Bidezko berdinketa, Eibarren eta Realaren arteko derbian (1-1)
Eibarrek eta Realak bana egin dute Ipuruan jokatutako F Ligako 12. jardunaldiko partidan.
Lehen gol aukera Realak izan du, 3. minutuan, Mirari Uriak egindako jaurtiketa batean, baina baloiak langa jo du. Bi minutu geroago, Nerea Eizagirrek ere gora bota du areaz kanpotik egindako jaurtiketa.
16. minutuan, epaileak penalti adierazi du etxeko taldearen alde; penalti argia, Manuela Vanegasek Ane Campos lurrera bota baitu area barruan. Andrea Alvarezek jaurti du, eta bere taldea aurretik jarri du markagailuan. Eskuineko hankarekin egin du jaurtiketa, ate erdira.
Donostiako taldeak aurrerapausoa eman du orduan, eta horren ahaleginak saria eman dio, Amaiur Sarriegik atsedenaldiaren atarian gola egin baitu. Jokalari txuri-urdinak buruz egindako errematea etxekoen atean sartu da, Eibar taldeko atezainaren irteera kaskarra aprobetxatuz.
Atsedenaldiaren ostean, Eibar bigarren gola sartzear izan da, Andrea Alvarezen bitartez, baina armaginaren erremateak langa jo du.
Realak aukerak izan ditu 55. minutuan eta 56.ean, Lavoguezen eta Eizagirreren bitartez, baina Eunate Astralaga atezaina oso seguru aritu da atepean.
Etengabeko euriak zelaiko baldintzak kaskartu ditu, eta jokalariek oso zail izan dute baloiarekin aurrera egitea.
Franssiren aukera
69. minutuan, Sanni Franssik areaz kanpotik jaurti du, baina errematea gehiegi gurutzatu du eta baloia kanpora joan da, gutxigatik.
Sanchez Veraren taldea nagusi izan da hurrengo minutuetan, baina Eibarrek ondo eutsi die txuri-urdinen saiakerei. Azkenean, puntu bana Eibar eta Realarentzat, derbi bizi eta borrokatua jokatuta.
Zure interesekoa izan daiteke
Alavesek galdu egin du Real Madrilen aurka (1-2)
Mbappek lehen gola sartu eta Carlos Vicentek partida berdindu du, baina Rodrygoren golak garaipena eman die madrildarrei.
Carlos Vicente: "Partidua irabazi genezakeela uste dut"
Alaveseko jokalariak EA Sports Ligako 16. jardunaldian Real Madrilen aurka jasotako porrotaz (1-2) hitz egin du. Taldeak azken unera arte borrokatu duela azpimarratu du, eta bere golaren ostean Mendizorrotzan partida irabazteko aukerak izan dituztela.
Aitor Paredes: "Partida honetatik gauza asko ikasi eta hobetu behar ditugu"
Athleticek porrota jaso du Celtaren aurka (2-0) Balaidosen. Zuri-gorriek partida irabazi behar zuten goiko postuetan finkatu nahi bazuten, baina ez dute lortu. Hau da Aitor Paredesek kontatu diguna.
Oviedok Luis Carrion kargutik kendu du Sevillan jipoia jaso ondoren
Carrion urrian itzuli zen Oviedora, Veljko Paunovicen ordez.
Athleticek estropezu egin du Balaidosen (2-0)
Swedberg eta El-Abdellaouiren golek eta Nico Williamsek huts egindako penaltiak Athleticen porrota eragin dute.
Txuri-urdinen erakustaldia Zubietan Deportivoren aurka (3-0)
Realak 3-0 irabazi dio Deportivori Zubietan jokatu den F Moeve Ligako 14. jardunaldiko partida. Txuri-urdinak nagusi izan dira hasieratik, jokoan zein aukeretan. Lucia Pardoren, Emma Ramirezen eta Klara Cahynovaren golek, etxeko taldearen nagusitasuna islatzeaz gain, 3 puntuak etxean geratzea ekarri dute.
Sanse jaitsieratik atera da Deportivo jipoituta (0-3)
Etxetik kanpo lortutako lehen garaipenean, talde txuri-urdinak partida osoa jokatu du azken postuetatik ateratzeko.
Athleticek talentu gazteari esker lortu du garaipena
Athleticek 0-2 irabazi dio Madrid CFFri, Liga F Moeveko 14. jardunaldian, Fernando Torres zelaian jokatutako neurketan. Elene Gurtubayk ireki du markagailua, eta Daniela Agotek sartu du bigarren gola partidako emaitza itxiz. Garaipen honi esker, Athletic sailkapenaren erdialdetik gora kokatu da.
Lisci: "Tokatzen zen partida egin dugu; taldeak partida bikaina egin du, eskatu diedan ia guztia egin dute"
Osasunak 2-0 galdu du Bartzelonaren aurka Spotify Camp Noun. Partidaren ondoren, Alessio Liscik adierazi du taldea ondo aritu dela, akats batzuk tarteko, baina eskatutakoa bete dutela.
Osasunaren harresiak ez dio Bartzelonaren erasoari eutsi (2-0)
Gorritxoek dena eman dute defentsan euren areara etengabe hurbildu den talde baten aurka, Raphinhak garaipenaren bi golak sartu dituen arte.