Alemaniak Suediari irabazi dio eta 'bizirik' jarraitzen du
Alemaniak 2-1 irabazi dio Suediari 2018ko Errusiako Munduko Txapelketako F multzoko bigarren jardunaldiko partida eta aurrera egiteko aukerekin jarraitzen du. Mexiko da multzoko liderra 6 punturekin, Alemaniak eta Suediak hiruna puntu dituzte, eta Hego Koreak ez du punturik lortu.
Erasokor eta joko ona eginez zelairatu da Alemania, baina ez da fin ibili aurkariaren ate aurrean. Suedia sendo manetndu da defentsako lanean eta lehen zatian izan duen abagune bakarrenetarikoan, 32. minutuan, Ola Toivonenek 0-1ekoa sartu du. Atsedenaldira iritsi orduko, neurketa berdintzeko aukerak izan ditu Alemaniak, baina ez du gola sartzea lortu.
Bigarren zatiaren hasieran, 48. minutuan, Marco Reusek banakoa (1-1) egin du. Gola sartu ostean bigarrenaren bila jo du Alemaniak, baina ez du aurkariaren ate aurrean asmatu. Suediak pare bat abagune izan ditu berriro aurretik jartzeko, baina suediarrak ere ez dira gai izan aurkariaren atea zulatzeko. Neurketako 82. minutuan maldan gora jarri zaio partida eta Munduko Txapelketa Alemaniari, Boateng egotzi baitu epaileak, bigarren txartel horia aterata. Jokalari bat gutxiagorekin geratu diren arren, alemaniarrek erasora jo dute, eta abagune argiak izan dituzte; Olsen atezainak eta zutoinak, ordea, Alemaniaren golak eragotzi dituzte. Norgehiagokako 94. minutun, Toni Kroosek 2-1koa egin du faltaz sartutako gol ikusgarri baten bitartez eta garaipena eman dio Alemaniako selekzioari.
Fitxa teknikoa:
2. Alemania: Manuel Neuer; Joshua Kimmich, Jerome Boateng, Antonio Rüdiger, Jonas Hector (m.87, Julian Brand); Sebastian Rudy (m.31, Ilkay Gündogan), Toni Kroos; Thomas Müller, Julian Draxler (m.46, Mario Gómez), Marco Reus; eta Timo Werner.
Hautatzailea: Joachim Löw.
1. Suedia: Robin Olsen; Mikael Lustig, Víctor Lindelof, Andreas Granqvist, Ludwin Augustinson; Sebastian Larsson, Albin Ekdal, Viktor Claesson (m.74, Jimmy Durmaz), Emil Forsberg; Marcus Berg (m.90, Isaac Thelin) y Ola Toivonen (m.78. John Guidetti).
Hautatzailea: Janne Andersson.
Golak: 0-1, m.32: Toivonen. 1-1, m.48: Reus. 2-1, m.96: Kross.
Epailea: Szymon Marciniak (POL). Alemaniako Boateng egotzi du (82') bi txartel horia aterata eta txartel horia atera dio Suediako Ekdali.
Zure interesekoa izan daiteke
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).
Real Madrilek, Bodo/Glimtek eta PSGk final-zortzirenetako kanporaketak bideratu dituzte
Madrilgo eta Norvegiako taldeek Manchester City eta Sporting Portugal 3-0 jipoitu dituzte, hurrenez hurren, eta egungo txapeldunak 5-2 irabazi dio Chelseari, Parisen. Bayer Leverkusenek eta Arsenalek, aldiz, bana berdindu dute.
Bayernek eta Atleticok kanporaketa bideratu dute, eta Galatasarayk aurrea hartu du
Turkiako taldeak ezustean harrapatu du Liverpool (1-0) kanporaketaren hasieran, Alemaniako taldeak Atalanta jipoitu dute Bergamon (1-6), koltxoneroek 5-2 irabazi diote Tottenhami eta Bartzelonak azken hatsean berdinketa (1-1) lortu du Newcastlen.