Portugalek ondo ekin dio txapelketari, Hungaria mendean hartuta
Portugalek garaipena lortu du Hungariaren aurka (0-3) astearte honetan Budapesteko Puskas Arenan jokatu duen Eurokopako F multzoko lehen jardunaldiko partidan. Egungo txapeldunak ondo ekin dio EURO 2020 txapelketari.
Baloiaren jabe egin da Portugal hasieratik, eta laugarren minutuan izan du lehen abagunea; Gulacsi atezainak, ordea, Diogo Jotaren jaurtiketa gelditu du. Lau minutu beranduago, Jotak berak kanpora bidali du errematea. Jaun eta jabe izan da Portugal lehen zatian eta Gulacsi atezainak lan eskerga izan du. Neurketako 19. minutuan Hungariako atezainak aurkarien gola eragotzi du Cristiano Ronaldoren errematea desbideratuta. Geroago, selekzio portugaldarrak beste bi abisu eman ditu Bruno Fernandesen eta Cristiano Ronaldoren bidez, baina ezin izan dute hungariarren atea zulatu.
Hungariak lehen zatian izan duen abagune bakarra 36. minutuan iritsi da falta baten bidez, baina Szalairen errematea Rui Patricio atezainak gelditu du. Atsedenaldira iritsi orduko bi abagune argi izan ditu Fernando Santosek zuzentzen duen selekzioak: Diogo Jotaren jaurtiketa Gulacsi atezainak desbideratu du 40. minutuan, eta, bi minutu beranduago Cristiano Ronaldok atepean egin duen errematea kanpora joan da hungariarren ateko langaren gainetik.
Bigarren zatiaren hasieran Portugalek gola sartzeko aukera argia izan du, baina Hungariakop atezainak gola eragotzi du beste behin, Peperen erremateari erantzun bikaina emanda. Hungariaren erantzuna azkar iritsi da, Rui Patriciok gelditu duen Szalairen jaurtiketaren bidez. Hala ere, portugaldarrak jaun eta jeb izan dira bigarren zatian ere, eta abagune argiak sortzea kosta zaion arren, 68. minutuan, Gulacsi Hungariako atezainak beste gelditu on bat egin du, oraingoan Bernardo Silvaren jaurtiketa ona desbideratuta.
Portugal izan da nagusi partida guztian zehar, baina susto galanta eraman du 79. minutuan, Hungariak gola sartu baitu Schonen bidez, baina jokalari hungariarra jokoz kanpo egon da baloia jaso duenean, eta epaileak gola baliogabetu du. Bost minutu beranduago, ordea, Portugalen gola etorri da; Bruno Fernandesek jokaldi ona egin du, pasea eman dio Guerreirori, eta honek gola sartu du (0-1), Gulacsi atezaina gaindituta.
Partidako lehen gola sartu eta hurrengo jokaldian, Fernando Santosek zuzentzen duen selekzioak bigarren gola sartu, eta neurketa erabakita utzi du: Orbanek falta argia egin dio area barruan Rafa Silvari, eta Cristiano Ronaldok 2-0ekoa jarri du markagailuan, penalti jaurtiketa sartuta. Gainera, 92. minutuan, Cristiano Ronaldok garaipena biribildu du Potugalen hirugarren gola sartuta (0-3).
Fitxa teknikoa:
0.- Hungaria: Gulácsi; Botka, Orban, Szalai A.; Lovrencsics, Kleinheisler (Sigér, 78. min), Nagy (Varga, 95. min), Schäfer (Nego, 65. min), Fiola (Varga, 88. min); Szalai A. eta Sallai (Schön, 77. min).
Hautatzailea: Marco Rossi.
3.- Portugal: Rui Patricio; Nelson Semedo, Dias, Pepe, Guerreiro; Danilo, William Carvalho (Sanches, 81. min), Bruno Fernandes (Moutinho, 89. min); Cristiano Ronaldo, Diogo Jota (Andre Silva, 81. min) eta Bernardo Silva (Rafa Silva, 71. min).
