Kepa, Iñigo Martinez eta Azpilicueta, Luis Enriqueren lehen deialdian
Luis Enrique Martinez Espainiako futbol selekzioko hautatzaile berriak bere lehen deialdia eskaini du ostiral honetan, Ingalaterraren eta Kroaziaren aurkako partidetarako egindakoa. Hiru euskal jokalari deitu ditu: Kepa Arrizabalaga (Chelsea), Iñigo Martinez (Athletic Club) eta Cesar Azpilicueta (Chelsea).
Gainera, Diego Llorente Realeko jokalaria ere sartu du deialdian, defentsa txuri-urdina min hartuta dagoen arren. Hautatzaileak esan du Llorentek selekzioaren dinamika hartzea nahi duela.
Bartzelonako entrenatzailea zenean, Luis Enriquek ez zuen harreman pertsonal ona izan Jordi Albarekin, eta deialditik at utzi du. Iago Aspas (Celta) eta Koke (Atletico Madril) ere zerrendatik at geratu dira.
Deialdia:
Atezainak: David de Gea (Manchester United), Kepa Arrizabalaga (Chelsea) eta Pau Lopez (Betis).
Defentsak: Dani Carvajal, Nacho Fernandez, Sergio Ramos (Real Madril); Cesar Azpilicueta, Marcos Alonso (Chelsea); Raul Albiol (Napoli); Diego Llorente (Reala); Iñigo Martínez (Athletic) eta Jose Luis Gayá (Valentzia).
Erdilariak: Sergio Busquets, Sergi Roberto (Bartzelona); Rodri Hernandez, Saul Ñiguez (Atletico Madril); Thiago Alcantara (Bayern Munich) eta Dani Ceballos (Real Madril).
Aurrelariak: Isco Alarcon, Marco Asensio (Real Madril); Alvaro Morata (Chelsea); Diego Costa (Atletico Madril); Suso Fernandez (Milan) eta Rodrigo Moreno (Valentzia).
Zure interesekoa izan daiteke
Jauregizar: "Athleticekin gola sartzea beti da sentsazio oso polita"
Erdilari bermeotarrak zuri-gorriei final-zortzirenetarako sailkapena eman dien gola egin du. Bere taldeak "hasieratik amaierara oso partida serioa" jokatu duela uste du. Jauregizar pozik azaldu da bere golak sailkatzeko balio izan duelako.
Jauregizarrek Athletic erreskatatu du luzapenean, O Couto futbol-zelaiko lokatzean (0-1)
Valverderen mutilek hasiera txarra eman diote neurketari, baina minutuek aurrera egin ahala hobetzen joan dira. Hala ere, gol aukera oso gutxiko norgehiagoka izan da. Bigarren zatian Guruzetak baloi bat langara bidali du, aurreneko 90 minutuetako aukerarik argienean.
Berriatua, Jagoba Arrasate eta Jon Ansotegi lehen mailako entrenatzaileez harro
2.000 biztanleko herri honetakoa ezohiko kasua da, bere herritarren artean lehen mailako bi entrenatzaile baititu. Jagoba Arrasateri Jon Ansotegi gehitu zaio aste honetan, eta, gainera, koadrila berekoak dira.
Coudet, Jonnyren eta Boyeren lesioez: "Sevillaren aurkako partida nahiko garesti atera zaigu"
Argentinako entrenatzailearen ustez, taldeak "joko ona" egin du, eta "garaipena merezi izan du". Gainera, bigarren gol batekin partida itxi ezin izan delako etsituta agertu da: "Azken jokaldiarekin apur bat sufritzen bukatzen dugu beti". Azaldu duenez, Jonnyren arazoa gainkarga bat dela dirudi, baina Lucas Boyeren lesioa "ziurrenik, konplexuagoa izango da".
Carlos Vicentek penaltiz sartutako gol batek Alaves final-zortzirenetara sailkatu du, Sevilla menderatuta
Lucas Boye bigarren zatian zelairatu izana erabakigarria izan da partida. Aurrelari argentinarrak penaltia eragin du, eta, handik gutxira, min hartuta, ordezkatu behar izan dute.
Osasunak luzapenean kanporatu du Huesca (2-4), eta Errege Kopako final-zortzirenetan da
Huesca 1-0 aurreratu da, baina Raul Garcia de Harok berehala egin du berdinketa; luzapenean, Raul Garcia de Harok, beste behin, 1-2koa sartu du, Osambelak 2-3koa lortu du, eta Budimirrek egin du laugarrena.
Valverde: "Dagoen zelaira egokitu behar gara, Kopa horrelakoa da, ezustekoz beteriko kutxa bat"
"Kanpoko jendeak ez daki zelako zailtasunak dakartzaten tankera honetako partidek. Are gehiago, batzuetan jokalariek ere ez dakite. Neurketa hasten denean konturatzen dira, eta une horretan dagoeneko galtzen ari zara", ohartarazi du Athleticen prestatzaileak Kopako final-hamaseirenetako kanporaketaren atarian.
Alavesek Sevilla hartuko du lehen mailako taldeen arteko lehia bakarrean, eta Osasunak Huescan lortu beharko du sailkapena
Babazorroek Sevilla hartuko dute Mendizorrotzan, Ligan Real Madril atakan jarri ostean. Bestalde, Osasuna Kopan aurrera egiteko ilusioarekin iritsiko da Huescara, nahiz eta Alavesen aurkako larunbateko derbiari begira egon.
Realak sufritu egin du Eldan, baina Pablo Marinek azken hasperenean sartutako golari esker sailkatu egin da (1-2)
Sucicek aurretik jarri du talde txuri-urdina bigarren zatian, baina jarraian berdindu du Eldensek. Partida luzapenera bidera zihoala zirudienean, partidako jokaldirik onenean, Ansotegiren taldeak saria lortu du.
Eibarrek ezin izan du Elxen aurka (0-1), eta Errege Kopatik kanpo gelditu da
Adam Boayar Elxeko jokalariak egin du, 27. minutuan, final-hamaseirenetako kanporaketan erabakigarria izan den gola, Ipuruan. 71. minutuan, Dituro atezainak penalti bat gelditu dio Jose Corpasi.