Edu Expositok azken minutuetan egindako golak garaipena eman dio Eibarri Sanseren aurkako derbian (3-2)
Eibarrek Sanseri irabazi dio Ipuruan LaLiga Smartbankeko 22. Jardunaldian jokatutako euskal derbian.
Bigarren minutua bete baino lehen egin dute lehen gola armaginek. Toño Garciak erdiratu eta Blanco Leschukek buruz errematatu du baloia, donostiarren ate barruan sartuz.
Donostiarrek aurrera egin dute berdinketaren gola lortzeko asmoz eta Karrikaburuk baloia sareetara bidaltzea lortu du 19. minutuan, baina jokaldia baliorik gabe utzi du epaileak aurretik jokoz kanpokoa egon dela adierazita.
31. minutuan, Blasco Leschukek egindako erdiraketa bat urruntzen saiatu da, baina zoritxarrez baloia bere atean sartu du. 2 eta 0ekoa izan da, Garitanoren taldearen alde.
Bigarren zatian, Eibar gogotsu atera da eta Xabi Alonsok aldaketak egitea erabaki du. Jon Magunazelaia sartu du zelaian eta horrek partidaren itxura aldatu du. Sartu eta berehala, Realeko jokalariak 2 eta 1ekoa egin du, VAR laguntzaile teknikoaren oniritziarekin.
81.ean, Blascok aurretik baloia bere atean sartuta egindako hutsa konpondu du, eta oraingoan baloia armaginen atean sartu du, binakoa egiteko.
Azkenik, 89. minutuan, Edu Expositok garaipenaren gola egin du Eibarrentzat, baloia urrutitik indartsu jaurtita. Hiru puntuak etxean geratu dira.
Fitxa teknikoa:
Eibar: Yoel, Tejero, Burgos, Atienza (Llorente, 86. min), Arbilla (Etxeita, 82. min), Toño García, Quique (Rober Correa, 46. min), Javi Muñoz, Expósito, Stoichkov (Fran Sol, 82. min) eta Blanco Leschuk (Rahmani, 69. min).
Reala B: Ayesa, Gabilondo (Martón, 92. min), Arambarri, Pokorny (Aldasoro, 70. min), Blasco, Martín, Sangalli (Aguirre, 92. min), Olasagasti, Navarro (Alkain, 70. min), Karrikaburu eta Garrido (Magunazelaia, 58. min).
Golak: 1-0, 2. min. Blanco Leschukek, buruarekin errematatuta. 2-0, 31. min Blascok, bere atean, 2-1, 61. min, Magunazelaiak. 2-2. 81. min. Blascok, 3-2, 89. min. Expositok.
Zure interesekoa izan daiteke
Tsygankovek Realaren lehen zati ona baliogabetu du (1-2)
Ukrainako futbolariaren bi golek Guedesen gola eta txuri-urdinen lehen zati ona zapuztu dituzte.
Lisci: "Dena gerta daiteke futbolean, eta Bartzelonaren aurka saiatuko gara"
Osasuna taldeko entrenatzaileak larunbatean Bartzelonaren aurka EA Sports ligako 16. jardunaldian jokatuko duen partidaz hitz egin du.
Chacho Coudet: "Ez diot aurkariaren dinamikari erreparatzen, geureari begiratzen diot"
Babazorroek Real Madril hartuko dute igande honetan Mendizorrotzan, eta talde zuria bolada gorabeheratsu baten ostean helduko da Gasteizera. Prentsaurrekoan galdera asko izan dira Xabi Alonsok zuzentzen duen taldearen egoeraren inguruan, baina Chacho Coudetek bere taldean zentratu nahi izan du.
Sergio Francisco: "Beharra sentitzen dut taldea lehen minututik joateko partidaren bila"
Realak Girona hartuko du, Anoetan, ostiralean, 21:00etan, EA Sports Ligako hamaseigarren jardunaldian. Aurreko egunean, Sergio Francisco talde txuri-urdineko entrenatzaileak neurketaren gainean zer espero duen izan du hizpide.
Andreia Jacintok onartu du taldeak "triste" bukatu zuela Real Madrilen aurkako partida, punturik lortu ez zuelako
Erdilari portugaldarrak Real Madrilen aurkako porrota; Bartzelonaren kontrako garaipena; donostiarrek Ligan eta Kopan izango duten hurrengo aurkaria, Deportivo; taldearen dinamika; entrenatzaile txuri-urdinaren ezaugarriak; aurreko denboraldia eta Donostiako egonaldia aztertu ditu.
Jokin Aperribay: "Bilakaera, exijentzia eta konfiantza; horiek dira hitz gakoak, emaitza onak lortzeko"
Realeko Akziodunen Batzar Nagusia amaituta, Realeko presidenteak EITBrekin hitz egin du. Aperribayk nabarmendu du nola, “kudeaketa erraza ez bada ere”, Gipuzkoako kluba, “azken urteotan, emaitza ekonomiko onak lortzen ari den”.
Realak 160 milioi euroko aurrekontua onartu du 2025-2026 denboraldirako
Zenbateko errekorra da hori. Realak, 2024-2025eko ekitaldian, 16,9 milioiko superabita izan zuen, eta aurreikuspena da 2025-2026koan beste 17,8 milioi irabaztea.
Iñigo Ruiz de Galarreta: "Talde guztiaren lanarekin lortu dugu atea hutsean mantentzea"
Ruiz de Galarreta pozik agertu da taldeak egindako lanarekin.
Txapeldunen Ligako seigarren jardunaldiko Athletic-PSG (0-0) neurketaren laburpena
Athleticek eta PSGk golik gabe berdindu dute San Mamesen, Txapeldunen Ligako seigarren jardunaldian, Valverderen taldeak lan bikaina egin du defentsan. Unai Simonek Europako txapelduna geldiarazi du, eta talde zuri-gorriari Europako txapelketa nagusian bizirik mantentzen duen puntu bat eman dio.
Athleticek ederki defendatu eta puntu bat bildu du Europako txapeldunaren aurka (0-0)
Unai Simon ikusgarri batek PSG geldiarazi du San Mamesen, eta, horri esker, talde zuri-gorriak meritu handiko puntua lortu du.