Andoni Iraolak Bournemouth talde ingelesa entrenatuko du, 2025era arte
Andoni Iraolak Ingalaterrako Bournemouth taldea zuzenduko du datozen bi denboraldietan, klubak berak aditzera emandakoaren arabera.
"Pozik gaude Andoni Iraolak kluba hurrengo bi denboraldietan zuzenduko duela iragarri behar dugulako", adierazi dute Bournemoutheko arduradunek komunikatu batean.
Iraolak Rayo Vallecano utzi berri du; bertan hiru urte eman ditu entrenatzaile lanetan, eta ez du madrildarrekin kontratua luzatu. Ibilbide arrakastatsua egin du Vallecasen, eta aurten Madrilgo taldeak 11. amaitu du Santander ligako sailkapenenean.
Euskal entrenatzaileak Lehen Mailara igo zuen Rayo 2019-20 denboraldian. Gainera, taldea Europan sartzear izan da zenbait alditan, eta 2021-22 denboraldian Errege Kopako finalerdietara iritsi zen. Talde sendoa egin zuen gipuzkoarrak, eta Bartzelona, Real Madril eta Atletico Madril taldeei irabazteko gai izan zen.
Aurretik, Iraolak Mirandes entrenatu zuen, Bigarren Mailan, eta Errege Kopako finalerdiak jokatu zituzten, bigarrenez klubaren historian. Entrenatu zuen lehen taldea Zipreko AEK Larnaca izan zen, eta Europa Ligako multzoen fasean sartu zuen.
Jokalari moduan, Iraolak 551 partida jokatu zituen Athleticekin eta New York Cityrekin. Orain, Bournemouth entrenatuko du, Gary O'Neil entrenatzailearen lekukoa hartuz. O'Neilen eskutik, taldeak 15. postuan amaitu du Premier Leaguen.
Denboraldiaurrea
Iraola uztailean hasiko da bere talde berriarekin denboraldiaurrea prestatzen, klubak berak baieztatu duenez. Hibernian eta Makabi Tel Aviv izango dira bere lehen bi aurkariak, uztailaren 13an eta 16an jokatuko dituen lagunarteko partidetan. Ondoren, hilaren amaieran, Atalanta eta FC Lorient hartuko dituzte etxean.
Zure interesekoa izan daiteke
Laportek giharretako lesio "larria" du, eta 2026ra arte ez du berriro jokatuko
Diagnostiko honekin, atzelariak Valverderen taldeari urtea bukatzeko geratzen zaizkion lau neurketak galduko ditu, Txapeldunen Ligakoa PSGren aurka, Ligako biak, Celta eta Espanyolen kontra, eta Kopako kanporaketa Ourenseren aurka.
Asier Villalibre: "Beste Asier bat sentitzen naiz"
Asier Villalibre Racingeko jokalaria Racing taldean jokatzen ari da aurten, Athleticen eta Alavesen aritu ostean. Oso gustura dagoela azpimarratu du, betiko Asier sentitzen dela berresteaz gain.
Euskal taldeen norgehiagoken ordutegiak Kopako final-hamaseirenetan
Eibarrek eta Realak abenduaren 16an, asteartean, jokatuko dute, Alavesek eta Osasunak 17an, asteazkenean, eta Athleticek 18an, ostegunean.
Yuri Berchiche: ''Niretzat PSGren aurkako partida oso berezia izango da''
"Egin behar dugunaren adibiderik onena Atleticoren aurkako larunbateko partida da. Hori da denok ikusi nahi dugun Athletic. Horrela zelairatzen bagara, partida irabazteko aukera gehiago izango ditugu", azpimarratu du atzelariak San Mamesen eskaini zuen prentsaurrekoan.
_945_?fmt=webp-alpha&qlt=80)
''Eldenseren aurkako partida oso zaila izanen da, asko sufritzen da; partida serio bat egitera joanen gara''
Realak Eldenseren aurka jokatuko du Errege Kopako kanporaketa. Jon Karrikaburuk badaki zer den Pepico Amat Berrian jokatzea eta berarekin egon gara bere erreakzioa ezagutzeko.
Alaves-Sevilla, Eibar-Elx, Huesca-Osasuna, Eldense-Reala eta Ourense-Athletic, Kopako final-hamaseirenetan
Kanporaketak, partida bakarrean, abenduaren 16an, 17an edo 18an jokatuko dituzte.
Iñigo Argibide: ''Amets bat izan da titularra izatea, eta gainera, irabazi dugu''
Iñigo Argibide Osasunako jokalaria pozik agertu da Levanteri irabazi ostean. Titular izatea amets bat izan dela berretsi du, berriz errepikatzea espero duela esateaz gain.
Aymeric Laportek gihar lesioa du, eta partida batzuk emango ditu jokatu ezinik
Athleticeko atzelariak, larunbatean, talde zuri-gorriak Atletico Madrilen aurka jokatu zuen partidan, berdegunea utzi behar izan zuen. Aitor Paredes zigortuta dagoela, Ernesto Valverdek soilik erdiko atzelari bat du Paris Saint-Germainen aurkako neurketarako.
Hirugarren porrota jarraian jaso du Eibarrek (1-2)
Bigarren zati osoan zehar Eibar partidaren agintea hartzen saiatu da markagailuari buelta emateko, baina ez da posible izan eta hirugarren porrota jarraian jaso du.
Altonagaren golak garaipena eman dio Eibarri Logroñon (0-1)
Eibarrek 0-1 gainditu du Logroño F Moeve Ligako 13. jardunaldian. Arene Altonagak sartu du armaginei garaipena eman dien gola.