Osasuna – Athletic Club, Kopako finalerdietan
Errege Kopak azken txanpari ekingo dio, eta, hartara, astelehen honetan lehiaketa horretako finalerdietarako kanporaketak zozketatu dira, eta honako hauek izango dira neurketak:
Martxoak 1, asteazkena: Osasuna – Athletic Club (21:00)
Martxoak 2, osteguna: Real Madril – Bartzelona (21:00)
Apirilak 4, asteartea: Athletic Club – Osasuna (22:00)
Apirilak 5, asteazkena: Bartzelona – Real Madril (22:00)
Azken aurreko txanda honen formatua partida bikoitzera jokatu da, beraz, Sadarrek eta Santiago Bernabeuk joaneko partidak hartuko dituzte, eta San Mamesek eta Spotify Camp Nouk itzulikoak. Real Madrilek Kluben arteko Munduko Txapelketan parte hartuko duenez, eta horrek finalerdietako joaneko kanporaketek hasiera batean izan behar zituzten datei eragiten dienez, Espainiako Futbol Federazioak kanporaketen datak aldatzea erabaki du. Horrela, martxoaren 1ean eta 2an jokatuko dira finalaurreko horien lehen norgehiagokak, eta apirilaren 4an eta 5ean, bigarrenak.
Osasunak Sevilla kanporatu zuen (2-1) final-laurdenetako kanporaketan fase honetara heltzeko, luzapena behar izan zuen partidan. Bestalde, Athleticek Valentzia gainditu zuen (1-3) etxetik kanpo finalerdietara sartzeko.
Kanporaketa honetan, aurkako zelaian sartutako golek ez dute balio bikoitzik izango; horrenbestez, bi taldeek bi neurketak golekin berdinduta amaitzen badute, etxean edo etxetik kanpo sartzen dituzten alde batera utzita, luzapena jokatu beharko dute.
Hiru aurrekari gorritxoen eta zuri-gorrien artean
Gorritxoek eta zuri-gorriek Kopan elkarren aurka jokatzen duten laugarren aldia izango da hau, eta orain arte talde bilbotarraren alde erabaki dira guztiak. Bizkaitarren eta nafarren arteko lehen aurrez aurrekoa 1955-1956 denboraldiko final-laurdenetan izan zen. Orduan, zuri-gorriek 4-1 irabazi zuten San Mamesen jokatutako joanekoan, eta finalerdietara pasa ziren San Juanen bian berdindu ostean.
Dagoeneko desagertuta dagoen Iruñeko zelaian jokatu zen 1960-1961 denboraldiko lehen kanporaketako joaneko partida ere. Osasunak 1-0 irabazi zuen etxean Fusteren golarekin, baina Athleticek markagailua irauli zuen San Mamesen, Zorriketak eta Iturriagak egindako golekin (2-0).
Athleticen eta Osasunaren arteko Kopako azken kanporaketa 2008-2009 denboraldiko final-zortzirenetan izan zen. Sadarren Walter Pandianik eta Fernando Llorentek lortutako berdinketaren ostean, bilbotarrek 2-0eko emaitzarekin lortu zuten txartela 'Katedralean'. Igor Gabilondo eta Ion Velez izan ziren lehia hartako golegileak.
Zure interesekoa izan daiteke
Matarazzo, Kopako finalaz: "Aukera paregabea da"
Realeko entrenatzaileak, asteazkenean, talde txuri-urdinaren informazioaz arduratzen diren kazetariekin gosaldu du; topaketan, Errege Kopako finala izan dute hizpide, batez ere.
Bayernek eta Atleticok kanporaketa bideratu dute, eta Galatasarayk aurrea hartu du
Turkiako taldeak ezustean harrapatu du Liverpool (1-0) kanporaketaren hasieran, Alemaniako taldeak Atalanta jipoitu dute Bergamon (1-6), koltxoneroek 5-2 irabazi diote Tottenhami eta Bartzelonak azken hatsean berdinketa (1-1) lortu du Newcastlen.
Realak 25.680 sarrera izango ditu Errege Kopako finalean
Horietako % 85 Realaren bazkideek jasoko dituzte. Realaren “fanzone” izenekoa, Sevillan, Carlos III.a etorbidean izango da, Cartujako geralekuaren ondoan.
Unai Gomezek ez du lesio larririk, ezker belaunean kolpea besterik ez du
Bermeotarra joan den larunbatean ordezkatu behar izan zuten, Bartzelonaren aurkako partida hasi eta hamar minutura. Astelehen honetan egin dizkioten proba medikoek agerian utzi dute lesioa zenbaterainokoa den, nahiz eta hasiera batean larriagoa ematen zuen.
Zorigaiztoko amaiera Alavesentzat Valentzian (3-2)
Talde babazorroak bi aldiz hartu du aurrea markagailuan, baina penalti batek eta Pacheco eta Guevararen kaleratze bikoitzak amaierarik txarrena eragin dute.
Cadizek kargutik kendu du Gaizka Garitano
Klubaren dinamika txarraren eta azken sailkatuaren aurkako porrotaren ondoren, klubak Derioko entrenatzailea baztertzea erabaki du.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.
Athleticek onera egin du, baina ez da nahikoa izan Bartzelona garaitzeko (0-1)
Zuri-gorriek dena eman dute zelaian, eta beste partida batzuetan falta izan zaien garra ikusi da jokoan, baina, hala ere, ezin izan dute Ligako liderra garaitu.
Realak ezin izan du berdindu Atleticoren jokoa (3-2)
Bi aldiz berdindu dute markagailua, Solerren eta Oyarzabalen golekin, baina Ivan Gonzalezek azken minutuetan sartutako golak punturik gabe utzi ditu txuri-urdinak.
Sansek 4-2 menderatu du Castello Zubietan
Txuri-urdinek Castello garaitu dute etxean partida bizi jokatuta, eta 3 puntuak eskuratu dituzte Ochiengen, Carreraren eta Mariezkurrenaren golei esker.