Portugalek irabazi du Nazioen Liga, finalean Espainia menderatuta
Portugal da 2025eko Nazioen Ligako txapelduna, finalean Espainia menderatuta. Municheko (Alemania) Allianz Arenan jokatu da partida, eta penalti bidez erabaki da irabazlea.
Partida binako emaitzarekin (2-2) amaitu da. Luzapenean ez da golik egon eta penaltietan erabaki da txapelduna. 11 metroetatik, Portugalek garaipena lortu du.
Espainia irabazten hasi da Zubimendik 21. minutuan sartutako golari esker (0-1), baina bost minutu geroago Nuno Mendesek jarri du 1-1ekoa markagailuan. Hala ere, atsedenaldia iristear zegoela, Oyarzabalek aurretik jarri du Espainia, 45. minutuan 1-2koa sartuta.
Bigarren zatian Portugal nagusi izan da, eta 61. minutuan partida berdindu du, Cristiano Ronaldoren golarekin (2-2). Ondoren, bi selekzioetako batek ere ez du aurkariaren atea zulatzea lortu, eta norgehiagokak luzapena behar izan du. Luzapenean ere ez da golik egon, eta penaltietan erabaki da txapelduna.
Hamaika metroetatik Portugalek bost jaurtiketak sartu egin ditu, eta Espainiak penalti bat huts egin du. Gonçalo Ramos, Vitinha, Bruno Fernandes, Nuno Mendes eta Ruben Neves jokalariek ez dute barkatu Unai Simon atezainaren aurrean. Espainiaren aldetik, Merinok, Baenak eta Iscok golak sartu dituzte, baina Diego Costa atezainak gelditu egin du Morataren jaurtiketa.
Azkenean, Portugal garaile penaltietan (5-3).
Fitxa teknikoa:
2 - Portugal: Diogo Costa; Joao Neves (Semedo, 46. min), Ruben Dias, Inacio (Renato Veiga, 74. min), Nuno Mendes; Vitinha, Bernardo Silva (Rafael Leao, 74. min); Francisco Conceiçao (Ruben Neves, 46. min), Bruno Fernandes, Pedro Neto (Diogo Jota, 106. min); eta Cristiano Ronaldo (Gonçalo Ramos, 88. min)
2 - Espainia: Unai Simon; Mingueza (Pedro Porro, 93. min), Le Normand, Huijsen, Cucurella; Zubimendi, Fabian (Mikel Merino, 75. min), Pedri (Isco, 75. min); Lamine Yamal (Yeremy Pino, 106. min), Nico Williams (Alex Baena, 93. min) eta Oyarzabal (Morata, 111. min).
Golak: 0-1, 21. min: Zubimendi. 1-1, 26. min: Nuno Mendes. 1-2, 45. min: Oyarzabal. 2-2, 61. min: Cristiano Ronaldo.
Penalti jaurtiketak: 1-0, Gonçalo Ramos. 1-1, Mikel Merino. 2-1, Vitinha. 2-2, Alex Baena. 3-2, Bruno Fernandes. 3-3, Isco. 4-3, Nuno Mendes. 4-3, Moratak, huts. 5-3, Ruben Neves.
Epailea: Sandro Schärer (Suitza). Txartel horiak atera dizkie Fabian (33'), Le Normand (90'), Baena (100') eta Pedro Porro (110') Espainiako jokalariei; baita Inacio (19'), Pedro Neto (82') eta Mendes (100') Portugalgo jokalariei ere.
Zure interesekoa izan daiteke
Real Madrilek, Bodo/Glimtek eta PSGk final-zortzirenetako kanporaketak bideratu dituzte
Madrildarrek eta norvegiarrek Manchester City eta Sporting Portugal 3-0 jipoitu dituzte, hurrenez hurren, eta egungo txapeldunak 5-2 irabazi dio Chelseari Parisen. Bayer Leverkusenek eta Arsenalek, aldiz, bana berdindu dute.
Iranek baztertu egin du Munduko Txapelketan parte hartzea, AEB eta Israelen eraso militarra dela eta
Iranek Belgika, Egipto eta Zeelanda Berriaren aurka jokatu behar zituen multzoen faseko hiru partidak Ameriketako Estatu Batuetan, horietako bi Los Angelesen eta beste bat Seattlen. Azaroan, Trumpek bermatu zuen jokalari eta teknikari irandarrek bisak izango zituztela AEBn sartzeko, baina ez haien zaleek.
Errege Kopako finalaren sarrerak izendunak izanen direla zehaztu du Realak
Horrela, sarreran agertzen diren izena, abizenak eta NANa apirilaren 18an Cartuja estadiora sartzen den pertsonarenak izan beharko dira.
Matarazzo, Kopako finalaz: "Aukera paregabea da"
Realeko entrenatzaileak, asteazkenean, talde txuri-urdinaren informazioaz arduratzen diren kazetariekin gosaldu du; topaketan, Errege Kopako finala izan dute hizpide, batez ere.
Maroan Sannadi: "Oso pozik nago, bueltan egoteak sentsazio ona ematen dit"
Maroan Sannadi Athleticeko jokalaria bueltan da, belauneko lesioa osaturik du eta. Nola sentitzen den azaldu du prentsaurrekoan.
Bayernek eta Atleticok kanporaketa bideratu dute, eta Galatasarayk aurrea hartu du
Turkiako taldeak ezustean harrapatu du Liverpool (1-0) kanporaketaren hasieran, Alemaniako taldeak Atalanta jipoitu dute Bergamon (1-6), koltxoneroek 5-2 irabazi diote Tottenhami eta Bartzelonak azken hatsean berdinketa (1-1) lortu du Newcastlen.
Realak 25.680 sarrera izango ditu Errege Kopako finalean
Horietako % 85 Realaren bazkideek jasoko dituzte. Realaren “fanzone” izenekoa, Sevillan, Carlos III.a etorbidean izango da, Cartujako geralekuaren ondoan.
Unai Gomezek ez du lesio larririk, ezker belaunean kolpea besterik ez du
Bermeotarra joan den larunbatean ordezkatu behar izan zuten, Bartzelonaren aurkako partida hasi eta hamar minutura. Astelehen honetan egin dizkioten proba medikoek agerian utzi dute lesioa zenbaterainokoa den, nahiz eta hasiera batean larriagoa ematen zuen.
Zorigaiztoko amaiera Alavesentzat Valentzian (3-2)
Talde babazorroak bi aldiz hartu du aurrea markagailuan, baina penalti batek eta Pacheco eta Guevararen kaleratze bikoitzak amaierarik txarrena eragin dute.
Cadizek kargutik kendu du Gaizka Garitano
Klubaren dinamika txarraren eta azken sailkatuaren aurkako porrotaren ondoren, klubak Derioko entrenatzailea baztertzea erabaki du.