Brontzezko domina da Gurbindo eta Aginagalderen hurrengo helburua Espainiak Danimarkaren aurka galdu ostean
Espainiako eskubaloiko selekzioak porrota jaso du Danimarkaren aurka (23-27) Tokioko Olinpiar Jokoetako finalerdian ostegun honetan. Ondorioz, Espainiako selekzioarekin ari diren Eduardo Gurbindo eta Julen Aginagalde euskal jokalariek brontzezko domina lortzea izango dute helburu azken partidan.
Danimarkak ondo ekin dio neurketari eta Espainiari kosta egin zaio aurkariaren erasoak gelditzea. Pixkanaka, danimarkarrek zuloa ireki dute markagailuan (7-11) eta lau goleko abantailarekin iritsi dira atsedenaldira (10-14).
Bigarren zatiaren hasieran ere Danimarka izan da nagusi, eta aurretik lortutako errentari eustea lortu du (15-19). Baina, Espainiak ez du esti eta asko kosta zaion arren, bi golera gerturatu da (20-22), Espainiarrek gol bakarrera hurbiltzeko hainbat aukera alferrik galdu dituzte, nahiz eta azkenean lortu duten gol batera gerturatzea (21-22). Dena den, Danimarka larri ikusi denean, berriz maila onean jokatzen hasi da, eta azken txanpan hiru goleko abantaila lortuta (22-25), garaipena bideratuta utzi du. Espainiako selekzioa saiatu da desabantaila murrizten, baina Danimarka sendo mantendu da eta finalerako txartela lortu du (23-27).
Fitxa teknikoa:
23 - Espainia: Perez de Vargas; Sole (-), Gurbindo (-), Sanchez-Migallon (1), Gedeon Guardiola (-), Raul Entrerrios (2) eta Angel Fernandez (1) -hasierako taldeal- Corrales (o. a.), Maqueda (-), Alex Dujshebaev (5), Sarmiento (2), Figueras (5), Antonio Garcia (3) eta Aleix Gomez (4, 3p)
27 - Danimarka: Niklas Landin; Svan (1), Gidsel (5), Holm (1), Mikkel Hansen (12, 5p), Magnus Landin (1) eta Saugstrup (-) -hasierako taldeal- Moller (o. a.), Mollgaard (-), Mensah (4), Toft Hansen (2), Olsen (-), Johan Hansen (1) eta Andersson (-)
Emaitza bost minutuero: 1-2, 3-3, 5-7, 6-9, 7-11 eta 10-14 (atsedealdia) 12-14, 15-19, 18-21, 20-22, 21-23 eta 23-27 (amaiera).
Epaileak: Brunner eta Salah (SUI). Sole, Gedeon, Guardiola, Sarmiento eta Antonio Garcia Espainiako jokalariak kanporatu dituzte, baita Saugstrup eta Mollgaard Danimarkako jokalariak.
Zure interesekoa izan daiteke
Bidasoak agur esan dio Europako Ligari, Montpellierren aurka Artalekun beste porrot bat jasota (34-36)
Mozasen mutilek lehen zati bikaina egin dute eta talde frantziarrari eustea lortu dute atsedenaldira 18nako berdinketarekin joateko. Aldageletatik bueltan, ordea, berriz ere energia falta izan da, nahiz eta partida amaierara berdintzeko aukerekin iritsi.
Jon Begiristain izango da Bera Beraren entrenatzailea datozen bi denboraldietan
Imanol Alvarez ordezkatuko du, hark erabaki baitu denboraldi honen amaieran taldearen zuzendaritza uztea. Begiristain Alvarezen laguntzaile aritu izan da 2023-24 denboralditik.
Unai Barretok lesio larria du ezker belaunean
Jokalariari probak egin dizkiote THW Kielen aurkako partidan ezker belaunean izandako bihurrituaren ondorioz. Proba horiek baieztatu dute aurreko lotailu gurutzatua osorik hautsi duela, eta bi meniskoetan hausturak dituela.
Bidasoa EHF Ligatik kanpo geratu da, Wolffen emanaldi bikainaren eta Montpellierren garaipenaren ostean
Talde irundarrak 27-20 galdu du THW Kielen kantxan multzoko liderraren aurka. Montpellierrek, bere aldetik, Flensburg menderatu du etxean. Horrenbestez, Europako Ligako final-laurdenetara sailkatzeko aukerarik gabe geratu da Bidasoa.
Imanol Alvarezek ez du Bera Bera entrenatzen jarraituko datorren denboraldian
Tati Garmendia klubeko presidenteak ohar baten bidez jakinarazi duenez, Alvarez ez da taldeko entrenatzailea izango datorren denboraldian, eta astelehen honetan Gipuzkoako hiriburuan emango duen prentsaurrekoan azalduko du bere erabakia.
Maitane Etxeberria kapitainak Super Amara Bera Berarekin berritu du
Gipuzkoar jokalaria bere hamahirugarren denboraldia jokatzen ari da Donostiako taldean; Bera Beran 400. partida jokatzear dago.
Bidasoak Kieli eutsi dio Artalekun, baina azken minutuetan energia falta izan zaio (32-37)
Bidasoak izarrez betetako Alemaniako taldea izan du aurrean, baina ez dira kikildu. Kiel indartsuak garaipena lortu du, baina Irudek Bidasoa-Irun gertu egon da neurketako fase askotan, 50. minutuan hiru golera izan da.
Gorka Nieto: "Edozein eskubaloi jokalarik pentsatu izan du, txikitan, Kielen kontra jokatu nahi duela"
Bidasoa-Irunek Kieleren aurka jokatuko du, astearte honetan, EHF Europako Ligako partidan, 20:45ean hasita. Nietok partida berezia izango dela nabarmendu du, eta taldeak horrelako norgehiagokak "disfrutatu eta konpetitu" nahi dituela azpimarratu. EITBk zuzenean emanen du partida, ETB4n, telebistaz, eta kirolakeitb.eus euskarriaren bitartez.
Bidasoak Montpellierren galdu du, eta final-laurdenetarako sailkapena zaildu zaio (38-33)
Talde gipuzkoarrak barkatu egin dio talde frantziarrari lehen zatian, eta bigarrenean baloi gehiegi galdu ditu. Frantziako taldeak kontraerasoa baliatu du partida erabakitzeko.
Bera Bera vs Aula Valladolid eta Beti-Onak vs Mecalia Atletico Guardes, Kopako final-laurdenetan
Hori izan da astearte honetan Donostiako Aquariumean egindako zozketaren emaitza.