Athleticek 1-0 irabazi dio Realari, eta Euskal Herria Txapela bereganatu du
Athleticek irabazi du Euskal Herria Txapelaren seigarren edizioa Realari 1-0 irabazita, Lasesarren (Barakaldo) jokatutako partidan.
Mikel Vesgak lehen zatiaren erdialdera buruz sartutako gol bati esker eskuratu dute bilbotarrek denboraldiaurre bakoitzean aurreko denboraldiko bi euskal talderik onenak aurrez aurre jartzen dituen garaikurra.
Erdilari gasteiztarrak buruz ukitu du Alex Berenguerrek ezkerretik erdiratutako falta bat 22. minutuan, eta Zubiaurrerengandik urruti jarri du. Gol horrek ordura arte Ernesto Valverdek zuzentzen duen taldeak erakutsitako nagusitasuna islatu du markagailuan, lehen zatiko aukerarik onenak bilbotarrenak izan baitira.
Bigarren zatian indarrak parekatu egin dira, eta bi taldeek eduki dituzte markagailua berriro mugiarazteko aukerak, baina Karrikaburuk, Nico Williamsek (bi aldiz), Braisek, Iñaki Williamsek, Illarramendik eta Merinok ez dute asmatu euren ahaleginak hiru zutoinen artera bidaltzen. Bereziki argiak izan dira Brais, Illarra eta Williams anaietako gazteenak izandako abaguneak.
Horrenbestez, Athleticek eskuratu du garaipena hurrengo asteburuan martxan jarriko den Liga txapelketari begira entsegu nagusietako bat izan den norgehiagokan
FITXA TEKNIKOA:
1 - Athletic Club: Iru; Lekue (De Marcos, 65. min), Vivian, Yeray (Paredes, 46. min), Yuri; Vesga, Zarraga (Dani García, 82. min), Sancet (Villalibre, 82. min); Iñaki Williams, Berenguer (Muniain, 65. min) eta Raúl García (Nico Williams, 50. min).
0 - Real Sociedad: Zubiaurre; Gorosabel (Jo Gómez, 82. min), Zubeldia, Le Normand, Diego Rico; Illarramendi (Urko González, 76. min), Merino, Brais Méndez (Olasagasti, 82. min); Barrenetxea (Robert Navarro, 63. min), Take Kubo (Arambari, 76. min) y Carlos Fernández (Karrikaburu, 62. min).
Golak: 1-0, 22. min: Vesga.
Epailea: Ricardo de Burgos Bengoetxea. Diego Rico kanporatu du 71. minutuan, bi txartel hori erakutsi ostean (52. eta 71. minutuak). Horrez gain, txartel horiak atera zizkien honako jokalari hauei: Sancet (Athletic); Le Normand, Illarramendi eta Olasagasti (Reala).
Zure interesekoa izan daiteke
Urko Izetak Athletic utzi eta Cadizen jokatuko du
27 urteko jokalariak 16 partida ofizial jokatu zituen aurreko denboraldian Ernesto Valverderen aginduetara, horietatik hiru bakarrik titular gisa, eta gol bat sartu zuen.
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Mikel Merinok aurrera egiteko gola eman dio berriz Espainiari (2-1)
Aulkitik sartu eta berehala, jokalari iruindarrak azken minutuetan sartutako golak garaipena eman dio bere taldeari Belgikaren aurka eta finalerdietarako txartela.
Realak Sonya Keefe fitxatu du 2027-2028 denboraldira arte
Aurrelari txiletarra Granadatik ailegatu da Zubietara, bertan 11 gol sartu zituen iragan denboraldian.
Koskik 2031ra arte jarraituko du Alavesen
Alavesek Ville Koski aurkeztu du Mendizorrotzan. Duela gutxi egin zuen ofizial hurrengo bost denboraldietarako fitxatu zuela. Erdiko atzelari finlandiarra neguan iritsi zen, eta ordutik ligan soilik 5 neurketa jokatu bazituen ere, emandako maila ona ikusita, talde babazorroak 2031ra arte sinatzea erabaki du.
Ramisen agindupean ekin dio Osasunak lanari
Osasuna ere jarri da martxan denboraldi berriari begira. Osasun azterketak burutu ondoren, lehen lan saioa egin dute Taxoaren. Lan saio arina izan da, Luis Miguel Ramis entrenatzaile berria, pixkanaka, jokalariak ezagutzen joateko. Sanferminak izan arren, hainbat zale gerturatu dira.
Eibarrek Pejiño eta Imanol García de Albeniz aurkeztu ditu
Eibarrek Pejiño eta Imanol Garcia de Albeniz fitxaketa berriak aurkeztu ditu. Gallartakoak ondo ezagutzen du Eibar, utzita aritu baitzen eta berriro dator atzeko lerroa indartzera. Pejiñok, aldiz, metro batzuk aurrerago, erasoan jokatzen du, eta azken metroetan jokalari erabakigarria izateko fitxatu du Eibarrek.
Mbappek eta Dembelek Frantzia finalerdietan jarri dute (2-0)
Bonok penaltia gelditu dio Mbapperi lehen zatian, baina aurrelari frantziarrak mendekua hartu du atsedenaldiaren ostean, munduko txapelketa honetan sartutako zortzigarren golarekin. Ondoren, Dembelek garaipena ziurtatu du, bere bosgarren golarekin.
Realak OL Lyonnesen aurka jokatuko du lagunartekoa
Abuztuaren 8an, 11:00etan, Groupama OL Training Center kirol instalakuntzetan jokatuko dute Txapeldunen Liga zortzi aldiz irabazi duen taldearen aurka.
Eibarrek denboraldiaurrea hasi du Areition
Eibarrek gaur ekin dio denboraldiaurreari Areition, Jokin Aranbarri entrenatzaile berriaren eskutik. Gaur estreinatu dituzte lehen taldearen instalazio berriak. Guztira, lehen taldeko 22 jokalarik lan egin dute, eta bigarren taldeko 6 jokalari batu zaizkie. Ivan Gil bakarrik falta izan da.