Eusko Label Liga eta Euskotren Liga uztailaren 5ean abiatuko dira
TKE goizean bildu da Bermeoko Arrantzaleen Museoan 2025eko hirugarren ohiko batzarra egiteko. Hitzordu horretako puntu aipagarrienak 2025eko aurrekontua eta Traineru Kluben Elkarteak antolatutako bi ligetako lehiaketen egutegia onartzea izan dira.
Eusko Label Liga eta Euskotren Liga uztaileko lehen asteburuan hasiko dira Bilbon eta Sestaon, eta beste denboraldi batez, lau hitzordu izango dira Galizian. Kantabriak ere bere lekua izango du 2025eko egutegian, uztailaren 27an Castro Urdialesen, CaixaBank banderarekin.
Ligek Bilbon emango diote hasiera 2025eko denboraldiari, uztailaren 5ean. Asteburu horretako bigarren jardunaldia Sestaon jokatuko da. Pasai Donibaneko estropada uztailaren 19an jokatuko da, denboraldiko bigarren erlojupekoa izango da, eta 2 luzetara jokatuko da.
Galiziara, berriz, abuztuaren 9an eta 10ean bidaiatuko dute estreinakoz Eusko Label Ligak eta Euskotren Ligak aurten. Larunbatean, Barbanza Arousa Bandera jokatuko da Pobra do Caramiñalen. Igandean, berriz, Boiron jokatuko da estropada, Boiroko Bandera.
Zarauzko Ikurrina abuztuaren 16an eta 17an jokatuko da, eta iaz hasitako bideari jarraituz, Euskotren Ligaren 16 jardunaldiak bermatu dituzte. Hortaz, aurten Euskotren Ligaren azken asteburua Ondarroan eta Getarian jokatuko da, abuztuaren 23an eta 24an.
Play-offak
Galiziako bigarren hitzordua abuztuaren 30ean eta 31ean lehiatuko da. Eusko Label Ligako 17. eta 18. jardunaldietan. Play-offeko bi jardunaldiak eta Eusko Label Ligaren amaiera irailaren 20an eta 21ean jokatuko dira, Bermeon eta Portugaleten.
Zure interesekoa izan daiteke
Euskotren eta Eusko Label ligetako lehen estropada, Buitrago del Lozoyan
Aurtengo arraun denboraldia Buitrago del Lozoyan abiatuko da, Madrilen, estropada berezi batekin. Lehen hitzordu hori ekainaren 28an izango da. Astearte goizean egin dute aurkezpena.
Mikel Olazabalek Airean saria jaso du
EITBKirolak lantaldeko kazetaria saritu du Euskadiko Irrati eta Telebistako Profesionalen Elkarteak. Mikel Olazabalek erretiroa hartuko du laster, eta 42 urteko ibilbide profesional luzearen ondoren saria jaso du. Kirol zuzendaria izan da urte askotan ETBn, eta udan estropaden ahotsa eta aurpegia zen.
Orio eta San Juan nagusi Euskadiko Batel Txapelketan
Orio eta San Juan nagusitu dira Euskadiko Batel Txapelketan, Sestaon jokatutako estropadetan garaipena lortuta. Gizonezkoetan, Orio Kaiarriba baino 3 segundo lehenago helmugaratu da, eta 6 segundora sartu da hirugarrena, Zierbena. Emakumezkoetan, San Juan izan da Gipuzkoako 3 klubek osatu duten podiumeko gorenean, eta Zarautz (bigarren) eta Hibaika (hirugarren) izan ditu ondoan.
Hondarribia, olinpiar erako arraunean erakutsitako mailarekin pozik
Asteburu honetan amaitu da estatuko olinpiar erako arraun ligaren lehen edizioa. Hondarribia da gizonezkoen eta emakumezkoen zortzikotearekin parte hartu duen euskal talde bakarra.
Unai Emery eta Hondarribia A. E. lankidetzan arituko dira
Unai Emeryren eta Hondarribia arraun elkartearen arteko lankidetza hitzarmena aurkeztu da. Lortutako akordioa hasiera batean hiru urterako da, baina urte askoz gehiago jarraitzeko asmoz sortu da. Aston Villako entrenatzailea, arrantzalea txikitatik, zoriontsu agertu da.
Eusko Label eta Euskotren Ligak ekaineko azken asteburuan hasiko dira Madrilen
Galizian bi asteburuz lehiatuko dira; uztailaren 17-18an eta abuztuaren 29-30ean. Euskotren Liga abuztuaren 22-23an amaituko da Zarautzen eta Eusko Label Liga irailaren 19-20an Bermeon eta Portugaleten.
Zierbena B eta Astillero, garaile Portugaleten
Astillero, emakumezkoetan, eta Zierbena B, gizonezkoetan, izan dira nagusi arraun denboraldiko lehen proban, Portugaleten. Eguraldiaren eta itsasoaren egoera kaskarrak baldintzatu du proba.
2025eko arraun denboraldiaren laburpena
Gizonezkoetan, Oriok denboraldi historikoa egin du. Nagusitasun handiz gailendu da Eusko Label Ligan, eta Kontxako Bandera eta hiru txapelketa ofizialak ere irabazi ditu. Emakumezkoetan, Donostia Arraun Lagunak izan da onena, Euskotren Liga, Kontxako Bandera eta Gipuzkoako eta Espainiako txapelketak bereganatu baititu.
ACTko Euskotren eta Eusko Label ligak Madrilen hasiko dira
ACTren batzarrak jakitera eman duenez, bi ligak ekainaren 28an hasiko dira.
Jose Luis Korta: ''Arraun mundua salbatzeko, harrobiko arraunlari gehiago''
Oriotarrak erretiroa hartuko duela iragarri berri du. Kortak 60 urte eman ditu arraunari lotuta, eta ez sinisteko moduko palmaresa du: 300 bandera baino gehiago irabazi ditu, 16 Kontxa, 53 bider izan da Espainiako txapeldun eta diploma olinpikoa ere badu.