Zierbena, Orio, Hondarribia, Bermeo, Getaria, Lekittarra eta Ondarroa gizonezkoen Kontxako Banderarako sailkatu dira
Asteazkenean egindako sailkatze estropadan, zazpi klub horiek lortu dute txartela; Donostiarrarekin batera arituko dira hurrengo bi igandeetan, azken hori sailkatuta baitzegoen. Zarautzek gertu izan du sailkatzea, baina, azkenean, ezin izan du hobetu Ondarroak egindako denbora.
Ondarroako arraunlariak, pozarren, sailkatzea lortuta. Argazkia: EITB.
Zierbena, Orio, Hondarribia, Bermeo, Getaria, Lekittarra eta Ondarroa 2026ko gizonezkoen Kontxako Banderarako sailkatu dira, asteazken arratsaldean. Sailkatze estropadan, zazpi klub horiek lortu dute txartela; Donostiarrarekin batera arituko dira hurrengo bi igandeetan, azken hori sailkatuta baitzegoen. Zarautzek gertu izan du sailkatzea, baina, azkenean, ezin izan du hobetu Ondarroak egindako denbora, eta bederatzi segundogatik gelditu da at.
Horrenbestez, bete egin dira iragarpenak, eta Eusko Label Ligako aurreneko zortziak izango dira Kontxan. Zierbena izan da azkarrena, 20:11ko denbora eginda, alegia, Oriok baino bi segundo gutxiago eginda, eta Hondarribiak baino lau gutxiago. Ama Guadalupekoak 20:15 behar izan du lana amaitzeko, eta Bermeok, alegia, laugarren sailkatuak, hiru segundo gehiago baliatu ditu. Getaria bosgarren helmugaratu da, 20:22 eginda.
Lekittarrak erdietsi du seigarren denborarik onena egitea, 20:26. Ziabogan, Lekeitioko traineruak 10:22ko denbora egin du, eta Ondarroak hori bera; baina Zarautzek, gerora, 10:20 behar izan du lehen luzean, eta, hala, bi txartel zeuden jokoan hiru talderen artean, zehazki Lekittarraren, Ondarroaren eta Zarautzen artean.
Bigarren luzea, testuinguru horretan, erabakigarria izan da. Zazpigarren postua bermatzeko lehian, Lekittarra izan da onena, eta Ondarroak 20:28 egin du. Zarauzko Enbatak 20:37 behar izan du lana bukatzeko, San Juanek adina. Hortaz, Ondarroako Antiguako Ama Kontxan izango da hurrengo bi igandeetan.
Txandetako zozketa
Sailkatze estropada amaituta egin dute Kontxako Banderako lehenengo jardunaldiko txandetako zozketa, Donostiako Udaletxean. Zozketa horrek zehaztu duenez, lehen txandan Donostiarra, Getaria, Orio eta Ondarroa arituko dira, eta bigarrenean, ordea, Hondarribia, Lekittarra, Zierbena eta Bermeo ibiliko dira.
Zure interesekoa izan daiteke
2026ko Kontxako Banderaren 1. jardunaldiko kaleen zozketaren emaitza
Emakumezkoen estropada 11:00etan hasiko da, eta gizonezkoena, berriz, ordubete geroago, 12:00etan.
ARRAUNA ZUZENEAN: Kontxako Banderaren lehenengo jardunaldia
Ikusi 2026ko Kontxako Banderaren lehen jardunaldiaren zuzeneko emanaldia, Donostiatik, 10:40etik aurrera.
Orio eta Arraun Lagunak faborito nagusi, Kontxako Banderaren lehen jardunaldian
Emakumezkoetan, Lugañene ontziak laugarren garaipena lortu nahi du jarraian, denboraldi honetan dena irabazi ostean. Gizonezkoen estropadan, aldiz, Zierbena eta Bermeo dira, aurreikuspenen arabera, Orioren aurkari nagusiak.
Maddi Landa, Zarauzko arraunlaria: “Kriston eguna izan zen guretzat, sinestu ezinda gaude"
Zarautzek iazko akatsa ahazteko aukera izan zuen asteazkeneko sailkatze estropadan. Aurten, banderaren lehian izango dira, eta pozarren daude. ETE ligako traineru bakarra izango da uretan Kontxako badian: Enbata.
Honela ospatu dute Zarauzko arraunlariek eta zaleek Kontxako Banderan izango direla
Ostegunean egindako sailkatze estropadan, Enbatak zazpigarren postua lortu du, eta, horrenbestez, Kontxan izango da. Estropada amaituta, Zarauzko arraunlariek eta zaleek pozarren ospatu dute hori.
Gertu eduki arren, bidean geratu dira Hondarribia eta Kaiku
Eskutik joan zaie Hondarribiari (zortzigarren) eta Kaikuri (bederatzigarren) Kontxako lehian aritzeko aukera. Erroxe Amunarrizek, burumakur, egindakoa onartzea besterik ez zaiela geratzen azaldu du. Ainhoa Escobal, berriz, pozik agertu da lortutako emaitzarekin.
Donostiarra eta Zarautz une gozoan, Kontxako lehiarako sailkatu ostean
Zarautz eta Donostiarra seigarren eta zazpigarren postuan sartu dira Kontxako Banderaren sailkapen estropadan. Biak ala biak Igandean gozatzea dute helburu, baita ahal bezain postu onenean amaitzea ere, noski.
San Juan, Astillero, Tolosaldea, Orio, Hibaika, Donostiarra eta Zarautz sailkatu dira emakumezkoen Kontxako Banderarako
Ostegunean jokatu duten sailkatze estropadan, zazpi klub horiek lortu dute txartela, eta, hortaz, Arraun Lagunakekin batera, Kontxako Banderan izango dira, hurrengo bi igandeetan. Ziabogan, Kaikuk eta Tiranek Zarautzen denbora bera egin dute, baina, bigarren luzean, Enbata Tiran eta Bizkaitarra baino arinago joan da.
ZUZENEAN: Kontxako Banderako emakumezkoen sailkatze-estropada
Ikusi, zuzenean, 2026ko Kontxako Banderaren emakumezkoen sailkatze-estropadaren emisioa, irailaren 3an, 17:40tik aurrera. Tolosaldea, San Juan eta Orio dira faboritoak, eta Astillerok, Hibaikak eta Donostiarrak ere aukera dute sailkatzeko. Horietako guztietako baten batek ez balu maila emango, hortxe izango dira Hondarribia, Zarautz, Zumaia, Perillo eta Chapela, igandean Donostian izateko prest.
2026ko Kontxako Banderaren emakumezkoen sailkatze estropadaren irteera ordena
Irteeran lehena Hibaika izango da, eta Amegrove arduratuko da erlojupekoa ixteaz.