Santurtzi eta Donostiarra sentsazio onenekin iritsiko dira TKE ligako play-offetara
Eusko Label eta Euskotren ligetako play-offak jokatuko dira asteburu honetan Bermeon (larunbata, 17:15) eta Portugaleten (igandea, 12:00) arraun denboraldiari amaiera emateko. Horrez gain, aurten jaun eta jabe izan den Oriok zenbait marka hausteko aukera izango du, liga eta Kontxako Bandera nagusitasun handiz irabazi ostean.
Orain dela bi aste Kontxako Banderarako egin ziren sailkapenak izan dira kategoria bakoitzeko bost ontziak batera arraunean ikusteko aukera bakarra, eta, gainera, play-offean gertatuko den bezala, kaleen edo baldintza meteorologikoen arteko aldeak saihesten dituen erlojupeko batean.
Gizonezkoen proban, Sotera, KAE 1 ligako txapelduna, argi eta garbi gailendu zen Donostiako badian. Izan ere, Santurtzik 9 segundo atera zizkion Galiziako Chapelari, 30 segundo Kaikuri, 38 Arkoteri eta 44 Tirani.
Alde horiek, ziurrenik, estuagoak izango dira Bermeon, itsas zabaleko estropadetan, eta Portugaleten, itsasadarrean, batez ere Kaikuren kasuan, aste batzuk baitaramatza play-off hori prestatzen, eta bi aurkari nagusiengandik dezente gertuago egotea espero da.
Argiagoa dirudi pronostikoak emakumezkoen kategorian, urteko hitzordu nagusian hirugarren denborarik onena eginda eta laugarren postuan Kontxarako sailkatzeak Euskotren Ligan jarraitzeko faborito nagusi bihurtu baita Donostiarra.
Sailkatze estropadan, Bantxa ontziak 16 segundo atera zizkion San Juani, 17 segundo Zarautzi, 22 segundo Chapelari eta 38 segundo Tirani.
Oriok denboraldi historikoari amaiera bikaina eman nahi dio garaipen errekorra lortuz
Eusko Label Liga eta Kontxako Bandera nagusitasun handiz irabazi ostean, Oriok beste erronka bat izango du asteburuan: maila gorenean garaipen errekorra lortzea. Iker Zabalak entrenatzen duen kuadrillak orain arte jokatutako 18 estropadetatik 14 irabazi ditu, eta, horrela, Urdaibaik duela urtebete ezarritako markarik onena berdindu du. Ondorioz, bi aukera ditu Bizkaiko uretan mugarri berri hori lortzeko; gainera, lehiaketako puntu marka berria ere lor dezake.
Zure interesekoa izan daiteke
Castroko estropada eremuko batimetria eta baldintzak
Euskotren eta Eusko Label Ligetako hirugarren jardunaldian CaixaBank Bandera jokatuko da. Bideoan Castroko estropada eremuko baldintzak eta ezaugarriak ikus daitezke.
Jon Larrañaga: “Ideia beti da goian ibiltzea, baina hankak lurrean eduki behar dira”
Getariak laugarren urtea du Eusko Label Ligan. Denboraldi hasiera bikaina egiten ari da, eta ohorezko txandan arituko da larunbatean. Jon Larrañagak adierazi du lehen postuetan egoteko entrenatzen dutela eta hori gustagarria den arren, Orio tartean egonda “hankak lurrean” eduki behar direla.
Deustu, olatu aparretan KAE 1eko lidertzarekin
KAE 1 Ligako liderra da Deustu lehen bost jardunalditan hiru bandera eskuratuta. Sailkapenean bi puntu ateratzen dizkie Zarautzi, eta lau Zumaiari. Hala ere, oraindik goiz izan arren, Eusko Label Ligara sartzeko play-offekin amesten du Tomaterak.
Jon Salsamendi: “Merezitako opari bezala hartzen dugu larunbateko garaipena”
Jon Salsamendi Bermeo Urdaibaiko entrenatzailea elkarrizketatu dugu Bilboko bandera irabazi berritan. Garaipena “opari bezala” hartu dute, baina iparra galdu gabe “ohorezko txandan egonkortzea eta banderen lehian sartzea” baitute helburu.
Orio garaipenaren bidera itzuli da Zierbenan
San Nikolas ontziak, bigarrena larunbatean Bilbon, denboraldiko bigarren garaipena lortu du XLIII. Petronor Banderan. Getaria bigarren izan da bigarren txandan arraun egin eta gero, bost segundora, eta Bermeo hirugarren, 13 segundora.
Aranberri: “Basurde zauritua bezala atera gara"
Gorka Aranberri Orioko patroiak onartu duenez, Bilboko Banderan jasotako kolpea ondo etorri zaie Zierbenan "basurde zauritu" bezala atera eta estropada bereganatzeko. Itsasoaren baldintzak ikusita, lan gogorra egin dutela adierazi tu, eta pozik da lortutako emaitzarekin.
Orioren azken metroak Petronor Banderan, ontzi barrutik ikusita
Oriok bigarren garaipena lortu du Eusko Label Ligako hirugarren jardunaldian Petronor Bandera irabazita, Zierbenan. Hauek dira estropadako azken metroak, ontzi barruko minikameratik ikusita.
2026ko Euskotren Ligako egutegia
Emakumezkoen txapelketa ekainaren 28an hasiko da ‘Canal de Isabel II’ Banderarekin, eta abuztuaren 23an amaituko da, Zarauzko XVIII. Ikurrinarekin.
Hirutik hiru Arraun Lagunakentzat, Zierbenan ere nagusituz
Orain arte Euskotren Ligan lehiatu diren hiru banderak 'Lugañene'rentzat izan dira, denboraldi hasiera ezin hobea osatuz.
Zierbenako estropada eremuko batimetria eta baldintzak
Euskotren eta Eusko Label Liagko hirugarren jardunaldian Petronor Bandera jokatuko da Eusko Label eta Euskotren Ligetan. Bideoan Zierbenko estropada eremuko baldintzak eta ezaugarriak ikus daitezke.