PSGk txikitu egin du Bartzelona Mbapperen erakustaldiarekin
PSGk garaipen handia lortu du Bartzelonaren aurka (1-4) Camp Noun jokatu duen Txapeldunen Ligako final-zortzirenetako joaneko partidan. Gainera, Liverpoolek irabazi egin du Leipzigen kontra (0-2), Salahen eta Maneren golekin.
Eguneko partida handia jokatu dute Bartzelonak eta Paris Saint-Germainek. Begirada guztiak Messi eta Mbappe jokalariengan jarrita zeuden, eta biak izan dira protagonista, baina aurrelari frantziarrak erakustaldia eman du.
Norgehiagoka ondo hasi da Barçarentzat, 27. minutuan Messik 1-0ekoa sartu baitu penaltiz, nahiz eta Frantziako taldeak izan dituen ordura arteko abagune argienak. Pozak ez dio asko iraun Bartzelonari, 32. minutuan Mbappek banakoa (1-1) jarri baitu markagailuan. Bigarren zatian, 65. minutuan, Mbappek 1-2koa sartu du, eta Keanen gola (1-3) etorri da bost minutu geroago. Amaieran, 85. minutuan, Kylian Mbappek hat-tricka egin du, 1-4koa sartuta.
Fitxa:
1 - Bartzelona: Ter Stegen; Dest (Mingueza, 71. min), Pique (Riqui Puig, 78. min), Lenglet, Jordi Alba; Sergio Busquets (Pjanic, 78. min), De Jong, Pedri (Trincao, 78. min); Dembele, Messi eta Griezmann (Braithwaite, 85. min).
4 - PSG: Keylor Navas; Florenzi (Kehrer, 89. min), Marquinhos, Kimpembe, Kurzawa; Paredes, Gueye (Ander Herrera, 46. min), Marco Verratti (Draxler, 73. min); Moise Kean (Danilo, 85. min), Mbappe eta Icardi.
Golak: 1-0: Messi (p.), 27. min. 1-1: Mbappe, 32. min. 1-2: Mbappe, 65. min. 1-3: Moise Kean, 70. min. 1-4: Mbappe, 85. min.
Epailea: Björn Kuipers. Txartel horia atera dio Gueye PSG taldeko jokalariari (20. min).
Zure interesekoa izan daiteke
Realak aurretik ekingo dio kopako derbiaren bigarren neurketari, baina Athleticek borroka agindu du Anoetan
Matarazzok ezin izango ditu lesionatuta dauden Ruperez, Odriozola eta Kubo zelairatu, baina Oskarsson berreskuratuko du. Joanekoarekin alderatuta Valverdek lau jokalari garrantzitsu berreskuratuko ditu, Vivian, Yuri, Berenguer eta Sancet, baita orduan zigortuta zegoen Paredes ere.
Atletico Madril izango da Realaren edo Athleticen aurkaria Sevillako finalean
Bartzelonak joaneko partidako desabantaila murriztu du hiru golekin (3-0), baina luzapena behartzeko laugarrena falta izan zaio.
Reala-Athletic partida, Errege Kopako finalaurrekoetako itzulikoa, zuzenean
Ez galdu asteazken honetan, martxoak 4, Errege Kopako finalerdietako itzuliko partida, Realak eta Athleticek jokatuko dutena, ETB1en, kirolakeitb.eus-en eta ETB ONen. 20:30etik aurrera "Koparen Bila" programa hasiko da. Ondoren, bi taldeen arteko norgehiagoka emango da eta, amaitutakoan, partidu osteko saio berezian partida aztertuko da.
Real Madril-Manchester City, Newcastle-Barça eta Atletico-Tottenham, Txapeldunen Ligako final-zortzirenetan
Final-zortzirenetako joaneko neurketak martxoaren 10ean eta 11n jokatuko dira; itzulikoak, berriz, martxoaren 17an eta 18an.
Atalanta, Galatasaray, Real Madril eta PSG ere final-zortzirenetan izango dira
Joaneko partidan jasotako 2-0ekoa irauli du Atalantak Borussia Dortmunden aurka (4-1). Madrilek Benfica kanporatu du, joanekoan 0-1 eta itzulerakoan 2-1 irabazita. PSGk bina berdindu du Monakoren aurrean, eta Galatasaray luzapenean sartutako bi golei esker sailkatu da, nahiz eta Turinen galdu eta ikaragarri sufritu (3-2).
Reala-Athletic Errege Kopako finalerdietako itzuliko partida, martxoaren 4an, EITBn
20:30etik aurrera, asteazkenean, martxoaren 4an, ETB1ek eta kirolakeitb.eus-ek Realak eta Athleticek Anoetan jokatuko duten neurketa erabakigarriaren gaineko guztia kontatuko dizute. Reala eta Athletic, nor baino nor gehiago, eta final handirako txartela jokoan.
Bodø/Glimtek historia egin du, Inter Milan Txapeldunen Ligatik kanporatuta
Norvegiako taldeak 0-2 irabazi zion Inter Milani final-zortzirenetako play-offetako itzuliko partidan. Bayer Leverkusenek, Newcastlek eta Atletico Madrilek ere final-zortzirenetara aurrera egitea lortu dute.
Atletico, Leverkusen, Bodø/Glimt eta Newcastle, Txapeldunen Ligako final-zortzirenetara
Emaitza altuko markagailuek, Milaneko ezustekoak eta nagusitasunez ebatzitako kanporaketek erabaki dituzte final-zortzirenetarako sailkapenak.
Newcastlek ia erabakita utzi du kanporaketa eta Bodok eta Leverkusenek bereak bideratu dituzte
Ingalaterrako taldeak Qarabag gainditu du etxetik kanpo (1-6), norvegiarrek 3-1 irabazi diote Interri eta talde alemaniarrak 0-2 gainditu du Olinpiakos Grezian. Aitzitik, Brujasek eta Atletico Madrilek 3-3 berdindu dute Belgikan.
Errege Kopako finala apirilaren 18an jokatuko dute, larunbatez, 21:00etan, Cartujan
Espainiako Federazioak iragarri du txapelketako final handia apirilaren 18an jokatuko dutela, eta 21:00etan hasiko dela. Reala edo Athletic final horretan izango dira, eta sailkatzea lortzen duen euskal taldeak Bartzelona edo Atletico Madril izango du aurkari.