Fleche Wallonne, PAOK vs Bilbao Basket finala eta Alaves-Reala derbia, zuzenean, eitb.eus-en eta ETB1en
Apirilaren 23a, asteazkena, kirol emanaldiz beteta dator, EITB Median Fleche Wallonne lasterketa, Bilbao Basketek Salonikan PAOKen kontra jokatuko duen Europa Kopako finala eta EA Sports Ligako Alaves-Reala derbia emango baititugu, zuzenean.
Arratsaldeari hasiera emateko, Fleche Wallone izango duzu ikusgai, 14:00etatik aurrera, eitb.eus-en. Telebistan ere, 14:00etan hasiko da emanaldia, ETB4n; ondoren, 15:05etik aurrera, ETB1en jarraitu ahalko duzu lasterketaren azken txanpa.
Bilbao Basketek Europa Kopako titulua izango du jokoan PAOKen kontra. Bilboko taldeak zazpi puntuko abantaila lortu zuen joaneko neurketan. 19:00etan saio berezia izango duzu ikusgai eitb.eus-en eta ETB1en, eta 19:15etik aurrera partida emango dugu zuzen-zuzenean.
Horrez gain, 21:30ean, hitzordua dugu Mendizorrotzan. Alavesek eta Realak EA Sports Ligako 33. jardunaldiko derbia jokatuko baitute. Alaves vs Reala norgehiagoka ere zuzenean emango dute eitb.eus-ek eta ETB1ek.
Zure interesekoa izan daiteke
Juan Cruzek ez du Osasunan jarraituko
Atzelariak sei denboraldi eman ditu Nafarroako klubean; Elxetik iritsi zen bertara. 164 partida jokatu ditu talde gorritxoan: “Bere lehen denboralditik, taldekideen eta zaleen errespetua eta maitasuna bereganatu zituen, eta balioak defendatzen jakin izan du”, nabarmendu du Iruñeko klubak.
FIFAk ofizial egin du Iranek Tijuanan egingo duela Mundu Txapelketako egonaldia
Irango kontzentrazio-lekua aldatuko duela iragarri du erakundeak, AEBetako bisekin arazoak saihesteko.
Alavesek 2029ra arte berritu dio kontratua Sergio Fernandezi
Klub babazorroak astearte honetan iragarritakoaren arabera, kirol zuzendariak beste hiru denboraldiz luzatu du erakundearekin duen lotura.
Alessio Liscik Osasunako entrenatzailea izateari utzi dio
Nafarroako klubak astelehenean iragarri du italiarrak ez duela jarraituko taldea zuzentzen; Liscik beste urtebeterako kontratua zuen, Osasunarekin.
Zer egin behar du Eibarrek igoerako play-offerako sailkatu ahal izateko?
Beñat San Joseren taldeak, 41. jardunaldian 2-0eko emaitzarekin Kordoba garaitu zuenak, EA Sports Ligara igoerako play-offa jokatzeko aukerak dituela du, baina ez dago soilik bere esku: SkyFi Castalian irabazi beharko du, eta Burgosek El Plantio zelaian Andorraren aurka punturik ez lortzea behar du.
Caleta-Carrek eta Wesleyk ez dute Realean jarraituko
Kroaziako atzelaria Olympique Lyonera (Frantzia) itzuliko da, eta aurrelari brasildarra Saudi Arabiako Al-Nassr taldera. Caleta-Car hasierako hamaikakoetan izan da denboraldiaren zati handi batean; Wesleyk, aldiz, minutu gutxi batzuk besterik ez ditu jokatu.
Simon, Zubimendi, Merino, Oyarzabal eta Nico Williams, Munduko Txapelketara
Luis de la Fuente Espainiako hautatzaileak bost euskal jokalariak sartu ditu Munduko futbol Txapelketarako zerrendan; hori Estatu Batuetan, Mexikon eta Kanadan jokatuko dute, ekainaren 11tik uztailaren 19ra bitartean. De la Fuentek, halaber, Jon Martin eta Turrientes ere deitu ditu, entrenamenduetako lehen asterako.
Deportivok lehen mailara igotzea lortu du, zortzi urteren ostean
Zaragozak, Huescak eta Cultural Leonesak, ostera, Lehen RFEF mailan jokatuko dute datorren denboraldian.
Eibarrek garaipena lortu du Kordobaren aurka, eta dena azken jardunaldian erabakiko da (2-0)
Armaginek ez dute igoera euren esku bakarrik, aurretik dituztelako Castello eta Burgos, bi puntuko aldearekin.
Realak Espanyolen aurka berdindu du (1-1), eta Alavesek eta Athleticek galdu egin dute, Rayo Vallecanoren eta Real Madrilen kontra (1-2 eta 4-2)
RCDE Stadiumen, Oskarssonek aurretik jarri du Reala, eta Espanyolek bigarren zatian parekatu du markagailua; Mendizorrotzan, Toni Martinezek 1-0ekoa sartu du, baina Rayo Vallecanok, partidako azken hogei minutuetan, markagailua irauli du; eta Bernabeun, Guruzetak eta Izetak egin dituzte Athleticen golak, baina Real Madrilek lau lortu ditu.