Garreta "hobeto dago" eta "errekuperazio prozesu luzea" du aurretik
Betisek utzita Amorebietan jokatzen ari den Felix Marti Garretak "ondo" dagoela esan du, "errekuperazio prozesu luzea" aurretik duen arren. Garreta koman egon da etxean istripu bat izan ostean, eta orain dela sei egun atera zen ZIUtik.
Garreta koma induzituan ospitaleratu zuten, etxean izandako burezurreko traumatismo batengatik. Handik, "esker ona" adierazi du "jasotako mezu eta maitasunagatik".
"Zuen babesa funtsezkoa izan da, eta indarra eman dit borrokan jarraitzeko. Poza ematen dit ondo nagoela esateak, orain aurretik errekuperazio prozesu luzea dudan arren. Pentsatuko duzuen moduan, desiatzen nago zuek berriz ikusteko, eta futbolean une ahaztezinak elkarbanatzeko. Eskerrik asko, guztiagatik", adierazi du atzelariak.
Bartzelonako Damm taldetik heldu zen Betiseko harrobira, 2020-2021 denboraldian. Gora egiten joan zen, iragan sasoian lehen taldearekin debuta egin zuen arte, Benito Villamarinen Athleticen kontrako partidan, LaLiga EA Sportseko 15. jardunaldian.
Bizkaiko taldean titular ukaezina izanik, 33 partida (Ligako 31 Bigarren Mailan) jokatu ditu, lau gol sartuta eta asistentzia bat eginda. Amorebietan egindako lan onagatik, aurredenboraldia Betisekin egitea aurreikusi dute, Manuel Pellegrini entrenatzaile txiletarraren aginduetara.
Zure interesekoa izan daiteke
Deportivok lehen mailara igotzea lortu du, zortzi urteren ostean
Zaragozak, Huescak eta Cultural Leonesak, ostera, Lehen RFEF mailan jokatuko dute datorren denboraldian.
Racing Lehen Mailara itzuliko da 14 urteren ondoren
Valladolid menderatu eta Almeriak bere partida galdu ostean, igoera matematikoki ziurtatu du Kantabriako taldeak.
Ukabilkada bat eta istilu itzela, Aragoiko derbian
Andrada, Zaragozako atezaina, kaleratu egin dute Pulido Huescako kapitainari bultza egiteagatik. Txartel gorria atera bezain laster, kontrola galdu du eta aurpegian ukabilkada eman dio Pulidori.
Imanol Idiakez, Cadizen entrenatzaile berria, denboraldiaren amaierara arte
Entrenatzaile gipuzkoarrak talde andaluziarrak Hypermotion Ligan jarrai dezan ailegatu da; Cadizek hiru puntura ditu jaitsiera postuak.
Eibarrek Sanse menderatu du Anoetan, Hypermotion Ligako derbian (0-1)
Anaitz Arbillak, laugarren minutuan, Beñat San Joseren taldeari garaipena eman dion gola sartu du. Bigarren zatian, Dani Diazek penalti bat kanpora jaurti du, eta Sansek ezin izan du berdinketa lortu.
Huescak kargutik kendu du Jon Perez ‘‘Bolo’’ bizkaitarra
Zuzendaritzak erabakia hartu du taldeak azkeneko hilabeteetan izandako bolada txarrari buelta emateko beharrezko pauso moduan, Huesca jaitsierako postuetan baita.
Hypermotion Ligako Sanse-Eibar derbia apirilaren 2an jokatuko dute, Anoetan
Astean zehar jokatuko da Hypermotion Ligako 33. jardunaldia. Derbia 20:00etan hasiko da.
Cadizek kargutik kendu du Gaizka Garitano
Klubaren dinamika txarraren eta azken sailkatuaren aurkako porrotaren ondoren, klubak Derioko entrenatzailea baztertzea erabaki du.
Cultural Leonesak kargutik kendu du Ziganda
Entrenatzaile nafarrak agur esan dio Leoneko taldeari 20 jardunalditan sei garaipen eta zazpi berdinketa lortu ostean, azkena Leganesen zelaian (1-1).
Igor Oca basauriarra Leganeseko entrenatzailea izango da denboraldia amaitu arte
Hasiera batean bitarteko gisa iritsi zen lehen taldeko aulkira, abenduaren hasieran kargutik kendu zuten Paco Lopezen ordez. 44 urteko entrenatzailea joan den udan heldu zen talde madrildarrera, Sestao River taldetik, bigarren taldea zuzentzeko.