Alavesek huts egin du aurkari zuzen baten aurka (2-1)
Alavesek atzerapausoa eman du Bigarren Mailari eusteko helburuan, Ponferradinaren aurka 2 eta 1 galduta.
Partida orekatua hasi da, baina lehen ordu erdia bete denean gasteiztarrak aurretik jarri dira Samuelek korner baten ostean gola egin ondoren.
Berdinketa atsedenaldiaren ostean lortu du Ponferradinak, Fofok zuzenean jaurtitako falta baten bidez.
70. minutuan egin dute garaipenaren gola: Acoranek sartu du, Ivan Cresporen aurrean bakar-bakarrik geratuta.
Arabarrak berdinketa lortzen saiatu dira, baloiak areara behin eta berriro bidaliz, baina ez dute asmatu.
Fitxa teknikoa:
2 - Ponferradina: Santamaría; Ramírez, Samuel, Robusté, Bellvís; Jonathan (Rueda, 82. min), Juande; Acorán, Fofo (Alberto Aguilar, 87. min), Javi Lara (Berrocal, 71. min); eta Yuri.
1 - Alaves: Iván Crespo; Rubio, Samuel, Jaro, Raúl; Tejera (Álex Ortiz, 57. min), Beobide, Manu (Quiroga, 84. min), Toti (Juanma, 71. min); Ion Vélez eta Viguera.
Golak: 0-1, 35. min: Samuel. 1-1, 54. min: Fofo. 2-1, 70. min: Acorán.
Zure interesekoa izan daiteke
Ansotegiren Real berriak Eldenseri egingo dio bisita eta Eibarrek Elx hartuko du Ipuruan
Talde txuri-urdina emaitza krisian murgilduta iritsiko Eldara, eta Jon Ansotegik Sergio Franciscoren tokia hartu berritan. Bestalde, armaginek, jaitsiera postuetan, bi partida erabakigarri jokatuko dituzte aste honetan etxean.
“Merkatura joateko dirua daukagu”, ohartarazi du Braulio Vazquezek
Taldea neguko merkatuan berrindartzeko lanean ari dela baieztatu du Osasunako kirol zuzendariak, hala ere, gaur egungo merkatuaren konplexutasuna onartu du.
Yurik giharretako lesioa du, eta Egiluz korrika hasi da ia bost hilabete geroago
Zarautzeko hegalekoak lesioa du "eskuin hankako muskulaturan", eta, ondorioz, Athletici urtea amaitzeko geratzen zaizkion bi partidetan ez du jokatzerik izango. Bestalde, erdiko atzelari bizkaitarra bakarrik aritu da lanean, abuztuaren 6an ebakuntza egin ondoren.
Alavesek galdu egin du Real Madrilen aurka (1-2)
Mbappek lehen gola sartu eta Carlos Vicentek partida berdindu du, baina Rodrygoren golak garaipena eman dio talde zuriari.
Carlos Vicente: "Partidua irabaztekotan egon garela uste dut"
Alaveseko jokalariak EA Sports Ligako 16. jardunaldian Real Madrilen aurka jasotako porrotaz (1-2) hitz egin du. Taldeak azken unera arte borrokatu duela azpimarratu du, eta bere golaren ostean Mendizorrotzan partida irabazteko aukerak izan dituztela adierazi du.
Aitor Paredes: "Partida honetatik gauza asko ikasi eta hobetu behar ditugu"
Athleticek porrota jaso du Celtaren aurka (2-0), Balaidosen. Zuri-gorriek partida irabazi behar zuten goiko postuetan geratu nahi bazuten, baina ez dute lortu. Aitor Paredesek kontatu diguna, bideo honetan.
Oviedok Luis Carrion kargutik kendu du, Sevillako jipoiaren ondoren
Carrion urrian itzuli zen Oviedora, Veljko Paunovicen ordez.
Athleticek estropezu egin du Balaidosen (2-0)
Swedberg eta El-Abdellaouiren golek eta Nico Williamsek huts egindako penaltiak Athletic porrotera eraman dute.
Txuri-urdinen erakustaldia Zubietan Deportivoren aurka (3-0)
Realak 3-0 irabazi dio Deportivori Zubietan jokatu den F Moeve Ligako 14. jardunaldiko partida. Txuri-urdinak nagusi izan dira hasieratik, jokoan zein aukeretan. Lucia Pardoren, Emma Ramirezen eta Klara Cahynovaren golek, etxeko taldearen nagusitasuna islatzeaz gain, 3 puntuak etxean geratzea ekarri dute.
Sanse jaitsieratik atera da Deportivo jipoituta (0-3)
Etxetik kanpo lortutako lehen garaipenean, talde txuri-urdinak partida osoa jokatu du azken postuetatik ateratzeko.