Benfica garaile atera da Barçaren aurka, Bayernek Dinamo Kiev jipoitu du eta Juventusek Chelseari irabazi dio
Asteazken honetan amaitu da Txapeldunen Ligako multzoen faseko bigarren jardunaldia. E, F, G eta H multzoetako taldeen txanda izan da, eta hainbat gol ikusi dira.
Jardunaldiko partida handian, Juventusek garaipena lortu du Chelsearen aurka (1-0). Chiesak sartu du neurketako gol bakarra, 46. minutuan. Zenitek aise irabazi dio Malmöri (4-0). Ondorioz, Juventus (6 puntu) da H multzoko liderra, Chelsea (3 puntu) da bigarren, Zenit (3 puntu) hirugarren, eta Malmörentzat da azken postua (0 puntu).
E multzoan, Bayern Munichek Dinamo Kiev mendean hartu du 5-0eko emaitzarekin, Lewandowskik bi gol sartu dituen norgehiagokan. Bestalde, Bartzelonak porrota jaso du Benficaren aurka (3-0) Lisboan. Portugalgo taldea nagusi izan da Barçaren kontrako lehian; Darwin Nuñezek bi gol sartu ditu, eta Rafa Silvak, bat. Bartzelona oso egoera zailean geratzen da, multzoko azken postuan, punturik lortu gabe. Bayern (6 puntu) da liderra, Benfica (4 puntu) bigarren, eta Dinamo Kiev (1 puntu) hirugarren.
Eguneko neurketa handien artean egon da Manchester Unitedek eta Vila-realek (2-1) jokatu dutena. Garaipena Ingalaterrako taldeak erdietsi du: Vila-realek sartu du lehen gola, Alcacerren bidez, 53. minutuan, zazpi minutu gerouago Alex Tellesek jarri du banakoa markagailuan, eta Cristiano Ronaldok eman dio garaipena bere taldeari 95.ean sartu duen golari esker. F multzoko beste partidan, Atalantak hiru puntuak eskuratu ditu Young Boysen aurka (1-0). Horrela, multzoko lehen postuan dago Atalanta (4 puntu), Young Boys (3 puntu) da bigarren, Manchester United (3 puntu) hirugarren, eta azken postuan dago Vila-real (1 puntu).
Orain arte Txapeldunen Ligan irabazi ez duten taldeen artean Sevilla dugu. Wolfsburgoren aurka 1-1 bukatu du Sevillak. Renato Steffenek sartu du neurketako lehen gola alemaniarrentzat, 48. minutuan, eta Ivan Rakiticek banakoa jarri du markagailuan penaltiz, 87.ean. Salzburgok garaipena lortu du Lilleren aurka (2-1), eta Austriako taldea da G multzoko liderra, 4 punturekin. Sevilla (2 puntu) bigarren postuan dago, Wolfsburgo hirugarrenean (2 puntu), eta Lille da azkena (1 puntu).
Zure interesekoa izan daiteke
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).
Real Madrilek, Bodo/Glimtek eta PSGk final-zortzirenetako kanporaketak bideratu dituzte
Madrilgo eta Norvegiako taldeek Manchester City eta Sporting Portugal 3-0 jipoitu dituzte, hurrenez hurren, eta egungo txapeldunak 5-2 irabazi dio Chelseari, Parisen. Bayer Leverkusenek eta Arsenalek, aldiz, bana berdindu dute.
Bayernek eta Atleticok kanporaketa bideratu dute, eta Galatasarayk aurrea hartu du
Turkiako taldeak ezustean harrapatu du Liverpool (1-0) kanporaketaren hasieran, Alemaniako taldeak Atalanta jipoitu dute Bergamon (1-6), koltxoneroek 5-2 irabazi diote Tottenhami eta Bartzelonak azken hatsean berdinketa (1-1) lortu du Newcastlen.