Bera Berak Aula Valladolid menderatu du (32-26), eta Elda izango du aurkari Erregina Kopako finalerdietan
Finalaurreko hori larunbatean jokatuko dute, 18:45ean, eta irabazlea Rocasaren edo Atletico Guardesen aurka arituko da igandean, finalean. Final laurdenetako kanporaketan, ostiralean, Imanol Alvarezen taldeak merezita hartu du mendean Aula Valladolid, Illunben.
Bera Berak merezita irabazi du final laurdenetako kanporaketa. Argazkia: EITB
Super Amara Bera Bera 2025-2026 denboraldiko Erregina Kopako finalerdietarako sailkatu da ostiral gauean, Illunben; izan ere, final laurdenetan Aula Valladolid kanporatu du, 32-26 gailenduta. Euskal taldeak Elda izango du aurkari finalerdietan, larunbatean, 18:45ean, eta partida horretako irabazlea Rocasaren edo Atletico Guardesen aurka arituko da finalean, igandean; azken talde horrek Replasa Beti-Onak utzi du txapelketatik at.
Lehenengo zatian, Bera Bera ia-ia hasieratik jarri da aurretik, eta nagusi izan da. Imanol Alvarezen jokalarien joko azkarrak hainbat arazo sortu dizkio Aula Valladolid taldeari. Nolanahi ere, Donostiako taldearen aurkariak ere erantzun nahiko ona eman du aurreneko 30 minutuetan, eta 6 goleko errentarekin heldu da Bera Bera atsedenaldira, 19-13. Hortaz, nahiz eta euskal taldea gailentzen ari zen, kanporaketa ez zegoen erabakita.
Naroa Baquedanok ondo gidatuta, Aula Valladolidek Bera Berak baino hobeto ekin dio bigarren zatiari, eta 3 golera hurbildu da, 21-18. Dena dela, Gipuzkoako taldeak berehala berreskuratu du kontrola; Bera Berak 4-5 goleko aldea izan du une oro, eta horrek konfiantza eman dio.
Norgehiagokako azken minutuetan, Bera Berak ez du zailtasunik izan garaipena bermatu eta, hala, finalerdietarako sailkapena poltsikoratzeko. Horrenbestez, larunbatean, Eldaren aurka, Donostiako taldeak finalerako txartela izango du jokoan. Final laurdenetan Aula Valladoliden aurka ere gertatu denez, Bera Bera da irabazteko faborito. Kantxan ikusi beharko da, ordea, bi taldeetako zein den indartsuena.
Fitxa teknikoa
32 - Super Amara Bera Bera: Prades, Wigins -atezainak- Amores (5), Arroyo (1), Elba Alvarez (7, 4p), Rodrigues (4), Etxeberria (4), Laura Hernandez (1), Ogonovszki (1), Kruijswik (3, 1p), Elke Karsten (1), Erauskin (3), Gavilan (2), Ishikawa, Urretavizcaya, Fresco.
26 - Caja Rural Aula Valladolid: Carratu, Sanz -atezainak-, Patiño (7), Lucio (5), Monteagudo (5, 2p), Baquedano (5), Mónica Gutierrez, Sanz, Jallow (1), Clara Gutierrez, Sabina Bergara (2), Alonso, González de Garibay, Gorbatsjova, Guerra (1).
Epaileak: Jose Carlos Friera eta Andres Rosendo.
Markagailua, bost minutuero: 4-3; 8-5; 10-6; 14-9: 17-11; 19-13 -atsedenaldia- 20-16; 23.18; 25-20; 27-22; 29-24; 32-26.
Nabarmentzekoa: 3.000 zale baino gehiago, Ilunben.
Zure interesekoa izan daiteke
Alexandra Shunuren fitxaketa iragarri du Bera Berak
Angolarrak 28 urte ditu, eskuin hegalean jokatzen du eta azken hiru denboraldietan Benfican jokatu ondoren heldu da Donostiara.
Amandine Balzincek Bera Beraren atea indartuko du 2028ra arte
Atezain frantziarra Mecalia Atletico Guardes taldetik dator, hurrengo bi denboraldietan Donostiako proiektuan sartzeko.
Imanol Alvarez: “Gustura bukatu nuen; ez gara txapeldunak, baina ondo gordeko dut bigarren postu hau”
Imanol Alaverezekin egon gara, Bera Berako entrenatzaile ohiarekin. Bigarren postuan amaitu duten arren, horrek “hobetzeko aukera” daukazula erakusten dizula adierazi du, eta baloratzekoa dela. Orain, Jon Begiristainen eskuetan utzi du taldea, bere aburuz, “pertsonarik aproposena”. Hala ere, emaztearekin batera ikusiko dugu ermuarra Gascan.
Imanol Alvarez: “Oso pozik nago taldearekin; nire iritziz, Rocasak merezi du Liga”
Bera Beraren entrenatzaileak azken partida zuzendu du Donostiako taldean, Telden, Rocasaren aurka, Guerreras Iberdrola Ligako finaleko play-offeko bigarren norgehiagokan; Alvarezek nabarmendu du Bera Berak ahalegin handia egin duela, baina uste duela Rocasak merezita bereganatu duela garaipena.
Rocasa da ligako txapelduna, Bera Berari berriro irabazita (26-23)
Joaneko partida galduta zeukala, Gipuzkoako taldeak ezin izan du ligako titulua berriz eskuratu.
Imanol Alvarez: “Ez dugu asmatu eta ez dugu jokatzeko lekua topatu”
Bera Berak galdu egin du Rocasaren aurka, Guerreras Iberdrola Ligako finaleko lehen partidan. Maitane Etxeberriak azaldu digunez, hasieran “asko kostatu zaie erasoa” eta “oso zaila da Rocasa bezelako baten aurka partidari buelta ematea”.
Rocasa Bera Bera baino gehiago izan da finaleko lehen partidan
Lehen zatian kanariarrak nagusi izan dira. Bigarrenean donostiarrek pauso bat aurrera eman duten arren, ez dira partida poltsikoratzeko gai izan.
Bera Berak asteazkenean ekingo dio Guerreras Iberdrola Ligako finalari, Rocasaren aurka, Gascan
Finaleko lehen partida Donostian jokatuko dute, 19:15ean, eta bigarrena, ordea, Telden, Kanaria Handian, igandean, Euskal Herriko 19:45ean; hirugarren partida ere jokatu beharko balute, hori ekainaren 3an izango litzateke, asteazkenez, Donostian. EITBk finala emango du, zuzenean.
Imanol Alvarez: “Taldea finala jokatzeko prest dago; ondo gaude eta dena emango dugu”
Imanol Alavarezen, Bera Berako entrenatzaileak, prentsaurrekoa eman du Ligako Finalaren harira. Talde donostiarrak Rocasaren aurka jokatuko du, bi edo hiru partidetan.
Super Amara Bera Berak ligako finala jokatuko du, Porriño kanporatuta
Gascan, berdinketarekin bukatu da itzuliko norgehiagoka (33-33), baina joanekoan, Galizian, 28-32 gailendu zenez, Imanol Alvarezen taldeak eskuratu du ligako finala jokatzeko txartela. Finalean Kanaria Handietako Rocasa taldea izango du aurkari Bera Berak.