Osasunak bereganatu du IX. Euskal Herria Txapela, Osanbelaren gol bati esker (0-1)
Asier Osanbelak partidaren azken txanpan sartutako gol batek garaipena eman dio Osasunari Athletic Cluben aurka, Barakaldoko Lasesarre zelaian jokatutako IX. Euskal Herria Txapelaren finalean.
Bizkaitarren eta nafarren artekoa 77. minutuan erabaki da, geldikako jokaldi nahasi batean. Hala, Osasunako harrobiko jokalariak baloia zuri-gorrien ate barrura bidali du, Mikel Santos atezain gazteak Kike Barjaren eta Osanbela beraren aurreko erremateen aurrean bi geldiketa egin ondoren.
Ernesto Valverde eta Alessio Lisci entrenatzaileek probak egiteko erabili dute neurketa. Ligako lehen hiru jardunaldietan minutu gutxien izan dituzten jokalariak zelairatu dituzte, eta, zuri-gorrien kasuan, baita harrobiko jokalari ugari ere, lehen taldeko deialdietan sartzen ari diren De Luis, Duñabeitia eta Rego tartean.
Lehen zatia entretenigarria izan da, eta Athleticek izan ditu abagune onenak, lehenengoak Osasunak izan ostean, 22. eta 24. minutuetan, Ruben Garciaren falta jaurtiketa baten bidez eta Osanbelaren burukada batekin, baina Alex Padillak geldiketa onak egin ditu bietan.
Bilbotarren erantzuna 30. minutuaren bueltan iritsi da, Nico Serranoren bi aukera garbirekin. Lehendabizikoan, Orkoiengoak Aitor Fernandezen gorputzaren aurka bidali du baloia, Robert Navarrok gidatutako kontraeraso azkar batean. Handik gutxira, 36. minutuan, Serrano berriro saiatu da, areaz kanpotik bidalitako ezkerkada batekin, baina baloiak langa jo du.
Bigarren zatian, neurketak bizi jarraitu du, bi entrenatzaileek aldaketa ugari egin dituzten arren. Jokaldi arriskutsuak izan dira bi areatan, hala nola Iker Benitoren jaurtiketa on bat edota Unai Gomezen burukada bat. Norgehiagoka, hala ere, ez da erabaki Osanbelaren gola iritsi den arte.
Fitxa teknikoa:
0 - Athletic Club: Padilla (Santos, 67. min): Gorosabel, Duñabeitia (Iker Monreal, 59. min), Jon De Luis, Adama (Irurita, 67. min); Rego, Vesga (Adrián Pérez, 59. min); Navarro, Unai Gómez (Eder García, 76. min), Nico Serrano (Ibon Sánchez, 76. min); eta Guruzeta (Izeta, 59. min).
1 - Osasuna: Aitor Fernández; Iker Benito (Chasco, 77. min), Osanbela, Herrando (Catena, 69. min), Abel Bretones (Juan Cruz, 77. min); Iker Muñoz (Víctor Muñoz, 69. min), Moncayola (Torró, 46. min); Kike Barja, Moi Gómez (Oroz, 21. min); Rubén García; eta Raúl García.
Gola: 0-1, 77. min: Osanbela.
Epailea: Gorka Etayo. Txartel horia atera dio Osasunako Iker Muñozi (35. min).
Gorabeherak: Lasesarren (Barakaldo) jokatu da Euskal Herria Txapelaren bederatzigarren edizioaren finala, 3.000 ikusle ingururen aurrean. Partida hasi aurretik Mikel Garcia atletismoko munduko txapelduna eta Markel Susaeta Athleticeko jokalari ohia omendu dituzte.
Zure interesekoa izan daiteke
Osasunak estutu du, baina ez du gola aurkitu
Talde gorritxoa Levante baino gehiago izan da neurketan, baina asmatze faltak nagusitasun horrek garaipena lortzea eragotzi du.
Antonio Siverak 2030era arte jarraituko du Alavesen
Kontratua berrituta, Alaveseko kapitainak hamargarren denboraldia jokatuko du Gasteizen.
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.
Ramis, LaLigako egutegiarekin haserre: “Ez dakit lehen jardunaldia edo bigarrena ikusten ari naizen, ez da normala"
Osasunako entrenatzailea etsita agertu da Osasunak Levanteren aurka jokatuko duen partidaren atarian, LaLigako lehen bi jardunaldiekin dagoen nahasmenarekin. Talde batzuek bi partida jokatu dituzte jada, Osasunak bat ere ez, eta astebetean hiru jokatu beharko ditu.
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
FIFAk 10 partidako zigorra jarri dio Paredes argentinarrari Munduko Txapelketako finalaren osteko istiluengatik
Futboleko erakunde goreneko Diziplina Batzordeak isunak eta zigorrak iragarri ditu liskarrean parte hartu zutenentzat. Paredes ez ezik, Nahuel Molina, Thiago Almada, Gavi, Roberto Ayala eta Argentinako Futbol Elkartea (AFA) ere zigortu dituzte.