batekin animatu ziren, baina Frantzia nagusi zen jokoan, eta bazirudien Corinne Diacrek entrenatutako selekzioa gertu zegoela bigarrena lortzetik.
Frantziarrek aukerak pilatzen jarraitu zuten, eta aldea bi aldiz handitzekotan egon ziren, baina batean jokoz kanpoagatik, eta bestean baloia eskuz ukitzeagatik, baliogabetuta geratu ziren bata zein bestea. Islandiak ez zuen amore eman eta bere gola, saririk gabe izan bazen ere, penaltiz heldu zen, Brynjarsdóttirek sartutakoa.
Fitxa teknikoa:
0 - Italia: Giuliani; Di Guglielmo, Bartoli, Linari, Boattin; Bergamaschi, Rosucci, Giugliano, Simonetti, Bonansea; eta Girelli.
1 - Belgika: Evrad; Vangheluwe, Biesmans, Kees, Philtjens; Vanhaevermaet, De Caigny; Dhont, Wullaert, Cayman; eta Eurlings.
Gola: 0-1, 49. min, De Caigny.
Epailea: Ivana Martincic (CRO). Xartel horiak: Boattin (Italia).
Zure interesekoa izan daiteke
Ansotegiren Real berriak Eldenseri egingo dio bisita eta Eibarrek Elx hartuko du Ipuruan
Talde txuri-urdina emaitza krisian murgilduta iritsiko Eldara, eta Jon Ansotegik Sergio Franciscoren tokia hartu berritan. Bestalde, armaginek, jaitsiera postuetan, bi partida erabakigarri jokatuko dituzte aste honetan etxean.
Euskal taldeen norgehiagoken ordutegiak Kopako final-hamaseirenetan
Eibarrek eta Realak abenduaren 16an, asteartean, jokatuko dute, Alavesek eta Osasunak 17an, asteazkenean, eta Athleticek 18an, ostegunean.
Espainiak Uruguai, Saudi Arabia eta Cabo Verde izango ditu aurkari 2026ko Munduko Txapelketako H multzoan
H Multzoak Miami, Atlanta eta Houstonen (AEB) eta Guadalajaran (Mexiko) jokatuko ditu bere partidak.
48 selekzio, 4 ontzi eta Trump, 2026ko Munduko Txapelketaren zozketaren ikuskizuna
Lau ontzitan banatutako 48 selekziok ezagutuko dute bihar, abenduak 5, multzo fasean izango dituzten aurkariak, zozketa honetan Donald Trump, AEBko presidentea egonen da gonbidatu berezi moduan.
Iñaki Recio, Portugaleteko jokalaria: ''Pozik goaz, jendeak gozatu egin du eta guk ere bai''
Alavesek 0-3 irabazi du Portugaleteren aurka, eta Errege Kopako final-hamaseirenetara igaro da. Bi taldeetako protagonistekin egon gara lehen erreakzioak ikusteko. (Bideoa gazteleraz)
Egoitz Bilbao, Portugaleteko entrenatzailea: ''Biharko partida jokatzeko ilusioz gainezka eta irrikitan gaude''
"Partida oso zaila izango da, aurrean izango dugun taldea lehen mailakoa delako, baina seguru nago gauzak ondo egiten baldin baditugu neurketan zehar gure aukerak izango ditugula", onartu du Portugaleteko prestatzaileak.
Hauek dira 2026ko Munduko Txapelketako bigarren aukerako kanporaketak
Mexiko, Estatu Batuak eta Kanadan jokatuko den 2026ko Munduko Txapelketan sailkatzeko bigarren aukeraren kanporaketak martxoaren 26 eta 31ren artean jokatuko dira, Europakoak; beste kontinenteetakoak, 23 eta 31ren artean.
Hauek dira jada 2026ko Munduko futbol Txapelketarako sailkatu diren selekzioak
Guztira, 42 selekziok lortu dute 2026ko Munduko Txapelketarako sailkatzea. Oraindik, sei postu esleitu gabe daude.
Sevillako Cartujak Kopako finala hartuko du gutxienez beste hiru denboraldiz, 2026tik 2028ra
Hala erabaki du Sevillako hotel batean bildu den Espainiako Futbol Federazioko zuzendaritza batzordeak. Cartujak Kopako finala hartuko du apirilean, zazpigarren aldiz jarraian. 2017-2018 denboralditik finalaren egoitza da.
Honela jaso dute Portugaleteko jokalariek Errege Kopan Alavesen aurka jokatuko dutela
Portugaletek Alaves izango du aurkari Errege Kopako hurrengo kanporaketan, asteartean egindako zozketak zehaztu duenez. Taldeak zuzenean jarraitu du emanaldia, eta pozik azaldu da, emaitzaren berri izanda.