Roshn Saudi Leagueko Al-Shabab taldeak Imanol Alguacil fitxatu du
Roshn Saudi Leagueko Al-Shabab taldeak Imanol Alguacil fitxatu du, Saudi Arabiako Riad hiriburuko klubak ofizialki baieztatu duenez ostegun honetan. Realeko entrenatzaile ohiak, hala, Saudi Arabiako Liga Profesionalean emango dio jarraipena bere ibilbideari; bere talde berriak, Riadeko Al-Shababek, seigarren postuan amaitu zuen txapelketa 2024-25 denboraldian.
Horrenbestez, Imanolek (uztailaren 54 urte beteko ditu) duela aste batzuk eman zion amaiera Realean eman duen garaiari. 2011n hasi zen klub txuri-urdinean entrenatzaile gisa, 2014ko azaroan Sanseko lehen entrenatzaile izendatu zuten, eta 2018ko martxoan, 2017-18 denboraldiko azken txanpan, lehen taldearen ardura hartu zuen bere gain. 2018-19 denboraldirako, berriro ere Sansera itzuli zen, baina abenduan beste behin ere hartu zuen Reala, eta 2025eko maiatzera arte izan da karguan, lorpen historikoak erdietsita: bera entrenatzaile, Realak 2019-20 denboraldiko Errege Kopa irabazi zuen (finala 2021ean jokatu zuen, Athletic aurkari), 2023-24 denboraldiko Txapeldunen Ligarako sailkatu zen, eta Europa Liga jokatzeko txartela eskuratu zuen 2019-20, 2020-21, 2021-22 eta 2023-24 denboraldietan.
Al-Shababek sei aldiz irabazi du Liga, 2012an azkenengoz, eta beste sei denboralditan izan da txapeldunorde.
Zure interesekoa izan daiteke
FIFAk 10 partidako zigorra ezarri dio Paredes argentinarrari Munduko Txapelketako finalaren osteko istiluengatik
Futboleko erakunde goreneko Diziplina Batzordeak isun eta zigorrak iragarri ditu liskarrean parte hartu zutenentzat. Paredesez gain, Nahuel Molina, Thiago Almada, Gavi, Roberto Ayala eta Argentinako Futbolaren Elkartea (AFA) ere zigortu dituzte.
Kumba Brima aurrelaria Alavesen arituko da 2026-2027 denboraldian
Futbolari sierraleonarrak Rigak utzita jokatuko du euskal taldean; Baltikoko Ligan, goleatzailerik onena izan da. 24 urtekoa jokalariak “indarra, gaitasun fisikoa eta arean trebetasuna” ditu, Alavesen arabera.
Edin Terzic: “Uste dut prest gaudela, entrenamenduetan eta lagunertekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Quique Sanchez Flores: “Garaipenetik eurek baino gertuago egon garen sentsazioarekin goaz"
Alaveseko entrenatzaileak aitortu du taldea ez dagoela erabat gustura Rayo Vallecanoren aurka lortutako berdinketarekin. Madrilgo taldea Sergio Cabellok 48. minutuan egindako golarekin aurreratu da; markagailuan berdinketa jarri duen gola, berriz, Marianok egin du, 84.ean.
Marianok berdinketa eman dio Alavesi Rayoren aurka (1-1)
Alavesek markagailua berdindu du partidaren azken txanpan, Marianok Rayok defentsan egindako akats bat aprobetxatu eta gola sartu duenean.
_945_?fmt=webp-alpha&qlt=80)
Matarazzo: “Jokalariak prest daude; mugimenduak espero ditugu hurrengo asteotan”
Realak gaur egin du azken entrenamendua. Bihar 21:00etan Elxen aurkako partida izango dute eta 24 jokalari eramango ditu Matarazzok, tartean Sanseko bost. Estatubatuarrak eskaini duen lehen prentsaurrekoan “datozen asteotan mugimenduak” espero dituela adierazi du.
Luis Miguel Ramis: “Osasuna irabazle bat nahi dut”
Osasunaren entrenatzaile berria lahiaketa hasteko irrikitan dago. Iragan igandean Osasunak Celtarekin jokatu ez zuenez, denboraldiaurreko aste bat gehiago izan dute, eta ondo etorri zaiela esan du. Sadarreko giroa bertatik bertara bizi nahi duela ere esan du, eta, aldi berean, zein Osasuna ikustea nahi duen azaldu du. Azkenik, Luis Miguel Ramisek mezu bat bidali die Osasunako zaleei. (Bideoa, gazteleraz).
Alaves haserre agertu da Rayok bere zaleentzako sarrerak ukatu dizkiolako
Talde gasteiztarrak "erabat" errefusatu du talde madrildarraren tesia, eta, bereziki, une oro Arabako zaleen presentzia gaur gaueko partidan errazteko prestutasun eta lankidetza handia egon delako baieztapena.
Reala eta Athleticen arteko EH Kopako finaleko golak (3-1)
Realak 3-1 irabazi dio Athletici Irunen jokatu den Euskal Herria Kopako finalean. Iraiaren golarekin, talde zuri-gorriak ireki du markagailua. Txuri-urdinek, ordea, Chaconen golarekin lortu dute berdinketa. Bigarren zatian, Seleenfreundek buruz sartu, eta, Nereak Realaren garaipenaren azken kolpea eman du hirugarrenarekin.
Moussa Diarra, Al Wahda FC taldera
Lehen taldearekin 32 partida ofizial jokatuta, Maliko atzelariak Arabiar Emirerrietan jarraituko du bere kirol ibilbidea.