Megan Rapinoek agur esan dio AEBko selekzioari; urrian, futbol profesionala utziko du
Megan Rapinoe futbolariak Ameriketako Estatu Batuetako selekzioarekin azken partida jokatu du igandean (Euskal Herriko goizaldean), urrian futbol profesionalari agur esan aurretik. Rapinoek, OL Reign taldeko futbolaria eta 38 urtekoa bera, bi Munduko Txapelketa irabazi ditu bere selekzioarekin, 2015ean eta 2019an, bai eta 2012ko Olinpiar Jokoetako urrezko domina ere; guztira, internazional gisa, 203 neurketa jokatu ditu, eta 63 gol sartu.
Hala, Megan Rapinoe Chicagon zelairatu da azkenengoz AEBko selekzioarekin, Hegoafrika aurkari. Etxeko taldea 2-0 gailendu da, eta futbolari mitikoa hasierako hamaikakoan irten da; 54. minutuan utzi du berdegunea, eta txalo zaparrada handia eman diote futbol zelaian zeuden 25.622 ikusleek.
"Ohore handia izan da elastiko hau janztea, jokalari ikusgarri hauekin guztiekin jokatzea, eta haurtzaroko ametsa gauzatzea, kasualitatez, munduaren aurrean", adierazi du Rapinoek, partida amaituta. Futbolariak 2006an egin zuen debuta, selekzioarekin.
Ameriketako Estatu Batuekin lortutako titulu handiez gain, Megan Rapinoek, 2019an, FIFAko The Best saria eta Urrezko Baloia jaso zituen.
Futbolariak urriaren 15ean utziko du behin betiko futbol profesionala, hau da, NWSL Liga amaitzen denean; OL Reign taldeari hiru partida gelditzen zaizkio, eta egun sailkapeneko bosgarren postuan dabil. Uztailean, Australiako eta Zeelanda Berriko Munduko Txapelketa jokatu baino lehen, Rapinoek iragarri zuen 2023ko denboraldia bukatuta hartuko zuela erretiroa.
Zure interesekoa izan daiteke
Alavesek 2029ra arte berritu dio kontratua Sergio Fernandezi
Klub babazorroak astearte honetan iragarritakoaren arabera, kirol zuzendariak beste hiru denboraldiz luzatu du erakundearekin duen lotura.
Alessio Liscik Osasunako entrenatzailea izateari utzi dio
Nafarroako klubak astelehenean iragarri du italiarrak ez duela jarraituko taldea zuzentzen; Liscik beste urtebeterako kontratua zuen, Osasunarekin.
Eibarrek Castelloren zelaian irabazi eta Burgosek Andorraren aurka galtzea behar du, igoerarako play-offa jokatzeko
Beñat San Joseren taldeak, 41. jardunaldian 2-0eko emaitzarekin Kordoba garaitu zuenak, EA Sports Ligara igoerako play-offa jokatzeko aukerak dituela du, baina ez dago soilik bere esku: SkyFi Castalian irabazi beharko du, eta Burgosek El Plantio zelaian Andorraren aurka punturik ez lortzea behar du.
Caleta-Carrek eta Wesleyk ez dute Realean jarraituko
Kroaziako atzelaria Olympique Lyonera (Frantzia) itzuliko da, eta aurrelari brasildarra Saudi Arabiako Al-Nassr taldera. Caleta-Car hasierako hamaikakoetan izan da denboraldiaren zati handi batean; Wesleyk, aldiz, minutu gutxi batzuk besterik ez ditu jokatu.
Simon, Zubimendi, Merino, Oyarzabal eta Nico Williams, Munduko Txapelketara
Luis de la Fuente Espainiako hautatzaileak bost euskal jokalariak sartu ditu Munduko futbol Txapelketarako zerrendan; hori Estatu Batuetan, Mexikon eta Kanadan jokatuko dute, ekainaren 11tik uztailaren 16ra bitartean. De la Fuentek, halaber, Jon Martin eta Turrientes ere deitu ditu, entrenamenduetako lehen asterako.
Deportivok lehen mailara igotzea lortu du, zortzi urteren ostean
Zaragozak, Huescak eta Cultural Leonesak, ostera, Lehen RFEF mailan jokatuko dute datorren denboraldian.
Eibarrek garaipena lortu du Kordobaren aurka, eta dena azken jardunaldian erabakiko da (2-0)
Armaginek ez dute igoera euren esku bakarrik, aurretik dituztelako Castello eta Burgos, bi puntuko aldearekin.
Realak Espanyolen aurka berdindu du (1-1), eta Alavesek eta Athleticek galdu egin dute, Rayo Vallecanoren eta Real Madrilen kontra (1-2 eta 4-2)
RCDE Stadiumen, Oskarssonek aurretik jarri du Reala, eta Espanyolek bigarren zatian parekatu du markagailua; Mendizorrotzan, Toni Martinezek 1-0ekoa sartu du, baina Rayo Vallecanok, partidako azken hogei minutuetan, markagailua irauli du; eta Bernabeun, Guruzetak eta Izetak egin dituzte Athleticen golak, baina Real Madrilek lau lortu ditu.
Catena: “Ez da izan espero genuen bezala, ezta nahi genuen bezala ere, baina Lehen Mailan gaude"
Osasunako jokalariak salbazioa lortu ondoren hitz egin du, nahiz eta Getaferen aurka galdu (1-0) EA Sports Ligako azken jardunaldian. Kritiko agertu da denboraldi amaieragatik, batez ere atzetik datozenei eragindako "sufrimenduagatik".
Osasunak galdu egin du Getaferen aurka, baina Lehen Mailan jarraituko du (1-0)
Porrotaren ondoren, aurkari zuzenen emaitzen zain geratu dira. Gironaren eta Elxeren arteko berdinketak mesede egin dio talde nafarrari, horri esker beste urtebetez Lehen Mailan jarraituko baitu.