Bidasoa Irunek gol bategatik galdu du Flensburg txapeldunaren aurka, Artalekun, garaipena hurbil izan ostean
Irudek Bidasoa-Irun taldeak Europako Ligako txapelketako partida jokatu du gaur, multzoko lidergoa lortzeko asmoz, Flensburg-Handewit Alemaniako txapeldunaren aurka. Partidaren zati handi batean gertu izan du, baina azkenean garaipenak ihes egin dio norgehiagokaren azken hatsean, eskuan izan ondoren (32-33).
Artalekuk hitzordu handien itxura izan du munduko talderik onenetako baten aurrean. Flensburg Bundesligako liderra da, eta Europako Ligako azken bi edizioak irabazi ditu. Gainera, gaur egun ezker hegaleko onena den Simon Pytlick danimarkarra dabil taldean.
Neurketa oso parekatua izan da. Lehen zatian zehar bien arteko aldea ez da bi gol baino gehiagokoa izan, eta berdinduta joan dira atsedenaldira (17-17).
Bigarren zatian, ordea, aldea lau golekoa ere izan da, irundarren alde, baina ezin izan dute aprobetxatu eta norgehiagoka itxi. Alemaniako taldeak txapeldun izaera erakutsi du, eta erantzuten jakin du, bidasotarren akatsak aprobetxatuz.
Alex Mozasek entrenatzen duen taldeak ez zuen aurrekari onik Alemaniako taldeen aurka Europako txapelketen historia luzean. Bundesligako talde baten aurkako azken partida joan den denboraldian jokatu zuten, Melsungenen kontra. Joaneko neurketan Bidasoak Melsungeni eutsi zion, baina itzuliko erabakigarrian (22-32) hamar goleko aldearekin porrot egin zuen. Zoritxarrez, gaur ere ez da estatistika negatibo hori hautsi.
- Fitxa teknikoa:
32. Bidasoa-Irun: Leo Maciel, Skrzyniarz (atezainak), Xabi Gonzalez (2), Esteban Salinas (4), Rodrigo Salinas (1), Mujika (2), Nevado (5), Peciña, Furundarena, Valles (3, 1 de pen.), Dariel Garcia (5), Gorka Nieto (3, 2 penaltiz.), Xabi Tua (3), Jevtic (1), Tito Diaz (1), Matheus da Silva (2).
33. Flensburg-Handewitt: Buric, Kevin Möller (atezainak); Pytlick (4), Golla (3), Kirkelökke (3), Grgic (8), Tönnesen (1), Horgen, Volz, Jakobsen (10, 5 penaltiz), Knutzen, Blagotinsek, Novak (3), Lasse Möller (1).
Epaileak: Ozren Backovic eta Miko Palckovic (Eslovenia). Jevtic, Nevado, Peciña, Dariel Garcia, Blagotinsek, Tönnesen eta Golla egotzi dituzte.
Markagailua bost minuturo: 2-1; 4-5; 8-8; 10-10; 13-14; 17-17- atsedenaldia- 21-18; 23-20; 26-24; 30-26; 30-30; 32-33.
Artaleku kiroldegian 1.600 zale inguru bildu dira.
Zure interesekoa izan daiteke
Bidasoak agur esan dio Europako Ligari, Montpellierren aurka Artalekun beste porrot bat jasota (34-36)
Mozasen mutilek lehen zati bikaina egin dute eta talde frantziarrari eustea lortu dute atsedenaldira 18nako berdinketarekin joateko. Aldageletatik bueltan, ordea, berriz ere energia falta izan da, nahiz eta partida amaierara berdintzeko aukerekin iritsi.
Unai Barretok lesio larria du ezker belaunean
Jokalariari probak egin dizkiote THW Kielen aurkako partidan ezker belaunean izandako bihurrituaren ondorioz. Proba horiek baieztatu dute aurreko lotailu gurutzatua osorik hautsi duela, eta bi meniskoetan hausturak dituela.
Bidasoa EHF Ligatik kanpo geratu da, Wolffen emanaldi bikainaren eta Montpellierren garaipenaren ostean
Talde irundarrak 27-20 galdu du THW Kielen kantxan multzoko liderraren aurka. Montpellierrek, bere aldetik, Flensburg menderatu du etxean. Horrenbestez, Europako Ligako final-laurdenetara sailkatzeko aukerarik gabe geratu da Bidasoa.
Bidasoak EHF Europako Ligan jarraitzeko aukerak izatea bilatuko du Kielen, asteartean
Euskal taldeak Alemanian Kielen aurka galtzen badu, txapelketan jarraitzeko aukerarik gabe gera liteke, Montpellierrek Flensburgen aurka irabazten badu; Bidasoak garaipena lortuko balu edo Flensburgek Montpellier menderatuko balu, hilaren 10ean jokatuko den Bidasoa-Montepllier partidaren menpe geratuko litzateke sailkapena.
Bidasoak Kieli eutsi dio Artalekun, baina azken minutuetan energia falta izan zaio (32-37)
Bidasoak izarrez betetako Alemaniako taldea izan du aurrean, baina ez dira kikildu. Kiel indartsuak garaipena lortu du, baina Irudek Bidasoa-Irun gertu egon da neurketako fase askotan, 50. minutuan hiru golera izan da.
Gorka Nieto: "Edozein eskubaloi jokalarik pentsatu izan du, txikitan, Kielen kontra jokatu nahi duela"
Bidasoa-Irunek Kieleren aurka jokatuko du, astearte honetan, EHF Europako Ligako partidan, 20:45ean hasita. Nietok partida berezia izango dela nabarmendu du, eta taldeak horrelako norgehiagokak "disfrutatu eta konpetitu" nahi dituela azpimarratu. EITBk zuzenean emanen du partida, ETB4n, telebistaz, eta kirolakeitb.eus euskarriaren bitartez.
Bidasoak Montpellierren galdu du, eta final-laurdenetarako sailkapena zaildu zaio (38-33)
Talde gipuzkoarrak barkatu egin dio talde frantziarrari lehen zatian, eta bigarrenean baloi gehiegi galdu ditu. Frantziako taldeak kontraerasoa baliatu du partida erabakitzeko.
Bidasoak inoiz baino ondoen jokatu beharko du Europako Ligan Montpellierren aurkako erronkan
Irungo taldeak Europako Ligako taldekako fasearen amaierarik zailenetako bati egin beharko dio aurre Frantzian, bajek eta maila goreneko aurkari baten sendotasunari eutsi beharrak baldintzatuta.
Dariel Garciak ez du CD Bidasoan jarraituko
"Taldearen jokoan funtsezko pieza” den ezker hegalekoak Irungo taldean bizitako etapa garrantzitsua itxi du.
Bidasoa Irunek galdu egin du Bartzelonaren aurka Espainiako Kopako finalerdietan
Gipuzkoako taldeak kanporaketa ona jokatu du, baina aurkariak partida hasieran lortutako abantaila erabakigarria izan da amaieran nagusitzeko.