Errege Kopako final-laurdenetako ordutegiak
Futbol Federazioak ostiral honetan jakinarazi ditu datorren astean jokatuko diren Errege Kopako final-laurdenetako ordutegiak. Hartara, Real Madril-Reala eta Athletic-Bartzelona kanporaketak egun berean jokatuko dira, hau da, otsailaren 6an, ostegunean.
Horrenbestez, txuri-urdinek 19:00etan jokatuko dute Bernabeun; zuri-gorriek, berriz, 21:00etatik aurrera hartuko dute Kataluniako taldea San Mamesen gaueko.
Bestalde, Granadak eta Valentziak irekiko dute txapelketako txanda berri hau: asteartean, hilaren 4an, 21:00etan. Bi taldeak ondo sufrituta egin zuten aurrera Badajoz (luzapenean) eta Cultural Leonesa (penaltietako txandan) kanporatu ostean, hurrenez hurren.
Mirandesen eta Vila-realen arteko norgehiagokaren hurrengo egunean izango da, hilaren 5ean, alea, eta partida ordu berean jokatuko da, 21:00etan. Talde gorritxoak, bizirik jarraitzen duen Lehen Mailakoa ez den talde bakarrak, castelloarrak hartuko ditu Anduvan, beste balentria historiko bat errepikatzeko asmoz.
FINAL-LAURDENETAKO ORDUTEGIAK
Otsailak 4, asteartea
Granada - Valentzia (21:00)
Otsailak 5, asteazkena
Mirandes - Vila-real (21:00)
Otsailak 6, osteguna
Real Madril - Reala (19:00)
Athletic - Bartzelona (21:00)
Zure interesekoa izan daiteke
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
AEB final-hamaseirenetara sailkatu da Australia 2-0 menderatuta
Cameron Burgessek bere atean sartutako gol batek eta Alex Freemanek lehen zatian buruz egindako batek eman diote garaipena AEBko selekzioari.
Alavesen utzita egon diren Calebe, Diabate eta Pachecok ez dute klubean jarraituko
Talde babazorroak "bere profesionalasuna eta konpromisoa" eskertu nahi izan die jokalariei.
Erik Bretos: “Asmoa da Remiro hemen egotea datorren denboraldian”
Realeko futbol zuzendariak lehen taldearen inguruko gaurkotasuna errepasatu du, baita udako merkatuari begira dituen asmoen berri eman ere. Remirok Realean jarraituko duela esan du "bi atezain handi izan nahi ditudalako", Rino Matarazzorekin kontratua luzatzeko hitz egiten ari direla baieztatu du, eta, besteak beste, Brais Mendez, Gorka Carrera eta Arsen Zakharyan jokalarien egoera aztertu du.
Yuri Berchichek Athleticekin berritu du, 2026-2027 denboraldirako
36 urteko ezker hegaleko atzelariak gutxienez beste denboraldi bat emango du talde zuri-gorrian. 2018an iritsi zen bertara, Paris Saint-Germain taldetik.
Oscar de Marcos Athleticen talde teknikoan izango da, Edin Terzicek berak eskatuta
Guardiako futbolaria izan zen 573 partida jokatu zituen 2009 eta 2025 bitartean talde zuri-gorriarekin. Bilboko klubak orain zabaldu duenez, lan bikoitza izango du Lezaman: “jokalariak garatzea eta aldagelarekin konektatzea”.
Mexiko sailkatu da, eta Kanadak historia egin du 2026ko Munduko Txapelketan
Mexiko da final-hamaseirenetara sailkatu den lehen selekzioa, Hego Korea 1-0 gaindituta; Kanadak, berriz, lehen garaipena eskuratu du Munduko Kopan, Qatar 6-0 irabazita, Ismael Koneren lesioak gaua ilundu duen arren.
Suitzak Bosniaren aurkako neurketa azken txanpan desorekatu du (4-1), eta Txekiar Errepublikak eta Hegoafrikak bana egin dute
Bosniak jokoaren kontrola galdu du bigarren zatian, eta Johan Mamzambi, Ruben Vargas eta Granit Xhakaren golek garaipena eman diote Suitzari. Txekiar Errepublikak aurrea hartu du, Michal Sadileken golari esker, baina Hegoafrikak banakoa egin du penaltiz. Teboho Mokoenak ez du barkatu hamaika metroetatik.
Osasunak Victor Muñoz Liverpooli saldu diola iragarri du
Klub ingelesak 40 milioi ordainduko ditu aurrelariarengatik, eta nafarrek eskubide ekonomikoen % 50a zeukaten. Beraz, talde gorritxoak 20 milioi jasoko ditu.
Realak, Athleticek, Alavesek eta Osasunak 2026ko denboraldiaurrean jokatuko dituzten partida guztiak
2026-2027 denboraldiko EA Sports Liga abuztu erdialdean hasiko da; aurretik, uztailean eta abuztuko lehen hamabostaldian, Lehen Mailako taldeek hainbat lagunarteko partida jokatuko dituzte.