Realak urriaren 21ean jokatuko du Mallorcaren aurka, Reale Arenan, urriaren 24an Lisboan aritu aurretik
EA Sports Ligako 10. jardunaldiko Reala-Mallorca partida urriaren 21ean jokatuko dute, larunbatez, 14:00etan, Reale Arenan, Ligak astelehenean iragarri duenez. Realak, horrenbestez, bi atseden egun izango ditu urriaren 24an (asteartea) Lisboan Benficaren aurka Txapeldunen Ligan jokatu baino lehen; Benfica eta Realaren arteko partida Txapeldunen Ligako multzoen faseko hirugarren jardunaldiari dagokio. EA Sports Ligako 10. jardunaldia Sadarren hasiko da urriaren 21ean, ostiralez: Osasunak Granada jasoko du. Vila-real-Alaves eta Bartzelona-Athletic neurketak, ordea, urriaren 22rako daude aurreikusita, iganderako; 18:30ean hasiko da Alavesen neurketa, eta 21:00etan, aldiz, Athleticek jokatu beharrekoa.
Hala, Reala (denboraldi honetan Europako txapelketaren bat jokatuko duen euskal talde bakarra) Valentziaren aurka arituko da Mestallan, asteazkenean, 21:30ean; gero, Athletic hartuko du etxean hilaren 30ean, larunbatean, 21:00etan; jarraian, Salzburgo izango du aurkari Txapeldunen Ligan, urriaren 3an, 18:45ean, etxetik kanpo; Madril aldera joango da ondoren, urriaren 8an, igandean, 16:15ean, Atletico Madrilen kontra aritzeko, eta urriaren 21ean, larunbatean, Mallorca hartuko du etxean, 14:00etan. Azkenik, Benfica-Reala Txapeldunen Ligako neurketa urriaren 24an izango da, asteartean, 21:00etan.
Egun, EA Sports Ligako sailkapenean, Athletic da ondoen sailkatuta dagoen euskal taldea; izan ere, Valverderen mutilak 4. postuan daude, 13 puntu dituztela, Bartzelona liderrak baino hiru gutxiago. Zuri-gorriek asteazkenean jokatuko dute berriro, Getaferen aurka, San Mamesen, 19:00etan, eta, esan bezala, larunbatean Reala-Athletic derbia izango da. Jarraian, Athleticek Almeriaren bisita jasoko du, urriaren 6an, ostiralean, 21:00etan, eta urriaren 22an arituko dira Bartzelonako Lluis Companys estadio olinpikoan, 21:00etan.
Osasuna, berriz, sailkapeneko 11. postuan dago une honetan, 7 puntu dituela. Ostegunean, urriaren 28an, Iruñean jokatuko dute gorritxoek, 21:30ean, Atletico Madrilen aurka; urriaren 1ean, igandean, 16:15ean, Alaves-Osasuna euskal derbia jokatuko dute Mendizorrotzan. Horren ostean, Jagoba Arrasateren gizonak Madrilera joango dira; urriaren 7an, larunbatean, Real Madrilen kontra arituko dira Santiago Bernabeun, 16:15ean. Ondoren, Osasuna-Granada partida urriaren 20an jokatuko dute, ostiralean, 21:00etan.
Alaves 14. tokian dago Ligan, 6 puntu dituela, eta ostegunean ekingo dio berriro lehiari, Abanca-Balaidos futbol zelaian, Celta aurkari, 19:00etan. Igandean, berriz, etxeko talde gisa, Luis Garcia Plazaren gizonak Osasunaren aurka arituko dira nor baino nor gehiago, euskal derbian. Urriaren 8an, igandean, Mendizorrotzan berriro ere, 18:30ean, Betis izango du aurkari Alavesek; bi asteren geroago, hilaren 22an, Vila-real izango du aurkari, Zeramikaren zelaian, 18:30ean.
Halaber, LaLigak iragarri du Amorebieta eta Eibar taldeek urriaren 21ean, larunbatean, jokatuko dutela Hypermotion Ligako 12. jardunaldiko partida. Hain zuzen ere, Amorebieta-Oviedo partida 16:15ean hasiko da Lezaman, eta Zaragoza-Eibar neurketa, ordea, 21:00etan hasita jokatuko dute Romareda futbol zelaian.
EA Sports Liga: euskal taldeen hurrengo partidak
7. jardunaldia
Athletic-Getafe, irailaren 27an, asteazkenean, 19:00etan.
