Espainiak Eslovakia jipoitu du eta Kroaziaren aurka arituko da final-zortzirenetan
Espainiak 0 eta 5eko emaitzarekin hartu du mendean Eslovakia Eurokopako E multzoko hirugarren jardunaldiko partidan eta Kroazia izango du aurkari final-zortzirenetan, datorren astelehenean. Bestalde, Suediak Poloniari irabazi dio (3-2) eta multzoko lider gisa pasa da hurrengo fasera. Polonia txapelketatik at geratu da.
Eslovakiaren aurkako partidan jaun eta jabe izan da Espainia, baina izan duen lehen abagune argian, Moratari penalti jaurtiketa gelditu dio Dubravka atezainak. Hala ere, hortxe bukatu da Eslovakiako atezainaren bolada ona, ondoren huts galantak egin baititu. Neurketako 30. minutuan Sarabiak langara bidali du jaurtiketa, eta baloia beherantz joan denean Dubravkak bere atean sartu du gola (0-1). Atsedenaldira iritsi orduko, lehen zatiaren luzapenean Laportek jarri du 0-2koa markagailuan.
Bigarren zatian aise nagusitu da Espainiako selekzioa. Sarabiak gola sartu du (0-3) 56. minutuan, Ferran Torresek laugarren egin du (0-4) 67. minutuan, eta lau minutu beranduago Kuckak bere atean sartu neurketako azken gola (0-5).
E multzoko beste partidan Suediak garaipena erdietsi du Poloniaren aurka (3-2). Frosbergek Suedia aurretik jarri du markagailuan (1-0) bigarren minutuan eta suediarrak gol bateko abantailarekin iritsi dira atsedenaldira. Norgehiagokako 59. minutuan Forsbergek suediarren bigarren gola egin du (2-0), baina minutu bat beranduago Lewandowskik desabantaila murriztu du (2-1). Robert Lewandowskik berak sartu du binakoa (2-2) eragin duen gola, eta azken minutuetan Poloniak erasora itsu-itsuan jo duenean, Suediak neurketa erabakita utzi du, kontraerasoan Claessonek lortutako golari esker (3-2).
Zure interesekoa izan daiteke
Real Madrilek, Bodo/Glimtek eta PSGk final-zortzirenetako kanporaketak bideratu dituzte
Madrildarrek eta norvegiarrek Manchester City eta Sporting Portugal 3-0 jipoitu dituzte, hurrenez hurren, eta egungo txapeldunak 5-2 irabazi dio Chelseari Parisen. Bayer Leverkusenek eta Arsenalek, aldiz, bana berdindu dute.
Bayernek eta Atleticok kanporaketa bideratu dute, eta Galatasarayk aurrea hartu du
Turkiako taldeak ezustean harrapatu du Liverpool (1-0) kanporaketaren hasieran, Alemaniako taldeak Atalanta jipoitu dute Bergamon (1-6), koltxoneroek 5-2 irabazi diote Tottenhami eta Bartzelonak azken hatsean berdinketa (1-1) lortu du Newcastlen.
Lau hamarkada, azken Atletico Madril - Reala Kopako finaletik
Hitzordu hura 1987ko ekainaren 27an jokatu zuten La Romaredan, eta John Toshacken Reala nagusitu zen penaltietan.
Real-Athletic Errege Kopako finalaurreko itzulerako partidaren laburpena
Realak 1-0 irabazi dio Athletici Errege Kopako finalaurreko itzulerako partidan. Joanekoan gol bateko abantaila hartua zuen talde txuri-urdinak, hortaz, 2-0arekin lortu dute Sevillarako txartela. Hemen norgehiagokaren laburpena.
Reala, finalera Anoetan Athletic kanporatuta, Kopako derbi zirraragarrian (1-0)
Realak Atletico Madrilen aurka neurtuko ditu indarrak apirilaren 18an Sevillako Cartuja futbol-zelaian jokatuko den finalean. Txuri-urdinek 1-0 mendean hartu dute talde zuri-gorria, Oyarzabalek azken minutuetan penaltiz sartutako gol bati esker.
ARGAZKI-GALERIA: Reala-Athletic Kopako finalerdiak utzitako irudirik onenak
Realak eta Athleticek 2025-2026 denboraldiko Errege Kopako finalaurrekoaren itzuliko neurketa jokatu dute. Hemen daude ikusgai Kopako euskal derbiak utzitako irudi ederrenetako zenbait.
Realaren eta Athleticen autobusek zaleen azken animoak jaso dituzte, giro ikusgarrian, Anoetara bidean
Errege Kopako finalerdietako derbia erabakigarria hasteko ordu eta erdi gelditzen zirela, zale txuri-urdinek eta zuri-gorriek babes ikaragarria eman diete jokalariei.
Realaren eta Athleticen zaleak gogotsu eta itxaropentsu daude, gaueko hitzorduaren atarian
Realak eta Athleticek Errege Kopako finalerdietako itzuliko partida jokatuko dute gaur gauean Anoetan. Giro ederra dago bi taldeen zaleen artean.
Realak abantailaz ekingo dio kopako derbiaren bigarren neurketari, eta Athleticek kemenez egingo dio aurre Anoetako norgehiagokari
Ruperez, Odriozola eta Kubo ez daude jokatzeko moduan, baina Oskarsson bueltan izango du Matarazzok. Joanekoarekin alderatuta, Valverdek lau jokalari garrantzitsu sartu ditu deialdian, Vivian, Yuri, Berenguer eta Sancet, eta orduan zigortuta zegoen Paredes ere bai.
Atletico Madril izango da Realaren edo Athleticen aurkaria Sevillako finalean
Bartzelonak joaneko partidako desabantaila murriztu du hiru golekin (3-0), baina luzapena behartzeko laugarrena falta izan zaio.