Kroazia eta Suitza, faborito Grezia eta Ipar Irlandaren aurrean
Datorren urtean Errusian egingo den Munduko Txapelketarako sailkatzeko bigarren aukerako kanporaketak ostegun honetan hasiko dira jokatzen Europako multzoan. Norgehiagoka horietan, Kroazia eta Suitza euren balizko nagusitasuna ezartzen saiatuko dira Greziaren eta Ipar Irlandaren aurrean.
Horrenbestez, Zagreben, horrelako kanporaketetan duen eskarmentua baliatzen saiatuko da Kroazia; izan ere, azken urteetan lau aldiz jokatu ditu, eta guztietatik atera da garaile.
Zlatko Dalicek zuzentzen duen taldeak Luka Modric eta Ivan Rakitic izango ditu gidari nagusi, eta azken boladan erakutsi duen gol gabeziari egin beharko dio aurre, bere multzoan 15 gol besterik ez baitzituen erdietsi. Gainera, Mario Mandzukic aurrelariak giharreko arazoak ditu, eta azken ordura arte itxaron beharko dute jokatzeko moduan dagoen jakiteko.
Dena dela, Greziak ere baja ugari izango ditu. Defentsa lanetan ezinbestekoa den Kostas Manolas zigortuta dago, eta Vasilis Torosidis kapitaina eta Sokratis Papastathopoulos atzelaria zalantzan daude.
2004an Europako txapeldun izandakoak porrot bakarra izan du sailkapen fasean (etxean, Belgikaren aurka), eta Zagrebera aurretik egindako bisita ofizialetan lortutako emaitzak errepikatzen saiatuko da: hutsean berdindu zuten 2010ean, eta bana, 1996an.
Ipar Irlandak gotorleku bihurtu nahi du Windsor Park
Suitza ere, bere esperientziaz baliatzen saiatuko da Ipar Irlandaren aurkako neurketan; aurkaria, baina, oso sendo agertu da orain arte Belfasten.
Michael O'Neillen agindupean dauden jokalariak Windsor Park gotorleku bihurtzen saiatuko dira, aurrekoetan bezala. Bertan, Alemaniaren aurka besterik ez dute galdu (1-3). Alemanak izan dira Irlandari golen bat sartu dioten bakarrak.
Ipar irlandarrak Munduko Txapelketa jokatzeko gosez dabiltza, 1986an Mexikon egon zirenetik ez baitute berriro halako baterako sailkatzerik lortu.
Suitzarrei dagokienez, Vladimir Petkovicen mutilek multzoen fasean erakutsitako sendotasuna azaldu beharko dute etxekoek zelai gainean jarriko duten intentsitateari aurre egiteko, eta, bide batez, Munduko Txapelketan laugarrenez jarraian egotea lortzeko.
Zure interesekoa izan daiteke
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Ingalaterrak eta Argentinak Munduko Txapelketako finalerdiak jokatuko dituzte Norvegia eta Suitza luzapenean gaindituta
Jude Bellinghamek, biko batekin, Ingalaterrak Norvegiaren aurka lortutako markagailua irauli du (1-2), eta Argentinak Suitza borrokalari bati irabazi dio (3-1) Julian Alvarezek eta Lautaro Martinezek egindako golei esker.
Mikel Merinok aurrera egiteko gola eman dio berriz Espainiari (2-1)
Aulkitik sartu eta berehala, jokalari iruindarrak azken minutuetan sartutako golak garaipena eman dio bere taldeari Belgikaren aurka eta finalerdietarako txartela.
Mbappek eta Dembelek Frantzia finalerdietan jarri dute (2-0)
Bonok penaltia gelditu dio Mbapperi lehen zatian, baina aurrelari frantziarrak mendekua hartu du atsedenaldiaren ostean, munduko txapelketa honetan sartutako zortzigarren golarekin. Ondoren, Dembelek garaipena ziurtatu du, bere bosgarren golarekin.
Suitzak Kolonbia kanporatu du, penaltietan, eta prest daude Munduko Txapelketako final laurdenak
Hauek dira final laurdenetako kanporaketa guztiak: alde batetik, Frantzia-Maroko, eta Espainia-Belgika; bestetik, Norvegia-Ingalaterra, eta Argentina-Suitza. Final zortzirenetako azken kanporaketan, Suitzak eta Kolonbiak 0-0 berdindu dute, eta penaltietan Suitza 4-3 gailendu da.
Romerok, Messik eta Enzok bizia eman diote txapeldunari, Egiptoren aurka gorriak ikusi ondoren (3-2)
Argentina ezinean ibili da Egiptoren aurkako norgehiagokan. Afrikarrak 0-2 aurretik jarri dira markagailuan, Yasser Ibrahim eta Mostafa Ziko jokalarien golei esker.
Queiroz, Aguirre eta Roberto Martinez dira Munduko Txapelketaren azken biktimak
Ghanako Futbol Federazioaren arabera, oraindik ez dute Queirozen uko formalik jaso, baina bere Instagrameko mezuak ez du zalantzarako tarterik uzten. Aguirreren kasuan, Mexiko Munduko Txapelketan zuzentzeko akordioa zuen. Azkenik, Roberto Martinezi lortutako emaitza txarrak kalte egindio. Portugaleko Futbol Federazioak ez zuen espero final-zortzirenetan galtzea.
Belgikak garaipen argia lortu du AEBren aurka (1-4), eta Espainia izango du aurkari Munduko Txapelketako final laurdenetan
De Ketelaerek, bi gol sartuta, Vanakenek eta Lukakuk markagailuan islatu dute Belgikako selekzioak erakutsitako nagusitasuna. Balogun AEBko jokalariak neurketan parte hartu du, eta horrek norgehiagoka markatu du, kontuan izanik FIFAko Diziplina Batzordeak erabakita jokatu ahal izan duela.
Mikel Merinok final-laurdenetarako sailkatu du Espainia, luzapenaren atarian (0-1)
Nafarrak, Ferran Torresen pasea baliatuta, 91. minutuan sartu du Luis de la Fuenteren taldea final-laurdenetan. Espainiak AEB-Belgika partidako irabazlearen aurka neurtuko ditu indarrak.
Norvegiak Brasil kanporatu du (1-2), eta Ingalaterrak Mexiko (2-3), eta biek izango dute jokoan finalerdietarako txartel bat
Norvegiako eta Ingalaterrako selekzioak nor baino nor gehiago arituko dira, final laurdenetan, larunbatean, 23:00etan. Final zortzirenetan, Norvegiak Brasil menderatu du, Erling Haalandek bi gol sartuta, eta Ingalaterra Mexikori gailendu zaio; neurketa horretan, Jude Bellinghamek bi gol egin ditu, eta Harry Kanek, penaltiz, beste bat.