Valentzia-Reala, irailaren 27an, asteazkenean, 21:30ean.
Celta-Alaves, irailaren 28an, ostegunean, 19:00etan.
Osasuna-Atletico Madril, irailaren 28an, ostegunean, 21:30ean.
8. jardunaldia
Reala-Athletic, irailaren 30ean, larunbatean, 21:00etan.
Alaves-Osasuna, urriaren 1ean, igandean, 16:15ean.
9. jardunaldia
Athletic-Almeria, urriaren 6an, ostiralean, 21:00etan.
Real Madril-Osasuna, urriaren 7an, larunbatean, 16:15ean.
Atletico Madril-Reala, urriaren 8an, igandean, 16:15ean.
Alaves-Betis, urriaren 8an, igandean, 18:30ean.
10. jardunaldia
Osasuna-Granada, urriaren 20an, ostiralean, 21:00etan.
Reala-Mallorca, urriaren 21ean, larunbatean, 14:00etan.
Vila-real-Alaves, urriaren 22an, igandean, 18:30ean.
Bartzelona-Athletic, urriaren 22an, igandean, 21:00etan.
Zure interesekoa izan daiteke
Athleticek ederki defendatu eta puntu bat bildu du Europako txapeldunaren aurka (0-0)
Unai Simon ikusgarri batek PSG geldiarazi du San Mamesen, eta, horri esker, talde zuri-gorriak meritu handiko puntua lortu du.
Laportek giharretako lesio "larria" du, eta 2026ra arte ez du berriro jokatuko
Diagnostiko honekin, atzelariak Valverderen taldeari urtea bukatzeko geratzen zaizkion lau neurketak galduko ditu, Txapeldunen Ligakoa PSGren aurka, Ligako biak, Celta eta Espanyolen kontra, eta Kopako kanporaketa Ourenseren aurka.
Asier Villalibre: "Beste Asier bat sentitzen naiz"
Asier Villalibre Racingeko jokalaria Racing taldean jokatzen ari da aurten, Athleticen eta Alavesen aritu ostean. Oso gustura dagoela azpimarratu du, betiko Asier sentitzen dela berresteaz gain.
Euskal taldeen norgehiagoken ordutegiak Kopako final-hamaseirenetan
Eibarrek eta Realak abenduaren 16an, asteartean, jokatuko dute, Alavesek eta Osasunak 17an, asteazkenean, eta Athleticek 18an, ostegunean.
Yuri Berchiche: ''Niretzat PSGren aurkako partida oso berezia izango da''
"Egin behar dugunaren adibiderik onena Atleticoren aurkako larunbateko partida da. Hori da denok ikusi nahi dugun Athletic. Horrela zelairatzen bagara, partida irabazteko aukera gehiago izango ditugu", azpimarratu du atzelariak San Mamesen eskaini zuen prentsaurrekoan.
_945_?fmt=webp-alpha&qlt=80)
''Eldenseren aurkako partida oso zaila izanen da, asko sufritzen da; partida serio bat egitera joanen gara''
Realak Eldenseren aurka jokatuko du Errege Kopako kanporaketa. Jon Karrikaburuk badaki zer den Pepico Amat Berrian jokatzea eta berarekin egon gara bere erreakzioa ezagutzeko.
Alaves-Sevilla, Eibar-Elx, Huesca-Osasuna, Eldense-Reala eta Ourense-Athletic, Kopako final-hamaseirenetan
Kanporaketak, partida bakarrean, abenduaren 16an, 17an edo 18an jokatuko dituzte.
Iñigo Argibide: ''Amets bat izan da titularra izatea, eta gainera, irabazi dugu''
Iñigo Argibide Osasunako jokalaria pozik agertu da Levanteri irabazi ostean. Titular izatea amets bat izan dela berretsi du, berriz errepikatzea espero duela esateaz gain.
Aymeric Laportek gihar lesioa du, eta partida batzuk emango ditu jokatu ezinik
Athleticeko atzelariak, larunbatean, talde zuri-gorriak Atletico Madrilen aurka jokatu zuen partidan, berdegunea utzi behar izan zuen. Aitor Paredes zigortuta dagoela, Ernesto Valverdek soilik erdiko atzelari bat du Paris Saint-Germainen aurkako neurketarako.
Hirugarren porrota jarraian jaso du Eibarrek (1-2)
Bigarren zati osoan zehar Eibar partidaren agintea hartzen saiatu da markagailuari buelta emateko, baina ez da posible izan eta hirugarren porrota jarraian jaso du.