Bermeo, amesgaiztotik loriara Getxoko Ikurrina irabazita
Lehen txandan aterata, denborarik onena egin du; Getaria izan da bigarren, eta Lekittarra, berriz, hirugarren. Bestalde, ohorezko txandakoek egun beltza izan dute, eta onena, Zierbena, zazpigarren postuan sailkatu da.
Bermeo, Getxoko bandera jaso berritan. Argazkia: EITB
Bermeo amesgaiztotik loriara igaro da gaur, atzo Donostian, Fabrika Banderan, bigarren ziabogan buia istriborrean uzteagatik kanporatua izan ondoren, Getxon denborarik onena egin baitu lehen txandan arituta. Hala, hirugarren bandera eskuratu du, Eusko Label Ligako 9. estropadan.
Bermeo izan da lehen txandako berritasuna. Fabrika Banderan balizarekin izandako arazoak estropadatik kanporatzea eragin zuen, eta, ondorioz, beheko postuen lehian ari direnekin egin behar izan du arraun hurrengo estropadan, gaurkoan. Bestalde, Chapela buian trabatuta geratu da lehen ziabogan, eta oso atzean geratu da. Lekeitio eta Ares bikain hasi dira lanean, olatu onak hartuz, baina balio dutenak azken luzeak dira, eta hor Bermeok bere nagusitasuna erakutsi du. Bou Bizkaia 20 minutu eta 43 segundoko denbora eginda helmugaratu da, bere txandako lehiakideak atzean utzita. Lekittarra 17 segundora iritsi da, eta sailkapeneko hirugarren postua lortu du azkenean. Ares 28ra heldu da, eta Chapela, berriz, 48ra.
Ohorezko txandan, Zierbenak aurrea hartu die lehiakideei lehen paladetan, eta tartea atera die Orio eta Donostiarrari; Hondarribia, berriz, bere txandako lehiakideen erritmoari eutsi ezinik zegoen ordurako. Hala, bigarren ziabogan, Zierbenak 8 segundora zuen Orio, eta 14ra Donostiarra. Hala ere, itsasoaren egoera ikusita, txanda honetakoek baldintzarik txarrenak izan dituzte. Horrela, ohorezko txandako irabazlea, Zierbena, sailkapen nagusiko zazpigarren postuan sailkatu da, Orioren aurretik. Donostiarra eta Hondarribia sailkatu dira txanda horretan hirugarren postuan eta laugarrenean, hurrenez hurren.
Bigarren txandan, inor ez da gai izan Getariaren erritmoari eusteko. Oso nagusi izan da, eta martxa bat gehiago sartu du, Bermeok egindako denbora hobetzen saiatzeko. Hortxe ibili da Esperantza ontzia, baina azken luzeetan nekea nabaritu du, eta 20 minutu eta 52 segundoko denbora eginda bukatu du lana; ondorioz, bigarren postuan sailkatu da, Bermeok baino 9 segundo gehiago eginda. Santurtzi 17 segundora heldu da, Ondarroa 25era eta San Juan 41era.
Zure interesekoa izan daiteke
Jon Salsamendik ez du jarraituko Bermeoko entrenatzaile bezala
Salsamendik, hala, denboraldia amaituta utziko du Bermeoko kluba, hau da, Kontxako Banderako bigarren jardunaldia eta, Eusko Label Ligan, Bermeoko eta Portugaleteko estropadak jokatuta.
Joseba Fernandez: “Banderak irabaztetik urrun bagaude ere, mailari eustea irabazteko beste modu bat da”
San Juanek Eusko Label Ligan jarraitzea lortu du beste urte batez. Joseba Fernandez entrenatzailea elkarrizketatu dugu, eta esan digu “pisu handia kendu dutela gainetik”. Kontxari dagokionez, berak lehen sei postuak argi dauzkala dio, baina ez du baztertzen zazpigarren postua lortzea “estropada oso ona” egiten badute. (Bideoa gazteleraz)
Harrotasunez betetako harrera egin diete arraunlariei Orion
Bi estropadaren faltan, Oriok Eusko Label Liga bermatu zuen atzo Galizian. Herriak harro jaso zituen arraunlariak eta ospakizunean murgildu ziren denak.
Gorka Aranberri: “Garaipenaren trenean sartuta gaude, eta ez dugu utzi nahi"
Oriok matematikoki irabazi du Eusko Label Liga, bigarrenez jarraian, bere palmareseko hirugarrena, Aresen udako hamaseigarren bandera irabazita.
Oriok bigarrenez jarraian irabazi du Eusko Label Liga Aresen nagusituta
San Nikolas ontziak denboraldiko hamabosgarren bandera irabazi eta Ligako hirugarren titulua eskuratu du. San Juanek salbazioa lortu du, Zierbena bigarren sailkatu da, eta Donostiarra izan da hirugarren, bigarren txandan arituta.
San Juanek Eusko Label Ligan jarraituko du!
San Juaneko arraunlariek gogoz ospatu dute hurrengo denboraldian Eusko Label Ligan jarraituko dutela. Areseko lehia estua izan dute Galizian bertan, Aresen, jokatutako estropadan.
Imanol Arregi, San Juaneko aurraunlaria: “Zerotik hasi gara, eta helburua lortu dugu"
XIX. Bandeira Concello de Ares jokatu da Galiziako uretan. Lehenengo txandan, San Juan izan da nagusi, Aresen aurretik helmugaratuta, hiru segundoko aldearekin. Garaipen horri esker, San Juanek gorengo mailan beste urtebetez jarraitzea ziurtatu du.
ARRAUNA ZUZENEAN: XIX Bandeira Concello de Ares
Jarraitu Eusko Label Ligako Bandeira Concello de Aresen zuzeneko emanaldia.
Oihan Manterola, Orioko patroia: “Estropada biribila atera zaigu"
Orio nagusi izan da Boiroko uretan eta esku-eskura du Eusko Label Liga matematikoki irabaztea. Oihan Manterola gazteak debuta egin du Oriokoen patroitzan, Gorka Aranberriren lekua hartuta.
Orio nagusitu da Boiron, eta oso gertu du Eusko Label Liga irabaztea
Oriotarrek Liga erabakita uzteko 5 puntuko aldea atera behar zioten Zierbenari, baina azkenean 2 puntukoa atera diote gaurko estropadan. Bermeo sailkatu da bigarren, eta galipoak, berriz, hirugarren.