Majida Maayouf arabarrak zilarra lortu du Espainiako txapelketan
Majida Maayouf arabarrak zilarra lortu du Espainiako kros txapelketako 107. ekitaldian. Lehia banaka eta erkidego autonomikoen artekoa izan da, Madrileko Getafe udalerrian.
Urrea Carolina Robles sevillarrak eraman du, 2.000 metro inguruko zirkuituari bost itzuli emanda.
Andaluziarrak aurreikuspenak bete ditu eta iaz lortutako garaipena berretsi du, hasieratik lasterketa buruan joanda. Berak lehiatutako azken lau txapelketak poltsikoratu ditu Roblesek.
Bigarren Aciru Knight ugandarra helmugaratu da, Gaztela Mantxako ordezkaria, lehiatik kanpo, eta ondoren Mayida Maayouf arabarra eta Angela Viciosa gaztela leondarra helmugaratu dira, zilarra eta brontzea irabaziz.
Yahya Aouina, urrea gizonezkoetan
Gizonezkoen lasterketan, azkarrena Rodrigue Kwizera Valentziako erkidegoko ordezkaria izan da, baina korrikalaria sailkapenetik kanpo lehiatu da Espainiako herritartasuna ez izateagatik. Bere atzetik Yahya Aouina sartu da, atzetik erasoa jo eta ezustekoa emanda. Sorian bizi zen atletak Abdessamad Oukhelfen gainditu du azken txanpan.
Aaron Las Heras kataluniarrak hirugarren egin du.
Zure interesekoa izan daiteke
Markel Fernandez: “Domina egindako lanaren erakusgarri da”
Paula Sevilla, David Garcia Zurita eta Blanca Hervasekin batera, zilarrezko domina eskuratu berri du Markel Fernandez atleta bizkaitarrak Torunen, Polonian, Munduko Indoor Atletismo Txapelketan. Nola sentitzen den kontatu du, Euskal Herrira iritsi ostean egindako elkarrizketan.
Markel Fernandezek zilarra irabazi du 400 metroko 4 erreleboko proba mistoan
Sopelako atletak, Paula Sevilla, David Garcia eta Blanca Hervasekin batera, lasterketa bikaina egin du eta Espainiako errekorra hautsi du.
Asier Martinez, 60 metroko hesidun probaren finalerdietan
Nafarroako atleta pista estaliko atletismoko munduko txapelketako finalerdietarako sailkatu da, 7,65 segundoko markari esker, eta bere sasoi onenean jarraitzen duela erakutsi du.
Duplantisek munduko marka hautsi du berriro 6,31 metrotik gora salto eginda
Hamalaugarren aldia da 26 urteko suediarrak munduko errekorra hobetzen duela, 2020ko otsailean 6,17 metroko jauzia egin ostean lehen marka unibertsala hautsi zuenetik.
Ander Garaiarrek 20 urtez azpikoen munduko errekorra hautsi du 4x100 errelebo mistoan
Esprinter gipuzkoarrak proba honetan erregistratutako markarik onena lortu du, Madrilgo eta Nafarroako atletez osatutako laukotearekin batera, asteburu honetan Katalunian egindako lehiaketa batean.
Dominic Lobalu eta Asayech Ayichew nagusitu dira Bilboko 10K lasterketan
Larunbat arratsaldean Bilbon jokatu den 10k lasterketan, Dominic Lobalu, Abderrahmane Aferdi eta Ayana Geneti nagusitu dira gizonezkoetan; emakumezkoetan, berriz, Asayech Ayichew, Nigsti Molla Hagos eta Francine Niyomukunzi.
Eneko Carrascal, Markel Fernandez eta Martin Segurola, Espainiako txapeldunak, Valentzian
Jauzi hirukoitzean, 3.000 metroetan eta 400 metroetan gailendu dira, hurrenez hurren.
Ibai Larrea eta Oihana Zubillaga nagusitu dira Arrasate-Udalatx mendi-lasterketan
Gaur goizean, Arrasate-Udalatx mendi-lasterketaren hamargarren edizioa jokatu da, eta, gizonezkoetan, Ibai Larrea antzuolarrak irabazi du, hirugarrenez jarraian; Luis Puigvert kataluniarra izan da bigarren, eta Oier Zubeldia amezketarra, berriz, hirugarren. Emakumezkoetan, Oihana Zubillaga anoetarra izan da azkarrena, eta haren atzetik sailkatu dira Carrodilla Cabestre eta Ainhoa Sanz.
Behobia-Donostia lasterketak zozketa baliatuko du, izena emateko modu orokor moduan
Antolatzaileek 30.000 kirolari inguru egoteko asmoa dute 2026ko lehian.
Berihu Aregawi eta Winfred Yavi gailendu dira Elgoibarko Nazioarteko Krosean
Berihu Aregawi etiopiarrak hirugarren urtez jarraian irabazi du Juan Muguerza Nazioarteko Krosa, Elgoibarren. Emakumezkoen proban, berriz, Winfred Yavi kenyarra izan da onena, eta erakustaldia emanda nagusitu da.