Orio eta Arraun Lagunak nagusitu dira 2025eko Espainiako traineru txapelketan
Orio, gizonezkoetan, eta Donostia Arraun Lagunak, emakumezkoetan, nagusitu dira Espainiako txapelketan, Castro Urdialesen jokatutako estropadetan.
"San Nikolas" ontziak pronostikoak bete ditu, eta A Finala irabazi du 19:36.34ko denborarekin. 5 segundo atera dizkio bigarrenari, Zierbenari (19:41.54) eta 14, berriz, podiuma osatu duen Donostiarra ontziari (19:50.67). Bermeo (19:57.29) izan da laugarren, eta Chapela (20:30.59), bosgarren.
B Finalean, Koxtape Pedreña, Astillero, Castropol eta Castreña baino azkarragoa izan da.
Emakumezkoen finalean, bestalde, gipuzkoarren nagusitasuna berretsi du Espainiako LXXVIII. Txapelketak, Donostia Arraun Lagunak (10:35.25) Tolosaldearen (10:40.93) eta Hibaikaren (10:53.99) aurretik iritsi baita helmugara. Laugarren postua, berriz, Astillerok eskuratu du (11:03.49) eta bosgarrena Zarautzek (11:05.58).
Zure interesekoa izan daiteke
Lau euskal traineru arituko dira Espainiako Txapelketan Moañan
Donostia Arraun Lagunak emakumezkoen modalitatean arituko da, eta Orio, Kaiarriba Donostiarra eta Zierbena gizonezkoenean.
Xubane Uribarrena: “Banderak irabazten jarraitu nahi dugu, askorentzat aspergarria den arren"
Arraun Lagunakeko arraunlaria bakarra da 2015etik traineruan jarraitzen duena. Gogor lan egin dutela nabarmendu du, eta asmoa banderak irabazten jarraitzea dela.
Orio eta Arraun Lagunak, Euskadiko txapeldun
Gorka Aranberriren mutilek ez dute hutsik egin eta aurreikuspenak bete dituzte igande honetan Getarian, gizonezkoen estropadan. Arraun Lagunakek gauza bera egin du emakumezkoen lehiaketan.
Jon Urresti: “Horrelako txapelketak ez dira askotan irabazten, pisu handiko bandera da"
Jon Urresti Orioko traineruko arraunlaria pozik agertu da Euskadiko Traineru Txapelketa irabazi ostean. Gainera, bere herrian irabazi dute, Getarian, eta berarentzat "pisu handiko" bandera dela nabarmendu du.
Oriok irabazi ditu Lekeitioko bi banderak
Euskadiko Txapelketaren bezperan Lekeition jokatu den estropadan, Orio nagusitu da bi kategorietan. Emakumezkoetan, Xanti Zabaletak zuzendutako traineruak 14 segundo atera dizkio Hibaikari eta 23 Zumaiari. Gizonezkoetan, berriz, Oriok 9 segundo atera dizkio San Juani eta 11 Zarautzi.
Euskadiko Traineru Txapelketa jokatuko da igande honetan Getarian
Dozena bat ontzik parte hartuko dute denboraldiko bigarren hitzordu ofizialean, aurreko asteburuan lurraldeko txapelketak egin ostean. ETB1en eta kirolakeitb.eus-en zuzenean ikusteko aukera izango da.
2026ko Euskotren Ligako egutegia
Emakumezkoen txapelketa ekainaren 28an hasiko da ‘Canal de Isabel II’ Banderarekin, eta abuztuaren 23an amaituko da, Zarauzko XVIII. Ikurrinarekin.
2026ko Eusko Label Ligako egutegia
Gizonezkoen traineru txapelketa nagusia ekainaren 28an hasiko da, Buitrago del Lozoyan, ‘Bandera Pueblos con Vida Comunidad de Madrid’-ekin, eta irailaren 20an amaituko da, Portugaleten, LVI GP - LII El Corte Ingles Banderarekin.
Euskotren Liga eta Eusko Label Liga, ekainaren 28tik aurrera, EITBn
Denboraldiko txapelketa nagusia hastear da, eta, ohi bezala, ETB1ek eta kirolakeitb.eus-ek estropada guztiak emango dituzte, zuzenean.
Orio eta Arraun Lagunak nagusi Getarian, Bermeo eta Kaiku Lekeition
Bizkaiko eta Gipuzkoako traineru txapelketak jokatu dira gaur. Emakumezkoetan, lehia estua izan da Kaiku, Deustu eta Ondarroaren artean, baina lehena azkarragoa izan da ziabogetan. Gipuzkoan, Arraun Lagunakek garaipen argia lortu du. Gizonezkoetan, Bermeo nagusitu da Bizkaian, Lekittarra gertu izan duen arren; Donostiarrak, aldiz, lanak eman dizkio Oriori garaipena eskuratzeko.