Athletic eta Alaves, hiru puntuen bila selekzioen etenaldiaren aurretik
Athleticek eta Alavesek larunbatean, martxoak 16, jokatuko dute EA Sports Ligako 29. jardunaldiko euskal derbia. Zuri-gorriek bi puntura dituzte Txapeldunen Ligako postuak, eta irabaziz gero, behin-behinean Atletico Madril aurreratuko lukete. Babazorroek jarraipena eman nahi diote 2024. urteko bolada onari, sailkapenean beste jauzi bat emateko. Neurketa San Mamesen jokatuko da, 21:00etan.
Bilbon, Errege Kopako finaleko sarreren zozketak markatu du astea. Mallorcaren aurkako Kopako finala begiz jota izan arren, Ernesto Valverderen taldea Txapeldunen Ligako postuetara hurbiltzen saiatuko da. Las Palmasen aurka garaipena lortu ondoren, bosgarren postuan dira, 53 punturekin.
Larunbateko hitzordurako, etxekoek Yuriren eta Ander Herreraren bajak izango dituzte, lesionatuta baitaude, eta baita Paredesena ere. Sancetek zaintiratua izan zuen, eta guztiz sendatu gabe dago; beraz, hori ere zalantzan dago.
Aste honetan, Luis de la Fuentek Espainiako selekzioko jokalarien deialdia kaleratu du, eta Athleticeko lau jokalari ageri dira bertan: Unai Simon, Dani Vivian, Oihan Sancet eta Nico Williams. Bestalde, Unai Gomezek Santi Deniaren deia jaso du Eslovakia eta Belgikaren aurkako partidak jokatzeko, 21 urtez azpikoarekin.
Bestalde, babazorroak jaitsierako postuetatik hamar puntura iritsi dira partidara, azken neurketan Rayo Vallecano mendean hartu ostean, Gorosabelen gol bati esker.
Luis Garcia Plazaren taldea 13. postuan dago, 32 puntu dituela. Entrenatzaile madrildarrak jokalari guztiak prest izango ditu derbirako, Aleksandar Sedlar izan ezik.
Arabako taldean, bost jokalarik jaso dute beren selekzioekin jokatzeko deia: Javi Lopez, Samu Omorodion eta Rafa Marin Espainiako 21 urtez azpiko selekzioarekin arituko da, Ianis Hagi Errumaniarekin eta Abdel Abqar Marokorekin.
Gainera, bi teknikariak Jagoba Arrasatek Uruguairen aurkako lagunarteko partidarako Euskal Selekzioaren deialdiaren zain egongo dira asteburu horretarako.
Denboraldi honetako bi norgehiagokak Athleticen aldeko emaitzarekin amaitu dira: 0-2 Ligan, Mendizorrotzan, eta 2-0 Kopan, San Mamesen.
Zure interesekoa izan daiteke
Antonio Siverak 2030era arte jarraituko du Alavesen
Kontratua berrituta, Alaveseko kapitainak hamargarren denboraldia jokatuko du Gasteizen.
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.
Ramis, LaLigako egutegiarekin haserre: “Ez dakit lehen jardunaldia edo bigarrena ikusten ari naizen, ez da normala"
Osasunako entrenatzailea etsita agertu da Osasunak Levanteren aurka jokatuko duen partidaren atarian, LaLigako lehen bi jardunaldiekin dagoen nahasmenarekin. Talde batzuek bi partida jokatu dituzte jada, Osasunak bat ere ez, eta astebetean hiru jokatu beharko ditu.
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
FIFAk 10 partidako zigorra jarri dio Paredes argentinarrari Munduko Txapelketako finalaren osteko istiluengatik
Futboleko erakunde goreneko Diziplina Batzordeak isunak eta zigorrak iragarri ditu liskarrean parte hartu zutenentzat. Paredes ez ezik, Nahuel Molina, Thiago Almada, Gavi, Roberto Ayala eta Argentinako Futbol Elkartea (AFA) ere zigortu dituzte.
Kumba Brima aurrelaria Alavesen arituko da 2026-2027 denboraldian
Futbolari sierraleonarrak Rigak utzita jokatuko du euskal taldean; Baltikoko Ligan, goleatzailerik onena izan da. 24 urtekoa jokalariak “indarra, gaitasun fisikoa eta arean trebetasuna” ditu, Alavesen arabera.