Beti-Onakek eta Zuazok mailari eustea izango dute jokoan jaisteko play-offeko azken jardunaldian
Gurpea Beti-Onak Azparren Gestion eta Zubileta Evolution Zuazo euskal taldeek mailari eustea izango dute jokoan Ohorezko Mailako play-offeko azken jardunaldian.
Asteazken honetan, maiatzaren 24an, Beti-Onakek 20-19 galdu du Grafometal Sporting Errioxaren kontra, eta ezin izan du salbazioa bermatu. Bestalde, Zubileta Evolution Zuazok mailari eusteko itxaropenari eutsi dio, KH-7 Granolleres 20-23 garaituta.
Bosgarren jardunaldia jokatuta, Beti-Onakek puntu bakarra ateratzen dio Zuazori Ohorezko Mailan mantentzeko ligaxkako sailkapenean. Seigarren eta azken jardunaldian, Beti-Onakek Granollers izango du aurkari etxean eta Zuazok Errioxa hartuko du.
Errioxa vs Beti-Onak (20-19)
Errioxan jokatu du Beti-Onakek jada bigarren mailara jaitsi den Errioxaren aurka. Nafarroako taldeak ezin izan du garaipena lortu, 20-19ko emaitzarekin galdu baitu, eta, ondorioz, ez du lehen mailan jarraitzea ziurtatu.
Lehen zatian, aurkaria baino hobea izan da Nafarroako taldea, eta hiru goleko errentarekin (6-9) heldu da atsedenaldira. Bigarren zatian, baina, oso gaizki hasi da Beti-Onak, eta Errioxak aurrea hartu du (16-15). Azken txanpan, maila hobea eman du Nafarroako taldeak, lehia berdindu du (18-18) eta aurretik jarri da (18-19). Azken minutuan, ordea, Errioxak bi gol sartu ditu, eta partida irabazi du (20-19).
Granollers vs Zuazo (20-23)
Bartzelonan, Zuazok bisita egin dio Granollersi. Kataluniako taldeak salbazioa bermatu zuen laugarren jardunaldian, eta ez zuen ezer jokoan neurketa honetan. Bizkaiko taldeak, aldiz, irabazi beharra zeukan Ohorezko Mailan jarraitzeko aukerak izaten jarraitzeko.
Lehen zatia parekatua izan da. Zuazo izan da nagusi hasieran, baina Granollersek azkar erantzun du, eta lehia berdinduta iritsi da atsedenaldira (11-11).
Aldageletatik pasatzea bikain etorri zaio Barakaldoko taldeari, bikain ekin baitio bigarren zatiari, hiru goleko errenta erdietsita (11-14). Nagusi izan da Zuazo bigarren 20 minutuetan, aurkariak baino hobeto jokatu du, eta hasieran lortutako abantaila ondo kudeatuta, garaipenak ez dio ihes egin (20-23).
Zure interesekoa izan daiteke
Bidasoak agur esan dio Europako Ligari, Montpellierren aurka Artalekun beste porrot bat jasota (34-36)
Mozasen mutilek lehen zati bikaina egin dute eta talde frantziarrari eustea lortu dute atsedenaldira 18nako berdinketarekin joateko. Aldageletatik bueltan, ordea, berriz ere energia falta izan da, nahiz eta partida amaierara berdintzeko aukerekin iritsi.
Jon Begiristain izango da Bera Beraren entrenatzailea datozen bi denboraldietan
Imanol Alvarez ordezkatuko du, hark erabaki baitu denboraldi honen amaieran taldearen zuzendaritza uztea. Begiristain Alvarezen laguntzaile aritu izan da 2023-24 denboralditik.
Unai Barretok lesio larria du ezker belaunean
Jokalariari probak egin dizkiote THW Kielen aurkako partidan ezker belaunean izandako bihurrituaren ondorioz. Proba horiek baieztatu dute aurreko lotailu gurutzatua osorik hautsi duela, eta bi meniskoetan hausturak dituela.
Bidasoa EHF Ligatik kanpo geratu da, Wolffen emanaldi bikainaren eta Montpellierren garaipenaren ostean
Talde irundarrak 27-20 galdu du THW Kielen kantxan multzoko liderraren aurka. Montpellierrek, bere aldetik, Flensburg menderatu du etxean. Horrenbestez, Europako Ligako final-laurdenetara sailkatzeko aukerarik gabe geratu da Bidasoa.
Imanol Alvarezek ez du Bera Bera entrenatzen jarraituko datorren denboraldian
Tati Garmendia klubeko presidenteak ohar baten bidez jakinarazi duenez, Alvarez ez da taldeko entrenatzailea izango datorren denboraldian, eta astelehen honetan Gipuzkoako hiriburuan emango duen prentsaurrekoan azalduko du bere erabakia.
Maitane Etxeberria kapitainak Super Amara Bera Berarekin berritu du
Gipuzkoar jokalaria bere hamahirugarren denboraldia jokatzen ari da Donostiako taldean; Bera Beran 400. partida jokatzear dago.
Bidasoak Kieli eutsi dio Artalekun, baina azken minutuetan energia falta izan zaio (32-37)
Bidasoak izarrez betetako Alemaniako taldea izan du aurrean, baina ez dira kikildu. Kiel indartsuak garaipena lortu du, baina Irudek Bidasoa-Irun gertu egon da neurketako fase askotan, 50. minutuan hiru golera izan da.
Gorka Nieto: "Edozein eskubaloi jokalarik pentsatu izan du, txikitan, Kielen kontra jokatu nahi duela"
Bidasoa-Irunek Kieleren aurka jokatuko du, astearte honetan, EHF Europako Ligako partidan, 20:45ean hasita. Nietok partida berezia izango dela nabarmendu du, eta taldeak horrelako norgehiagokak "disfrutatu eta konpetitu" nahi dituela azpimarratu. EITBk zuzenean emanen du partida, ETB4n, telebistaz, eta kirolakeitb.eus euskarriaren bitartez.
Bidasoak Montpellierren galdu du, eta final-laurdenetarako sailkapena zaildu zaio (38-33)
Talde gipuzkoarrak barkatu egin dio talde frantziarrari lehen zatian, eta bigarrenean baloi gehiegi galdu ditu. Frantziako taldeak kontraerasoa baliatu du partida erabakitzeko.
Bera Bera vs Aula Valladolid eta Beti-Onak vs Mecalia Atletico Guardes, Kopako final-laurdenetan
Hori izan da astearte honetan Donostiako Aquariumean egindako zozketaren emaitza.