Litekeena da Athletic-Real finala publiko barik jokatzea, Europako aukera ez galtzeko
UEFAk ostegunean Espainiako Futbol Federazioari jakinarazitakoaren arabera, Errege Kopako finala jokatzen ez bada, Europa Liga jokatzeko txartela LaLigako zazpigarren sailkatuak jasoko luke, eta ez kopako bi finalistetako batek, hau da, Athletic eta Reala aukera hori gabe geratuko lirateke.
Ondorioz, UEFAk baztertu egin du Espainiako Federazioak egindako proposamena: finala jokatuko ez balitz, eta finalistetako bat, Athletic edo Reala, aurretik LaLigako sailkapenagatik Europan jokatzeko eskubidea ziurtatuta izango balu, beste finalistak Europa Liga jokatzea.
UEFAren erabakia kontuan izanda, eta Europarako txartela lortzeko aukera barik ez geratzeko, Kopako finala Europa Ligako aurreko fasea hasi baino lehen jokatu beharko litzateke, hau da, ekainaren 25a baino lehen. Koronabirusaren pandemiaren eraginez hartutako neurrien ondorioz, ekainean ezinezkoa litzateke publikoarekin jokatzea.
Athletic ez dago "batere ados" UEFAren erabakiarekin
Ohar batean adierazi duenez, Athletic ez dago "batere ados" UEFAk hartutako erabakiarekin; izan ere, "honela, Kopako finala jokatzeko eskubidea lortu duen talde batek, Kopako txapelduna izan litekeen talde batek, ez du aukerarik Europa Ligako multzo-fasean izateko".
Koparen tradizioa eta ospea kontuan izanik, Athleticek ez du ulertzen "zergatik kentzen zaion txapelketa horri Europako plaza emateko aukera. Beti eman izan du aukera hori".
Hortaz, Athletic ez dago batere ados: "Balio handiagoa ematen zaie Ligako zazpigarren postuan dagoen taldearen merituei, nahiz eta oraindik txapelketa horretako 38 partidetako 11 falta diren, Kopako finalistei baino. Kopan gure futboleko maila guztietako 125 taldek parte hartu dute, eta partida bakarra falta zaio, finala alegia".
Halaber, Athleticen iritziz, "txapelketak aldez aurretik amaitu behar badira, Kopako finalistak izan beharko luke 2020-21 Europa Ligarako postua; Kopak Europako postu bat ematen du". Hain zuzen ere, horixe zen Espainiako Futbol Federazioaren proposamena.
"Beti aldeztu izan ditugu gure eskubideak, zorrotz eta zintzo, eta gure iritziz zuzenak diren irizpideen alde jarraituko dugu", amaitu du Athleticek. Talde bizkaitarrak deitoratu du UEFAk "lehentasuna ematea liga profesionaletako ordezko klubei, Kopako finalisten aurrean".
Zure interesekoa izan daiteke
Atletico, Leverkusen, Bodø/Glimt eta Newcastle, Txapeldunen Ligako final-zortzirenetara
Emaitza altuko markagailuek, Milaneko ezustekoak eta nagusitasunez ebatzitako kanporaketek erabaki dituzte final-zortzirenetarako sailkapenak.
Alejandra Estefaniari ebakuntza egin diote berriro eskuineko belaunean
Erdilari zuri-gorriari artroskopia egin diote eskuin belaunean. Jokalariak larri lesionatu zen eskuin belaunean 2024ko irailean.
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.
Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Sansek nagusitasunez irabazi dio Cadizi Nuevo Mirandillan (0-2)
Txuri-urdinen bigarren taldeak ondoz ondoko hirugarren garaipena lortu du Cadiz mendean hartuta. Donostiako taldeak sendotasuna eta eraginkortasuna erakutsi ditu, etxeko harmailetan atsekabea nagusitu den norgehiagokan.
Baskoniari omenaldia, Alaves-Girona partidaren hasieran
Alaves eta Gironaren arteko partida hasi baino lehen, Baskoniari omenaldia egin diote Mendizorrotzan, atzo, Valentzian, Saskibaloiko Errege Kopako finala irabazteagatik. Markus Howardek egin du ohorezko sakea, Tadas Sedekerskis kapitainak garaikurra zaleei eskaintzen zien bitartean.
Mallorcak Jagoba Arrasate kargugabetu du
Taldearen zuzendaritzak azaldu duenez, "klubak aro berri bat irekitzeko duen borondateari erantzuten dio erabakiak, egungo dinamikari buelta emateko eta aurretik den denboraldiari aurre egiteko".
Cultural Leonesak kargutik kendu du Ziganda
Entrenatzaile nafarrak agur esan dio Leoneko taldeari 20 jardunalditan sei garaipen eta zazpi berdinketa lortu ostean, azkena Leganesen zelaian (1-1).
?fmt=webp-alpha&qlt=80)
Unai Marrerok kontratua luzatu du 2030era arte
Azpeitiako atezainak txuri-urdinen atea defendatuko du lau denboraldi gehiagoz.
Realak beste garaipen bat eskuratu du Espanyol garaituta (2-1)
Realak beste garipen bat lortu du RCD Espanyioli 2-1 irabazita gaur arratsaldean Zubietan jokatu den F Moeve Ligako 21. jardunaldiko partidan. Txuri-urdinak jaun eta jabe izan dira hasieratik amaierara arte.