Hautatzailea: Fernando Santos.
Golak: 0-1, 84. min: Rapaël Guerreiro; 0-2, 87. min: Cristiano Ronaldo, penaltiz; 0-3, 92. min: Cristiano Ronaldo.
Epailea: Cüneyt Çakir (Turkia). Txartel horiak atera dizkie Orban (86. min) Hungariako jokalariari eta Dias (38. min) Portugalgo futbolariari.
Zure interesekoa izan daiteke
Euskal taldeen norgehiagoken ordutegiak Kopako final-hamaseirenetan
Eibarrek eta Realak abenduaren 16an, asteartean, jokatuko dute, Alavesek eta Osasunak 17an, asteazkenean, eta Athleticek 18an, ostegunean.
Espainiak Uruguai, Saudi Arabia eta Cabo Verde izango ditu aurkari 2026ko Munduko Txapelketako H multzoan
H Multzoak Miami, Atlanta eta Houstonen (AEB) eta Guadalajaran (Mexiko) jokatuko ditu bere partidak.
48 selekzio, 4 ontzi eta Trump, 2026ko Munduko Txapelketaren zozketaren ikuskizuna
Lau ontzitan banatutako 48 selekziok ezagutuko dute bihar, abenduak 5, multzo fasean izango dituzten aurkariak, zozketa honetan Donald Trump, AEBko presidentea egonen da gonbidatu berezi moduan.
Iñaki Recio, Portugaleteko jokalaria: ''Pozik goaz, jendeak gozatu egin du eta guk ere bai''
Alavesek 0-3 irabazi du Portugaleteren aurka, eta Errege Kopako final-hamaseirenetara igaro da. Bi taldeetako protagonistekin egon gara lehen erreakzioak ikusteko. (Bideoa gazteleraz)
Egoitz Bilbao, Portugaleteko entrenatzailea: ''Biharko partida jokatzeko ilusioz gainezka eta irrikitan gaude''
"Partida oso zaila izango da, aurrean izango dugun taldea lehen mailakoa delako, baina seguru nago gauzak ondo egiten baldin baditugu neurketan zehar gure aukerak izango ditugula", onartu du Portugaleteko prestatzaileak.
Hauek dira 2026ko Munduko Txapelketako bigarren aukerako kanporaketak
Mexiko, Estatu Batuak eta Kanadan jokatuko den 2026ko Munduko Txapelketan sailkatzeko bigarren aukeraren kanporaketak martxoaren 26 eta 31ren artean jokatuko dira, Europakoak; beste kontinenteetakoak, 23 eta 31ren artean.
Hauek dira jada 2026ko Munduko futbol Txapelketarako sailkatu diren selekzioak
Guztira, 42 selekziok lortu dute 2026ko Munduko Txapelketarako sailkatzea. Oraindik, sei postu esleitu gabe daude.
Sevillako Cartujak Kopako finala hartuko du gutxienez beste hiru denboraldiz, 2026tik 2028ra
Hala erabaki du Sevillako hotel batean bildu den Espainiako Futbol Federazioko zuzendaritza batzordeak. Cartujak Kopako finala hartuko du apirilean, zazpigarren aldiz jarraian. 2017-2018 denboralditik finalaren egoitza da.
Honela jaso dute Portugaleteko jokalariek Errege Kopan Alavesen aurka jokatuko dutela
Portugaletek Alaves izango du aurkari Errege Kopako hurrengo kanporaketan, asteartean egindako zozketak zehaztu duenez. Taldeak zuzenean jarraitu du emanaldia, eta pozik azaldu da, emaitzaren berri izanda.
Eguesibarrek ezin izan du Andorraren aurka (1-5), eta Errege Kopatik kanpo gelditu da
Ibai Gomezek entrenatzen duen eta Hypermotion Ligan dabilen Andorrak bi gol sartu ditu lehen zatian, eta bigarren zatian aldea handitu du. Hasier Iriartek, penaltiz, 70. minutuan, Eguesibarren gola sartu du.