Realak mendean hartu du Osasuna Oyarzabalen itzuleran (2-0)
Realak garaipena lortu du urteko azken partidan, Reale Arenan Osasuna 2-0 mendean hartuta euskal derbian. Braisen eta Sorlothen golek justizia egin diote gipuzkoarren anbizio handiagoari, haiek kontrolatu baitute norgehiagoka denbora gehienean.
Partida entrenatzaile txuri urdinarentzat izan da, bere taldeak jokoa kontrolatu baitu lehen zatian. Berea izan da baloia eta berea nagusitasuna, denboraren zati handi batean Realak Osasunaren zelaian jokatu baitu.
Realari arriskua sortzea kostatzen ari zitzaion, baina 22. minutuan, hegaleko jaurtiketa baten ostean, Kubok bat egin du Braisekin eta honek Aitor Fernandez gainditu du (1-0).
Chimy Avilak aukera on batekin batekin mehatxatu du, baina ilusio hutsa izan da, Reala izan baita partida kontrolatzen jarraitu duena, nahiz eta Alguacilen mutilek min handirik egin gabe jarraitu duten azken metroetan.
Bigarren zatian, etxekoek Aitor Fernandezen aterako bidea errazago aurkitu dute. 53. minutuan, area barruan Silva eta Kuboren arteko triangelatze bat gora jaurti du Chok. Bost minutu beranduago Brais izan da area kanpotik jaurtiketa bat zutoinaren ondora bota duena, eta 62an Kubok gurutzatuegi jaurti du.
Gola bazetorrela ikusten zen eta bi minutu beranduago iritsi da, Silvak hiru laurdenetan egindako takoikada batekin. Braisek, bere aldetik, gauza bera egin du sakontasunez Sorlothen aldentzerako. Aitor Fernandezen irteeraren aurrean, baloia gainetik jarri dio, 2-0ekoa egiteko.
Nafarrak denbora gehiago hasi dira jokatzen aurkariaren zelaian. Izan ere, Osasunak aldeak murriztu ahal izan ditu handik gutxira Darkok area barruan bakarrik izan duen burukada batean. Baina haien saiakerek ez dute arrakastarik izan.
Garaipenak Realarentzat balio handia duen arren, are gehiago izan du Mikel Oyarzabalen itzulerak, amaierarako lau minuturen faltan zelaia zapaldu baitu, entrenamendu batean gurutzatua hautsi zuenetik bederatzi hilabete baino gehiago igaro ondoren.
Fitxa teknikoa
2 – Reala: Remiro; Aritz, Zubeldia, Le Normand, Rico; Zubimendi, Brais (Illarramendi, m. 80), Silva (Ander Martin, 80. min); Kubo (Navarro, 80. min), Sorloth (Oyarzabal, 86. min) eta Cho (Navarro, 74. min).
0 – Osasuna: Aitor Fernandez; Juan Cruz (Abde, 77. min), Unai García (Darko, 66. min), David Garcia; Ruben Peña, Moncayola, Torro (Ruben Garcia, 66. min), Moi Gomez, Manu Sanchez; Aimar (Kike García, 58. min) eta Chimy Avila (Kike Barja, 77. min).
Golak: 1-0, 22. min: Brais. 2-0, 64. min: Sorloth.
Epailea: Pizarro Gomez. Txartel horia atera dio Braisi Realaren aldetik eta Unai Garciari Osasunaren aldetik.
Zure interesekoa izan daiteke
Athleticek DUX Logroñori irabazi dio Las Gaunasen eta liga lehen zortzien artean amaitzea ziurtatu du (0-2)
Javi Lergak zuzentzen duen taldeak aurrea hartu du 15. minutuan, Ane Azkonak sartutako golari eskerz. Bigarren zatian, Maddi Torrek bigarren gola egin du 52. minutuan. Zuri-gorriek datorren denboraldian Erreginaren Kopako kanporaketa bat gutxiago jokatu beharko dute.
Eibarrek puntu bat lortu du Sevillaren aurkako partidan
Eibarrek hutsean berdindu du Sevillan, etxetik kanpo puntu bat eskuratuz. Azken jardunaldiaren faltan, armaginek hamahirugarren postuan jarraitzen dute. (Bideoa gazteleraz)
Braulio Vazquez: “Uste dut pizgarri bat behar genuela, katarsi bat"
"Ez dut barkamenik eskatuko 8 urtez lehen mailan mantentzeagatik, nortzuk garen jakin behar dugu. Ez dakit zenbat aldiz entzun dudan anbizio falta dagoela", aurpegiratu du kirol zuzendari gorritxoak denboraldi amaierako prentsaurrekoan. Bestalde, Kike Barja kapitainaren kontratu berritzea % 99ra itxitzat jo du.
Irene Paredes, Txapeldunen Liga irabazita eta Realaren aurka jokatu aurretik: “Fisikoki, denboraldi oso txukuna egin dut”
Bartzelonako jokalari gipuzkoarrak, berriro ere, Txapeldunen Liga eskuratu du, bere taldearekin. Moeve F Liga modurik onenean amaitu nahi du; asteazkenean, 19:00etan, Kataluniako taldeak Reala jasoko du, eta EITBk zuzenean emango du neurketa hori.
Sergio Fernandez: “Gure asmoa da ez galtzea hazteko aukera ematen digun aktiborik”
Alaveseko kirol zuzendariak, asteartean, agerraldia egin du, komunikabideen aurrean, amaitu berri den denboraldiaren balantzea egitea helburu; Sergio Fernandezek, 2029ra arte berrituta, talde babazorroaren hainbat jokalariren egoera izan du hizpide.
Sara Martinek Eibarrekin duen kontratua luzatu du, 2026-2027 denboraldirako
Aurrelaria 2025ean iritsi zen talde armaginera, Real Madriletik, eta, Eibarreko jokalari gisa eman duen lehen denboraldian, 1.600 minututik gora jokatu ditu.
Juan Cruzek ez du Osasunan jarraituko
Atzelariak sei denboraldi eman ditu Nafarroako klubean; Elxetik iritsi zen bertara. 164 partida jokatu ditu talde gorritxoan: “Bere lehen denboralditik, taldekideen eta zaleen errespetua eta maitasuna bereganatu zituen, eta balioak defendatzen jakin izan du”, nabarmendu du Iruñeko klubak.
FIFAk ofizial egin du Iranek Tijuanan egingo duela Mundu Txapelketako egonaldia
Irango kontzentrazio-lekua aldatuko duela iragarri du erakundeak, AEBetako bisekin arazoak saihesteko.
Alavesek 2029ra arte berritu dio kontratua Sergio Fernandezi
Klub babazorroak astearte honetan iragarritakoaren arabera, kirol zuzendariak beste hiru denboraldiz luzatu du erakundearekin duen lotura.
Alessio Liscik Osasunako entrenatzailea izateari utzi dio
Nafarroako klubak astelehenean iragarri du italiarrak ez duela jarraituko taldea zuzentzen; Liscik beste urtebeterako kontratua zuen, Osasunarekin.