Eibarrek galdu egin du Numantziaren aurka, Ipuruan (1-2)
Eibarrek aukera paregabea galdu dute goiko postuetan are eta sendoago jarraitzeko. Gipuzkoarrek Numantzia izan dute aurkari Ipuruan, eta huts egin dute: 1-2 galdu dute soriarren aurka.
Numantzia hasieratik atera da erasora, berdinketa nahikoa ez zutela argi eta garbi utzita.
Partidako gakoa atsedenaldiaren atarian izandako jokaldi batean izan da: Nataliok eskuinetik erdiraketa egin du eta baloiak Yuri atzelariaren eskua jo du. Epaileak ez du zalantzarik izan eta penaltia adierazi du. Julio Alvarezek jaurti eta gola egin du.
Numantziaren bigarren gola bigarren zatia hasi eta berehala iritsi da: Enrichek egin du, Luis Valcarcerekin jokaldia egin ostean.
Nahiz eta 0 eta 2 atzetik izan, armaginek ez dute amore eman eta egindako lanak saria izan du 58. minutuan, Jota Peleteirok egindako golarekin. Berdinketa jo eta ke bilatu dute eibartarrek, baina denbora agortu egin zaie eta hiru puntuak Soria aldera joan dira.
Fitxa teknikoa:
1 - Eibar: Xabi Iruretagoiena; Lillo, Albentosa, Raúl Navas, Yuri; Errasti (Diego Jiménez, 80. min), Dani García; Jota Peleteiro, Arruabarrena, Alain Eizmendi (Urko Vera, 51. min); eta Morales.
2 - Numantzia: Raul Ribas; Akapo, Gaffoor, Juanma, Bonilla; Antonio Tomás, Julio Alvarez; Natalio, Del Pino (Víctor Andrés, 30. min), Luis Valcarce (Palanca, 74 . min); eta Sergi Enrich (Pedro Martín, 83 . min).
Golak: 0-1. 45. min. Julio Alvarez (penaltiz). 0-2. 47. min. Sergi Enrich. 1-2. 58. min. Jota Peleteiro.
Zure interesekoa izan daiteke
Bayernek eta Atleticok kanporaketa bideratu dute, eta Galatasarayk aurrea hartu du
Talde turkiarrak ezustean harrapatu du Liverpool (1-0) bere kanporaketaren hasieran, alemaniarrek Atalanta jipoitu dute Bergamon (1-6), koltxoneroek 5-2 irabazi diote Tottenhami eta Bartzelonak azken hatsean berdinketa (1-1) lortu du Newcastlen.
Realak 25.680 sarrera izango ditu Errege Kopako finalean
Horietako % 85 Realeko bazkideek jasoko dituzte. Realeko “fan zone” izenekoa, Sevillan, Carlos III.a etorbidean izango da, Cartujako geralekuaren ondoan.
Unai Gomezek ez du lesio larririk, ezker belaunean kolpea besterik ez du
Bermeotarra joan den larunbatean ordezkatu behar izan zuten, Bartzelonaren aurkako partida hasi eta hamar minutura. Astelehen honetan egin dizkioten proba medikoek agerian utzi dute lesioa zenbaterainokoa den, nahiz eta hasiera batean larriagoa ematen zuen.
Zorigaiztoko amaiera Alavesentzat Valentzian (3-2)
Talde babazorroak bi aldiz hartu du aurrea markagailuan, baina penalti batek eta Pacheco eta Guevararen kaleratze bikoitzak amaierarik txarrena eragin dute.
Cadizek kargutik kendu du Gaizka Garitano
Klubaren dinamika txarraren eta azken sailkatuaren aurkako porrotaren ondoren, klubak Derioko entrenatzailea baztertzea erabaki du.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.
Athleticek onera egin du, baina ez da nahikoa izan Bartzelona garaitzeko (0-1)
Zuri-gorriek dena eman dute zelaian, eta beste partida batzuetan falta izan zaien garra ikusi da jokoan, baina, hala ere, ezin izan dute Ligako liderra garaitu.
Realak ezin izan du berdindu Atleticoren jokoa (3-2)
Bi aldiz berdindu dute markagailua, Solerren eta Oyarzabalen golekin, baina Ivan Gonzalezek azken minutuetan sartutako golak punturik gabe utzi ditu txuri-urdinak.
Sansek 4-2 menderatu du Castello Zubietan
Txuri-urdinek Castello garaitu dute etxean partida bizi jokatuta, eta 3 puntuak eskuratu dituzte Ochiengen, Carreraren eta Mariezkurrenaren golei esker.
Osasunak puntu bat lortu du Mallorcaren aurka, azken hasperenean partida iraulita (2-2)
Talde gorritxoak azken minutuan irauli du markagailua Malllorcaren aurka, 2-2 berdinduz, 89. minutura arte 0-2 galtzen joan ostean. Kike Barjak egin du lehen gola, 89. minutuan, eta Budimirrek berdinketa ezarri du 93.ean, epaileak jokalari bi kanporatu izanak markatu duen partidan.