Reala, nagusi Alavesen aurkako euskal derbian
Realak irabazi du Alavesen aurka (0-4) ostegun honetan jokatu duen Primera Iberdrola Ligako 15. jardunaldiko euskal derbia. Ibaian jokatu den neurketan nagusi izan da talde txuri-urdina eta hiru puntuak bereganatu ditu.
Parekotasuna izan da nagusi lehen minutuetan. Realak izan du lehen abagunea, baina Cristina Cornejo Alaveseko atezainak gelditu egin du Amaiur Sarriegiren jaurtiketa. Arabako taldearen erantzuna azkar iritsi da; Majarinek erdiraketa egin du hegaletik eta Reala bere atean gola sartzetik gertu egon da, baloiak talde txuri-urdineko jokalari batengan jo ostean. Lehen zatiaren azken txanpan, 38. minutuan, Emma Martinezek gola sartu du (0-1) eta Reala abantailarekin joan da atsedenaldira.
Ondo ekin dio bigarren zatiari Realak, norgehiagokako 54. minutuan gola sartu baitu Gabriela Garciak (0-2); talde txuri-urdinak kornerra atera, Gabriela Garciak errematea egin, eta Alaveseko jokalari batek baloia atepetik atera duen arren, ateko marra gainditu duela adierazi du epaileak.
Bigarren gola sartu eta bederatzi minutu beranduago hirugarrena egin du talde txuri-urdinak: Amaiaur Sarriegi izan da golegilea (0-3) Franssiren pase loratua jaso eta Cornejo atezaina gaindituta.
Realaren nagusitasuna erabatekoa izan da bigarren zatian, eta talde txuri-urdinak laugarren gola sartu du (0-4) Gabriela Garciaren bidez; jokalari txuri-urdinak baloia jaso du area barruan, eta erremate gurutzatu batekin zulatu du aurkariaren atea.
Azken txanpan, bi taldeetako batek ere ez du gol gehiago sartzea lortu, eta Realak lortu du garaipena (0-4).
Fitxa teknikoa:
Alaves: Cris, S. Majarin, Ohale, Gaste (Nerea, 60. min), Gema (Clark, min.82), Ane Miren, Carla (C. Auñon, 82. min), Garazi, Miriam, Carrillo (Sanadri, 74. min), Miku (Chamorro, 60. min).
Reala: Elene, Emma (Allegra, 74. min), Etxezarreta, Tejada (Vanegas, 30. min), Nuria R., I. Arnaiz (Pleuler, 74. min), Mirari (Iraia, 70. min), Gaby, Gemma, Amaiur, Franssi.
Golak: 0-1: Emma Ramírez, 38. min; 0-2: Gaby, 54. min; 0-3: Amaiur, 63. min; 0-4: Gaby, 71. min.
Epailea: Martinez Martinez. Txartel horiak atera dizkie Gema Alaveseko jokalariari eta Pleuler Realeko futbolariari.
Zure interesekoa izan daiteke
Osasunak estutu du, baina ez du gola aurkitu
Talde gorritxoa Levante baino gehiago izan da neurketan, baina asmatze faltak nagusitasun horrek garaipena lortzea eragotzi du.
Antonio Siverak 2030era arte jarraituko du Alavesen
Kontratua berrituta, Alaveseko kapitainak hamargarren denboraldia jokatuko du Gasteizen.
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.
Ramis, LaLigako egutegiarekin haserre: “Ez dakit lehen jardunaldia edo bigarrena ikusten ari naizen, ez da normala"
Osasunako entrenatzailea etsita agertu da Osasunak Levanteren aurka jokatuko duen partidaren atarian, LaLigako lehen bi jardunaldiekin dagoen nahasmenarekin. Talde batzuek bi partida jokatu dituzte jada, Osasunak bat ere ez, eta astebetean hiru jokatu beharko ditu.
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
FIFAk 10 partidako zigorra jarri dio Paredes argentinarrari Munduko Txapelketako finalaren osteko istiluengatik
Futboleko erakunde goreneko Diziplina Batzordeak isunak eta zigorrak iragarri ditu liskarrean parte hartu zutenentzat. Paredes ez ezik, Nahuel Molina, Thiago Almada, Gavi, Roberto Ayala eta Argentinako Futbol Elkartea (AFA) ere zigortu dituzte.