Europa-Eibar, Fundacion Tenerife-Osasuna eta Bizkerre-Rayo Vallecano, Erreginaren Kopako lehen kanporaketan
Astearte honetan zozkatu dira 2023-24 denboraldiko Erreginaren Kopako lehen kanporaketako partidak. Federazioko Lehen, Bigarren eta Hirugarren mailako taldeak arituko dira bertan, baita Eibar eta Granada ere, aurreko denboraldian F Ligara igo ziren bi taldeak, hain zuzen ere.
Zozketak ondorengo kanporaketak ekarri ditu euskal ordezkarientzat: Europa-Eibar, Fundacion Tenerife-Osasuna eta Bizkerre-Rayo Vallecano.
Horrela, armaginek Bartzelonara bidaiatuko dute Club Esportiu Europa (Federazioko 1. Maila) taldearen aurka jokatzeko Nou Sardenya zelaian. Gorritxoek, bestalde, Kanariar Uharteetarako hegaldia hartuko dute Fundación Canaria Club Deportivo Teneriferi aurre egiteko (Federazioko 3. Maila, 6. multzoa). Azkenik, Bizkerre Getxoko taldeak (Federazioko 2. Maila, 1. multzoa) Rayo Vallecanoren bisita jasoko du.
Kanporaketak partida bakarrera jokatuko dira, irailaren 12, 13 eta 14an, eta maila txikieneko taldeak arituko dira etxeko talde gisa. Maila bereko bi talde hartuko dituzten kanporaketetan (Bizkerre-Rayo Vallecano norgehiagokaren kasua), zozketan aurretik atera den bolatxoak zehaztu du nork jokatuko duen bere zelaian.
Kanporaketa guztiak:
Huesca-Espanyol
Zaragoza-Cacereño
Viajes Interrias-Alba Fundacion
Balears-Deportivo Coruña
Sardoma-AEM
Racing-Granada
Pradejon-Oviedo
Parquesol-Kordoba
Bizkerre-Rayo Vallecano
Torrelodones-Juan Grande
Getafe-DUX Logroño
Europa-Eibar
Fundacion Tenerife-Osasuna
Almeria-La Solana Quesos La Casota
Albacete-Real Union Tenerife
Peluqueria Mixta Friol-Malaga
Zure interesekoa izan daiteke
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Mikel Merinok aurrera egiteko gola eman dio berriz Espainiari (2-1)
Aulkitik sartu eta berehala, jokalari iruindarrak azken minutuetan sartutako golak garaipena eman dio bere taldeari Belgikaren aurka eta finalerdietarako txartela.
Realak Sonya Keefe fitxatu du 2027-2028 denboraldira arte
Aurrelari txiletarra Granadatik ailegatu da Zubietara, bertan 11 gol sartu zituen iragan denboraldian.
Koskik 2031ra arte jarraituko du Alavesen
Alavesek Ville Koski aurkeztu du Mendizorrotzan. Duela gutxi egin zuen ofizial hurrengo bost denboraldietarako fitxatu zuela. Erdiko atzelari finlandiarra neguan iritsi zen, eta ordutik ligan soilik 5 neurketa jokatu bazituen ere, emandako maila ona ikusita, talde babazorroak 2031ra arte sinatzea erabaki du.
Ramisen agindupean ekin dio Osasunak lanari
Osasuna ere jarri da martxan denboraldi berriari begira. Osasun azterketak burutu ondoren, lehen lan saioa egin dute Taxoaren. Lan saio arina izan da, Luis Miguel Ramis entrenatzaile berria, pixkanaka, jokalariak ezagutzen joateko. Sanferminak izan arren, hainbat zale gerturatu dira.
Eibarrek Pejiño eta Imanol García de Albeniz aurkeztu ditu
Eibarrek Pejiño eta Imanol Garcia de Albeniz fitxaketa berriak aurkeztu ditu. Gallartakoak ondo ezagutzen du Eibar, utzita aritu baitzen eta berriro dator atzeko lerroa indartzera. Pejiñok, aldiz, metro batzuk aurrerago, erasoan jokatzen du, eta azken metroetan jokalari erabakigarria izateko fitxatu du Eibarrek.
Mbappek eta Dembelek Frantzia finalerdietan jarri dute (2-0)
Bonok penaltia gelditu dio Mbapperi lehen zatian, baina aurrelari frantziarrak mendekua hartu du atsedenaldiaren ostean, munduko txapelketa honetan sartutako zortzigarren golarekin. Ondoren, Dembelek garaipena ziurtatu du, bere bosgarren golarekin.
Realak OL Lyonnesen aurka jokatuko du lagunartekoa
Abuztuaren 8an, 11:00etan, Groupama OL Training Center kirol instalakuntzetan jokatuko dute Txapeldunen Liga zortzi aldiz irabazi duen taldearen aurka.
Eibarrek denboraldiaurrea hasi du Areition
Eibarrek gaur ekin dio denboraldiaurreari Areition, Jokin Aranbarri entrenatzaile berriaren eskutik. Gaur estreinatu dituzte lehen taldearen instalazio berriak. Guztira, lehen taldeko 22 jokalarik lan egin dute, eta bigarren taldeko 6 jokalari batu zaizkie. Ivan Gil bakarrik falta izan da.
Sanse lanera bueltatu da Zubietan
Sanse denboraldi berria prestatzen hasi da. Jon Ansotegik 24 jokalari izan ditu bere aginduetara lehen entrenamenduan, jokalari asko lehen taldearekin lanean ari direlako eta Dario Ramirez Nasticera joan delako. Liga abuztuaren 16an Castelloren aurka hasi aurretik, txuri-urdinek bost lagunarteko jokatuko dituzte.