Eibarrek, ezin Mallorcaren aurka
Eibarrek 0-1 galdu du Mallorcaren aurka Ipuruan. Partida oso parekatua izan da, eta Alfarok 61. minutuan sartutako golak erabaki du lehia.
Partidako lehen minutuak oso parekatuak eta lehia bizikoak izan dira, baina bi taldeetako bat ere ez da abagune argiak sortzeko gai izan. Hamabosgarren minututik aurrera Eibar izan da baloiaren jabe, baina ez du gol aukera argirik sortu eta Mallorca eroso egon da defentsako lanean. Lehen zatia golik gabe bukatu da (0-0).
Bigarren zatia irekiagoa izan da, eta bi taldeek abagune argiagoak izan dituzte. Lehena Eibarrek izan du, baina Miño atezainak gola eragotzi du gelditu bikaina egin ostean. Jarraian etorri da Mallorcaren erantzuna. Alfarok abagune argia huts egin du atepean egindako errematea kanpora bidalita. Gola gertu izan du Alfarok eta abagune argi horretan pentsatzeko aukerarik gabe, Mallorcako jokalariak beste aukera bat izan du, eta bigarren honetan ez du barkatu. Alfarok 0-1ekoa sartu du 61. minutuan.
Gola hartu ostean, Eibarrek berdinketaren bila jo du, eta izan du banakoa lortzeko abaguneren bat. Jotaren errematea, guratzatuegi kanpora joan da 76. minutuan, baina armaginek izan duten abagune argiena 84. minutuan etorri da; Txema Añibarrok area barruan baloia jaso, buelta erdia eman eta bere jaurtiketa gutxigatik kanpora joan da. Azkenean, Eibarrek ezin izan du partida berdindu eta Mallorcak eraman ditu hiru puntuak.
Fitxa teknikoa:
0 - Eibar: Xabi Iruretagoiena; Lillo, Añibarro, Albentosa, Yuri; Errasti, Dani Garcia (Diego Rivas, 61. min); Eizmendi (Urko Vera, 61. min), Arruabarrena (Jota Peleteiro, 69. min), Gilvan Gomes; eta Morales.
1 - Mallorca: Mino; Ximo, Nunes, Geromil, Kevin; Thomas, D. Bigas; Nsue, Alfaro (Víctor Casadesús, 85. min), Alex Moreno (Antonio Lopez, 90. min); eta Geijo (Gerard, 77. min).
Gola: 0-1. 61. min. Alfaro.
Epailea: Mario Melero Lopez.
Zure interesekoa izan daiteke
Realak sufritu egin du Eldan, baina Pablo Marinek azken hasperenean sartutako golari esker sailkatu da (1-2)
Sucicek aurretik jarri du talde txuri-urdina bigarren zatian, baina jarraian berdindu egin du Eldensek. Partida luzapenera bideratuta zegoela zirudienean, partidako jokaldirik onenean, Ansotegiren taldeak saria lortu du.
Eibarrek ezin izan du Elxen aurka (0-1), eta Errege Kopatik kanpo gelditu da
Adam Boayar Elxeko jokalariak egin du, 27. minutuan, final hamaseirenetako kanporaketan erabakigarria izan den gola, Ipuruan. 71. minutuan, Dituro atezainak penalti bat gelditu dio Jose Corpasi.
Alessio Lisci, Kopako Huesca-Osasuna kanporaketaz: “Alavesen aurkako partida ere izango dugu kontuan”
Errege Kopako final hamaseirenetan, Osasunak Huescaren kontra jokatuko du, Alcorazen, asteazkenean. Alessio Lisci Nafarroako taldeko entrenatzaileak onartu du larunbatean izango den Osasuna-Alaves derbiak eragina izango duela hamaikakoan, baina zehaztu ere zehaztu du: “Aterako dugun taldeak aurrera egiteko ahalmen osoa izango du”.
Coudet: "Sevilla talde ona da, oso talde fisikoa; partida gogorra izango da"
"Talde bezala hazten jarraitu behar dugu", adierazi du entrenatzaile babazorroak Sevillaren aurka Mendizorrotzan jokatu behar duten partidaren aurreko prentsaurrekoan. "Sentsazio gehiago eta hobeak ditugu, puntuak baino", gaineratu du Coudetek talde gasteiztarraren ibilbideari buruz. "Aurrekoan galtzea tokatu zitzaigun, baina neurketa bikaina jokatu genuen", gogorarazi du.
Sergio Franciscok agur esan dio Realari gutun hunkigarri batean: "Betiko eramango dut guztion maitasuna"
Txuri-urdinen entrenatzaile ohiak eskerrak eman dizkie zaleei "une zailenetan ere baldintzarik gabeko babesa" emateagatik. Gainera, futbol profesionalean "erronka berriei" aurre egiteko prest agertu da.
Ansotegiren Real berriak Eldenseri egingo dio bisita eta Eibarrek Elx hartuko du Ipuruan
Talde txuri-urdina emaitza krisian murgilduta iritsiko Eldara, eta Jon Ansotegik Sergio Franciscoren tokia hartu berritan. Bestalde, armaginek, jaitsiera postuetan, bi partida erabakigarri jokatuko dituzte aste honetan etxean.
“Merkatura joateko dirua daukagu”, ohartarazi du Braulio Vazquezek
Taldea neguko merkatuan berrindartzeko lanean ari dela baieztatu du Osasunako kirol zuzendariak, hala ere, gaur egungo merkatuaren konplexutasuna onartu du.
Yurik giharretako lesioa du, eta Egiluz korrika hasi da ia bost hilabete geroago
Zarautzeko hegalekoak lesioa du "eskuin hankako muskulaturan", eta, ondorioz, Athletici urtea amaitzeko geratzen zaizkion bi partidetan ez du jokatzerik izango. Bestalde, erdiko atzelari bizkaitarra bakarrik aritu da lanean, abuztuaren 6an ebakuntza egin ondoren.
Alavesek galdu egin du Real Madrilen aurka (1-2)
Mbappek lehen gola sartu eta Carlos Vicentek partida berdindu du, baina Rodrygoren golak garaipena eman dio talde zuriari.
Carlos Vicente: "Partidua irabaztekotan egon garela uste dut"
Alaveseko jokalariak EA Sports Ligako 16. jardunaldian Real Madrilen aurka jasotako porrotaz (1-2) hitz egin du. Taldeak azken unera arte borrokatu duela azpimarratu du, eta bere golaren ostean Mendizorrotzan partida irabazteko aukerak izan dituztela adierazi du.